KISAH 14:15 - ALLAH NIHYET MEM TUNGWATU NYA

¹⁵ “Andigpoi jen, jiyai nok gini leu binggon i? Nyeni cem tungwatu dihyeisi dini noyam kin jeni! Nikwei tri tut Nihyet Di Kei ba, nibrim je leu mun di bon ninyeng bi dini yok leu binhyepo jikuk je bak Allah di niyaijo di pai tes mpia-bbed him kin dihyeisi dini kin muk ngeisi bitut mun di joti nya hagom.

KISAH 14:15 ပူးပေါင်းရင်းမြစ်များ

NITRITI 1:1

Ei nimbie him ngat tirigi Allah kinyon ei nipai tes dihyeisi kin mpia-bbed him kin mun di joti nya hagomti,

NITRITI 41:16

Lene Yusuf buhup “Andigpoi e, dani ne bi noro Allah mimbot kep tut nok igbit bina di Andigpoi.”

NIBOU NDIG NYA GI NIGOM 16:13

Baesa kin nipmot Ela ikuk yo bak kwar nya bibindei ba, mben Israel icut ei sisarti. Gima rino ibindei ba, tuhan Allah di suar mben Israel ikuk yok bak dima gga bibor.

NIBOU NDIG NYA GI NIGOM 16:26

Noni bon sisar di bindei ba, mben Israel cem icut ei sisarti. Noni kuk no bak kwar nya cem noyam kin Yerobeam bibindei ba, mben Israel icut ei sisarti. Tug hon nisinati dima ibindei ba, tuhan Allah di suar mben Israel nya ikuk yok bak dima gga bibor.

NIBOU NDIG NYA GI NICAN 19:16

tuhan e, ma angig ayai kep mun di cut igkep nye tu. Amiap kep Sanherib nihyet di wer mpiahi tut Na di Allah di niyaijo.

NIBOU NDIG NYA GI NICAN 19:4

Nibou ndig mben Asyur cuk nide nibou pran di sindem bibor kwei leu binhyepo nihyet wer mpiahi tut Allah di niyaijo. Handei kon ba, ade tuhan Allah miap kep nihyet dima bikes hukum ei no di pai nok gima dip. Gima rino ma angat nadi tindei ide limwa nya di itug ndei nimai bigyo.”

MAZMUR 115:15

Ma tuhan di pai tes mpia-bbed him kin dihyeisi dini njei mun di kei bak jeni!

MAZMUR 124:8

tuhan di pai tes mpia bbed-him kin dihyeisi dini ne No di kwei mpu nye ri.

MAZMUR 31:6

Dikes danti ei anda nsi. tuhan e, Nani ne Allah di ningon gom di miteu da leu mun di ngot kep da.

MAZMUR 33:6

tuhan pai tes mpia-bbed him tug hon nicukti. Noni pai tes mpia njap kin bed mmun kin ham mpia-bbed him nya hagom tug hon nihyet di tibim ei nuhui him.

NEHEI LEUSI 20:11

Lewo Da di tuhan dipai tes dihyeisi kin mpia-bbed him kin muk ngeisi bitut mun di joti nya hagom mem njap nitindur muhwindagom. Noro dikes dinda tut midyai bidigwam kep dinghuisi ei njap gi nimuhwindacan. Gima rino Da di tuhan dijoi sut Njap Nigwam Kep Ninghuisi lene dibindei bikwes-kwau kei mem Da.

YESAYA 45:18

tuhan di pai tes mpia-bbed him Nongkom ngat he rino tuhan! Nongkom pai tes dihyeisi dini binddong kei cem jo nijoti cem. Noni pai tes dihyeisi dini kinei binok mpia nintiti bi noro nok nibreisi mem tungwatu nya bibong kei bigwam kei eisi. Noni pai “Dangkom he rino tuhan ba, tuhan hiter ningat rin bi.

YESAYA 45:20

tuhan pai “Je di timiei ngkiai nya di jingwes ngun e, ma jinduk yam kwei! Yo di ittei yam kui-juk nyen tut ide kwar nya bingat nadi bak ide kwar di bit bon teu yok bingwes ngun kan bi yahagom ingon mbum bibor.

YESAYA 46:7

Noni cim kwar nimbumbati nya eisi leu api tas ei nijoti ba, bit bon kwar dima son-son nyen biya ser kan bi. Gino tungwagom ngat nadi bak lene bit bon kwar buhup nihyet biteu noni leu mun di buhun di cut igkep noni kan bi.

YEREMIA 10:8

Yo dima yahagom ibbwe ba, ingon mbum cem. Lewo iba biei nitu bibon ide kwar di ngginau yok tut mun di bon ninyeng kan bi.

YEREMIA 14:22

Bit bon ngkiai nya ide kwar nya ibindei ba, mpia but kan bi. Mpia-bbed him cem sindem mem gima bindei ba, biget mbras kwei ei dihyeisi dini bi. tuhan e, niyok ningon mem Nangkom. Nangkom he rino abindei ba, mun dima yok pek kep mem nye.

YEREMIA 32:17

“tuhan Di Ninyeng Jei e, Nani rino aba Ade nisindemti di nindig bibor bipai tes mpia-bbed him kin dihyeisi dini. Mun nyeng hi di nggruk mem Nani bi.

YEREMIA 51:15

tuhan ba nide nisindemti bipai tes dihyeisi dini. Noni ba ningon kiti bibon minu nya hagom lene ba nintin kimboti bikes mpia-bbed him cem bijo nijoti.

YEREMIA 8:19

Jimiap i! Ditde limwa nya iba nipim bahara kot. Ighyet dima nugwei bong bidem minu nisurti-nipekti ba, ihig ser “tuhan ningat rin ei Sion bu bi e? Ide nibou ndig no hantou i?” Lene ide nibou ndig di tuhan buhup “Nggon rino jikuk je bak kwar di ibon inyeng bi bibor nya i? Nggon rino jibindei di dingon wei tug hon gi jikuk je bak kwar di jibon bou jinda him nya di ibon inyeng bi bibor nya i?”

DANIEL 6:26

Gima ngwig lene Nibou Ndig Darius pas srat nimeng gom bak timiei minu nya kin mben nya kin gi imbrap ighyet hiter nya ei dihyeisi dini hagom bipai biyok “Jahagom jicem o!

AMOS 2:4

tuhan pai “Timiei minu Yehuda ibon sisar ninyen. Ide sisar bindei ba, dikes hukum ei yok dip. Lewo itunggwei Ditde nicuk yokti nya bingkek ndok tut Ditde nipingokti nya. Nung nya di idigup bat-idigai bat nya ikuk yok bak ibindei ba, mben Yehuda israwir.

YUNUS 2:8

Yo di ikuk yok bak kwar di bon ninyeng bi nya yahagom ingon gom bu bi ba, ikes Na bihigom ei su.

ZAKHARIA 12:1

Gini ne tuhan nihyet di sok tut Israel ri. tuhan di prion mpia-bbed him bipai tes dihyeisi biyai niyaijo bak tungwatu pai,

MATIUS 16:16

Simon Petrus simbot dat “Nani ne Nibou Ndig di teu tungwatu nya biyai niyaijo nijep biyok di Allah Di Niyaijo Nipmot ri.”

YOHANES 5:26

Nicig ne niyaijo nijep nibousi ri. Nicig bindei ba, Nipmot cem nok niyaijo nijep nibousi.

YOHANES 7:18

No di ngginau tungwatu nya bit leu nonti ningon kanti bisau sut ninyeng di jei. Noro no di bisau sut gima kon no di cuk noni kwei ninyeng jeisi ningon sren ba, niris mun jo ei noniti bi.

KISAH 10:26

Noro Petrus brim Kornelius ninda kui bipai ser “Akiju kui lewo dani cem tungwatu dihyeisi he.”

KISAH 13:32

Gima rino nogindini nikwei tri tut Nihyet Di Kei bije. Allah preu ei mem ide pung di intun him nya tut mun nyeng gom nipou su,

KISAH 14:21

Paulus kin Barnabas itri tut Nihyet Di Kei ei minu ndig Derbe leu api tungwatu imang bibor ingon jo kep Yesus. Gima ngwig leu lene ingkwei hanyen ug ei minu ndig Listra kin Ikonium kin Antiokhia ei hanjop Pisidia.

KISAH 14:7

Ba, itri tut Nihyet Di Kei ei hanjop nsi dima.

KISAH 16:30

Leu api buwak yok kwei ei nisai bihig ser yok “Andigpoi jen, dibon mindei mem gima diyai niteu leu sisar kin niyaijo nijep i?”

KISAH 27:10

“Andigpoi jen, dikan tut bipia gino kibar mbut kikau ne mun di buhun bibor micut igkep nye. Lewo ndigban di jo kibar nsi kin kibar ningat cem minggek bisar leu api tungwatu nya cem misar minyei.”

KISAH 27:21

Tirigi yo dima yahagom igyem njita bi ninno tu lene Paulus kiju biya ei ikieti bipai biyok “Andigpoi jen, gino jibit disok kep jeti pima ba, jiba kibar bitot minyei kwei leu Mios Kreta bi lene sigau dini miyem nye ba, ndigban mipror leu nye cem bi.

KISAH 27:25

Gima rino Andigpoi jen, nna ba jibiwin kep yam ngonti lewo diba dingon com Allah nipai bidati hagom ba, mipek kep mem nye bit leu nok nipreu ei mem dati.

KISAH 4:24

Tirigi isut bat nya imiap mun di ipui sut dima lene iba ingon gom bingat nadi bak Allah bipai “Na di Tuhan apai tes mpia-bbed him kin dihyeisi dini kin muk ngeisi tut mun di joti nya hagom.

KISAH 7:26

Njap di hyep bu lene Musa tau kep mben Israel ibou can di ibui yam leu api noni pi bibakei yokti bipai biyok ‘Disut bat jen, jikinjoi bat yam ri. Nggon rino jibui yam i?’

KORINTUS GI NIGOM 8:4

Tut munhyet niyem mikwau di ipigig ser ei mem ide kwar ne ikan tut bipia kwar bon ninyeng bindo tut mun di ningat rin bi. Ikan tut bipia Allah gom ngat he ba, hiter ningat rin bi sren.

EFESUS 4:17

Gima rino diba Tuhan ninyeng bisok kep je bipia ma jiyai munti nya noyam kin yo di ingon tindur nya igyai munti nya au. Lewo ingon kanti nya bon ninyeng bi ba,

NINDAT KEP TUHAN NICUKTI NYA 32:21

Yoni ribindei dino dingon sibui sut ide kwar di ikuk yok bak nya lewo mun di ikuk yok bak dima yok hagom nok mun di igbit bi. Gima rino midiba mben hiter di nok mben di mungkun bi bidibindei ba, Ditde limwa nya igga bibor. Midiba mben hiter di ingon mbum bidibindei ba, Ditde limwa nya ibou dut bibor.

NINDAT KEP TUHAN NICUKTI NYA 5:26

Tungwa hi di miap Allah Di Niyaijo mbrap kwei leu hum njengti no niyaijo yo e?

TESALONIKA GI NIGOM 1:9

Lewo yo dima itri tut binye bipia nipou jiya um nye tirigi nihwou ngat je ba, jikiek je leu kwar nya leu binhyepo jinok awak mem Allah di Nijit di nok nibousi mem niyaijo nijep ba,

TIMOTIUS GI NIGOM 3:15

leu binhyepo gino dibinyen lene srat bokti dini mipingok angonti tut notou nye di mbusyamei igyai kep ide midyai nya. Nyeni ne Allah Di Niyaijo Nide bat nya ri. Allah de mbusyamei rinok cou di sindem tut nihyet di nijit ba, nyohou nihyet dima cem.

IBRANI 3:12

Disut bat jen, ma jisok kep jenti ser nhyema jigom ningon rom ba, ningkek ndokti bindei mbres nonti ei minu ting leu Allah di Niyaijo au.

YAKOBUS 5:17

Bingon leu nok Nabi Elia di tungwatu noyam kin nyeni. Noro ta nibou ei naditi ser nhyema mpia but bi leu api mpia but bi kikau mem nijam ari bingwam ningai biniken.

YOSUA 3:10

Tirigi sindi jicoi ug ei minu dima lene tuhan mihwen mben Kanaan kin mben Het kin mben Hewi kin mben Feris kin mben Girgasi kin mben Amori kin mben Yebus yahagom bingwig sindam ei joho bei. Apino mijo nibreisi mem je bipia tuhan di niyaijo Ningat rin ei jikieti,

NINGAT-HI-NGAT NYA 14:7

Noni ba nihyet nindig bipai “Ma jikuk je bak Allah bijinggei sut ninyeng di jei bibor. Lewo tto bou dem mem Noni mbus tungwatu nya ingonti. Ma jikuk je bak No di pai tes mpia-bbed him kin dihyeisi kin muk ngeisi kin minyei yaisi nya!”

NINGAT-HI-NGAT NYA 19:10

Leu api doom da ei malaikati noho bei ba, dipi bidikuk da bak noro noni srep “Ayai nok au! Akuk na bida au! Noro ma akuk na bak Allah Nongkom! Dani ne awak rin noyam kin nani kin asut bat di ikrau kep nihyet di nijit di Yesus mbot kep tut.” Lewo nihyet di nijit di Yesus mbot kep tut sindem tut yo di itri tut Allah ningon kanti nya.

NINGAT-HI-NGAT NYA 19:19

Leu api dingat lo, mindhe di niten-pos kin nibou ndig dihyeisi dini nya bitut ide tentara nya cem induk yam kwei mem ikon pran bit No di bri bigwam kuda nitiei dip kin Nide tentara nya.

NINGAT-HI-NGAT NYA 22:9

Noro noni srep “Ayai nok au! Akuk na bida au! Ma akuk na bak Allah Nongkom! Dani ne awak rin noyam kin nani kin asut bat nabi nya kin yo di yahagom di ikrau kep nihyet di jo ei srat diniti.”

NINGAT-HI-NGAT NYA 4:11

“Tuhan e, nyende Allah e, Nangkom dem mem gima ayai anyeng jei kin nikei-kau-keisi kin nisindemti. Lewo apai tes mun nyeng hagom ba, hagom jo nijoti bigyai niyaijo tug hon angon kanti.”

SAMUEL GI NIGOM 12:21

Ma jiba joho rok kwar nya au. Bit bon yoni impu je ba, iteu je bijingwes ngun kan bi lewo innei dihip ihwap nsi bi.

SAMUEL GI NIGOM 17:26

Lene Daud hig ser yo di igya ei sirima “Ui! No di ngkiai di mben Filistin dima brim ningkek bisrep huk Allah di niyaijo de tentara e! No di bindei timek noni bibindei ba, noni minim kep nye di mben Israel bu bi mitug ndei mindei ngan i?”

SAMUEL GI NIGOM 17:36

Dibui singa nya kin beruang nya bimai lene midibindei mai ngkiai mben Filistin dima cem bimai drek dip gi noni srep huk Allah di niyaijo de tentara nya.