KISAH 14:19 - ALLAH NIHYET MEM TUNGWATU NYA

¹⁹ Lo bi lene mben Yahudi leu minu ndig Antiokhia ei hanjop Pisidia kin minu ndig Ikonium ikwei krau minu ndig Listra bikes ingon bak tungwatu ningot ndig pima yok. Yoni ibindei ba, tungwatu ningot ndig dima itti kin yok leu api yahagom iba tig bihwen Paulus bikri ningut ug ei minu ndig dima nisai bikan bigya noni mai su.

KISAH 14:19 ပူးပေါင်းရင်းမြစ်များ

YEREMIA 22:19

Siceu nya mikri Yoyakim ningut bicom kak dimbou pmem ug ei minu ndig Yerusalem nisai. Ibibon noni noyam kin ibibon keledai di mai pimo.”

KISAH 13:14

Ba, yo cin dima ijo leu minu ndig Perga bimbut imig ug ei minu ndig Antiokhia ei hanjop Pisidia leu api icoi ug ei mben Yahudi ide ig mbusyamei mem ide Njap Nigwam Kep Ninghuisi bigwam bit yo di idem yam ei su.

KISAH 13:45

Tirigi mben Yahudi ingat lo, tungwatu ningot ndig dima idem yam ei su lene ingon kinei sut Paulus kin Barnabas bipai Paulus kinei bitte tut nihyet di noni tri tut hagom.

KISAH 14:1

Mun pima yok hagom cut igkep Paulus kin Barnabas ei minu ndig Ikonium cem. Icoi ug ei mben Yahudi ide ig mbusyamei lene iba iji ngkiem bitri tut nihyet biyok apino mben Yahudi kin ngkiai nya imang bibor ingon jo kep Yesus.

KISAH 14:18

Mbro nok gino Paulus kin Barnabas imbrua ser yok nok lo, nggruk bibor mem itte tut timiei minu ndig dima di ipi bibui sapi bibikuk yok biyok.

KISAH 14:2

Noro mben Yahudi di ikou sut ningon jo kepti nya ikes ingon kanti bak ngkiai nya leu binhyepo ingon sibui sut yo di ingon jo kep nya.

KISAH 14:21

Paulus kin Barnabas itri tut Nihyet Di Kei ei minu ndig Derbe leu api tungwatu imang bibor ingon jo kep Yesus. Gima ngwig leu lene ingkwei hanyen ug ei minu ndig Listra kin Ikonium kin Antiokhia ei hanjop Pisidia.

KISAH 14:26

bibri kibar minyei ei minu ndig dima bingkwei hanyen ug ei minu ndig Antiokhia ei hanjop Siria niabiati yo di mbusyamei ei minu ndig dima ikes yok ei Allah di singat tut yok nindati. Noni nyohou yok kikau bigyai Nide midyai biput kep.

KISAH 14:4

Noro timiei minu ndig dima isrep tut yam ba, bihi itti kin mben Yahudi lo, bihi itti kin Paulus kin Barnabas.

KISAH 14:5

Lene ngkiai nya ibou poi kin mben Yahudi ibou poi di ibicom yam bit ide nibou nya igyok ingon gom tut gima ihwen bit Paulus nya ba, ipi biba tig bihwen yok.

KISAH 15:26

Yo cin dini inggok imai eisi tut midyai di igyai mem ide Tuhan di Yesus Kristus.

KISAH 17:13

Tirigi mben Yahudi ei minu ndig Tesalonika imiap Paulus ninghapti tut gi noni tri tut Allah nihyet ei minu ndig Berea cem lene induk yam kwei bihwen timiei minu ndig Berea ingonti ba, ikrau ingon tut Paulus nya.

KISAH 22:20

Nok gima cem dingat rin bit yo di ihwen Stefanus di tri tut nihyet Ade bidice tut gima nibou nya igyai nimai binoni. Gima he bi lewo diya ser yo di ibindei mbut mun di pek kep dima ide sinsun cem.’

KISAH 7:58

binjei noni ug ei minu ndig Yerusalem nisai leu api iba tig bihwen noni. Yo di ibindei mbut mun di pek kep dima ijuk ide sinsun ndok di jei leu lene ikes bak pinjoi pilei di ninyeng Saulus.

KISAH 9:16

Ba, Danti midindo binoni tut ninghuisi wei di micut igkep noni drek dip Dani bak yo.”

KORINTUS GI NIGOM 15:31

Disut bat jen, dinggok dimai eisi tut Kristus bikwop njap ngwa hagom lewo dillei ngwig sut je drek dip gi jinok gom kin Kristus Yesus di ide Tuhan.

KORINTUS GI NICAN 11:23

Apo yoni inok awak mem Kristus e? Mbro nok gino dimbrap tereu nok no di nintin kiek lo, disimbot dat bipia dinok awak di kei bibor dor njiriek yo dima yahagom! Dita dibou ei midyai nyati bibor cem disima-sima nyen ei ig bui nsi cem tungwatu nya imbas da kinei bibor cem dingon tai-tai bou mbirimang bibor cem dor njiriek yo dima yahagom.

KORINTUS GI NICAN 11:25

Mben Roma di igya ser da iba tom bibui da mbiningai cem mben Yahudi iba tig bihwen da bidinem-nnai mbigom cem kibar minyei sar minyei mbiningai sut da cem dipiar ei minyei ngwa dip mem mmmun-njap nitindur gom cem.

KORINTUS GI NICAN 11:26

Dum kep mun di bindei ba, nahanok dimai nimbiam kak dimbutti nya mang bibor. Minyei su bibor bihwen da cem yo di imbuk nya icuug da cem mben Yahudi kin ngkiai nya igyok ingon gom mem da cem dum kep mun di bindei ba, nahanok dimai nimbiam ei biyati cem ei ha ngunti cem ei minyei ngwa dip cem ba, yo di Kresten nitrowai ihwen bit da cem.

TESALONIKA GI NIGOM 2:14

Disut bat jen, mun di cut igkep je dem kep nok mun di cut igkep Allah de mbusyamei di Kristus Yesus de limwa nya ei hanjop Yudea. Jiyai ninghuisi wei leu jenti jide mben nya dem kep nok yo dima igyai ninghuisi wei leu mben Yahudi di ihwen bit yok.

2 TIMOTIUS GI NICAN 3:11

kin tungwatu nya di ihwen bit da kin ninghuisi wei di hwen da hagom tu. Akan tut mun di cut igkep da ei minu ndig Antiokhia kin Ikonium kin Listra tug hon tungwatu nya di ihwen bit da bibor! Noro Allah teu da bidingwes ngun leu hagom tu.