KISAH 13:50 - ALLAH NIHYET MEM TUNGWATU NYA

⁵⁰ Noro mben Yahudi ikes ingon bak andigpoi di inyeng jei nya ei minu ndig dima kin sindig di inggre kin nimpung di inyeng jei nya di ikuk yok bak Allah cem. Yo dini ikes ingon kanti bak tungwatu nya bibindei ba, ihwen bit Paulus kin Barnabas bijji yok leu ide minu ndig dima.

KISAH 13:50 ပူးပေါင်းရင်းမြစ်များ

NIBOU NDIG NYA GI NIGOM 21:25

Tungwatu dihyeisi dini hi mpig bou kep mun di mbuk bibor ei Allah niyai him noyam kin nibou ndig Ahab de niyai munti dimbuk bibor bi sren. Nitnem Izebel dor pip noni bitig dino noni bon mun di mbuk bibor dima hagom.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

AMOS 7:12

Amazia pai bak Amos “He na di nabi e, ma angkwei hanyen ug ei minu Yehuda ba, atri tut ahyet ei minu dima! Ma asindui sut yo dima ba, igyai amuhup bina!

MATIUS 10:23

Gino timiei minu ttou nsi gom ihwen bit je lene ma jinang ug ei minu ttou nsi hiter bu. Dipai bije bipia nipou tirigi jicem kep mben Israel ide minu ndig nya hagom bidem bigyo lene Munggwom Tungwatu Nipmot kwei hanyen tu.

MARKUS 15:43

Lene Yusuf di nitimieisi leu minu ndig Arimatea kwei brim ningkek kep Pilatus bahara noni leu binhyepo kes Yesus ningut binoni. No dini ninyeng jei bisrig Nikei Puig Yahudi nyati cem lo, yok ningon mem nijam di Allah Ninyeng Tak Kepti nikweisi.

MARKUS 5:17

Gima rino tungwatu dima yok irok Yesus bijji Noni bingkwei hanyen leu hanjop nsi dima.

KISAH 13:43

Niabiati tungwatu pima yok yahagom intek gimahap bingwig leu lene mben Yahudi imang bibor kin ngkiai nya di itti kin puig Yahudi ibit yok. Gima rino Paulus kin Barnabas imbrap bit yok bibiwin kep ingonti leu binhyepo iba ingon com Allah nisingat tut yokti.

KISAH 13:45

Tirigi mben Yahudi ingat lo, tungwatu ningot ndig dima idem yam ei su lene ingon kinei sut Paulus kin Barnabas bipai Paulus kinei bitte tut nihyet di noni tri tut hagom.

KISAH 14:19

Lo bi lene mben Yahudi leu minu ndig Antiokhia ei hanjop Pisidia kin minu ndig Ikonium ikwei krau minu ndig Listra bikes ingon bak tungwatu ningot ndig pima yok. Yoni ibindei ba, tungwatu ningot ndig dima itti kin yok leu api yahagom iba tig bihwen Paulus bikri ningut ug ei minu ndig dima nisai bikan bigya noni mai su.

KISAH 14:2

Noro mben Yahudi di ikou sut ningon jo kepti nya ikes ingon kanti bak ngkiai nya leu binhyepo ingon sibui sut yo di ingon jo kep nya.

KISAH 14:4

Noro timiei minu ndig dima isrep tut yam ba, bihi itti kin mben Yahudi lo, bihi itti kin Paulus kin Barnabas.

KISAH 14:5

Lene ngkiai nya ibou poi kin mben Yahudi ibou poi di ibicom yam bit ide nibou nya igyok ingon gom tut gima ihwen bit Paulus nya ba, ipi biba tig bihwen yok.

KISAH 16:14

Lidia di sop gom leu minu ndig Tiatira no rima bintu kep nihyet di nitri tut biyok. Sop dini tri minyas nghei nta di nibok kui bipek mitiei ba, kuk no kikep bak Allah cem. Tuhan bindei ba, Lidia ningon llei sut Paulus nihyet leu api ningon jo kep.

KISAH 17:12

Timiei minu ndig Berea imang bibor bitut sop nya kin pinai nya di mben Yunani di inyeng jei nya imang bibor cem yahagom ingon jo kep Yesus.

KISAH 17:13

Tirigi mben Yahudi ei minu ndig Tesalonika imiap Paulus ninghapti tut gi noni tri tut Allah nihyet ei minu ndig Berea cem lene induk yam kwei bihwen timiei minu ndig Berea ingonti ba, ikrau ingon tut Paulus nya.

KISAH 17:17

Gima rino noni kin mben Yahudi kin ngkiai nya di ikuk yok bak Allah yahagom iba ighyet bidahat yam ei mben Yahudi ide ig mbusyamei. Noni mbrap bit tungwatu nya ei biyati bikwop njap-njap.

KISAH 17:4

Leu api tungwatu nya ibou poi bitut mben Yunani imang ndig di ikuk yok bak Allah kin sop di inyeng jei nya imang bibor cem yahagom ingon jo kep Yesus leu api itti kin Paulus kin Silas.

KISAH 18:7

Lene noni kes yok ei buug ei ig di jo simiak mben Yahudi ide ig mbusyamei. Ig dima ne Titus-Yustus nide ba, noni ne ngkiai di kuk no bak Allah ri.

KISAH 2:5

Mpe dima lene ngkiai di itti kin puig Yahudi cem imang bibor induk yam kwei leu dihyei nisurti-nipekti ba, yahagom ingat rin ei minu ndig Yerusalem.

KISAH 21:27

Son dideu njap nimuhwindacan ningwigsi lene mben Yahudi ibou poi di ikwei leu hanjop Asia ingat Paulus ei Tuhan De Ig. Lene idor pip tungwatu imang bibor bikat noni,

KISAH 28:17

Njap ningai ngwig leu lene Paulus sok nihyet mem nibou mben Yahudi nya ei minu dima bikwei mbrap bit noni. Tirigi idem yam ei su lene Paulus pai biyok “Disut bat jen, mbro nok gino diyai mun tunggwei sut mben Yahudi ba, dipigau ide pung di intun him nya igyai kepti nya di ingginau nye tut bi lo, mben Yahudi ikat da ei minu ndig Yerusalem leu api itri da bak mben Roma nya.

KISAH 6:12

Nok gima lene yo di igyati kwes pima ikes ingon bak tungwatu nya ei minu ndig dima kin nibou kintrorti nya kin guru puig timiei nya leu api yuug kat Stefanus bibuwak noni kwei ei Nikei Puig Yahudi nya yoho bei.

KISAH 8:1

Ba, Saulus cem ningon kei sut Stefanus nimaisi. Ei njap gom ndia lene tungwatu nya sindi ihwen bit yo di inggre kin mbusyamei ei minu ndig Yerusalem nindig bibor. Gima rino yo di ingon jo kep nya inang bintek gimahap bidem hanjop Yudea kin Samaria noro yo di igya kui Yesus igwam nyahan bintek gimahap bi.

ROMA 10:2

Disimbot dat bipia yoni iba ingon gom bibrim ingkek bikuk yok bak Allah noro ingon tunggwei sut nisinati di nijit mem gima ikuk yok bak Noni.

KORINTUS GI NICAN 11:26

Dum kep mun di bindei ba, nahanok dimai nimbiam kak dimbutti nya mang bibor. Minyei su bibor bihwen da cem yo di imbuk nya icuug da cem mben Yahudi kin ngkiai nya igyok ingon gom mem da cem dum kep mun di bindei ba, nahanok dimai nimbiam ei biyati cem ei ha ngunti cem ei minyei ngwa dip cem ba, yo di Kresten nitrowai ihwen bit da cem.

TESALONIKA GI NIGOM 2:14

Disut bat jen, mun di cut igkep je dem kep nok mun di cut igkep Allah de mbusyamei di Kristus Yesus de limwa nya ei hanjop Yudea. Jiyai ninghuisi wei leu jenti jide mben nya dem kep nok yo dima igyai ninghuisi wei leu mben Yahudi di ihwen bit yok.

2 TIMOTIUS GI NICAN 3:11

kin tungwatu nya di ihwen bit da kin ninghuisi wei di hwen da hagom tu. Akan tut mun di cut igkep da ei minu ndig Antiokhia kin Ikonium kin Listra tug hon tungwatu nya di ihwen bit da bibor! Noro Allah teu da bidingwes ngun leu hagom tu.