KISAH 13:48 - ALLAH NIHYET MEM TUNGWATU NYA

⁴⁸ Tirigi ngkiai nya imiap nihyet dima rino ingon llei bibor binggei sut Tuhan nihyet. Ba, bikwop yo di Allah dimig yok ei mem igyai niyaijo nijep yahagom ingon jo kep Yesus.

KISAH 13:48 ပူးပေါင်းရင်းမြစ်များ

MAZMUR 138:2

Diba dibiau bicom mpia ba, diba dingwak bikik dihyei birok kik Ade Ig Di Kwes-Kwau. Dikon anyeng lewo angon gom ba, angon ngakeisi mbut kikau. Akon Ade nipreu eisi di bon ninyeng bijo nai njiriek tungwatu nya ide nisimbot kep biyam tut Nati.

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

MATIUS 28:16

Yo di igya kui Yesus ibou simnaibrimiggom yuug ei hanjop Galilea leu api ikui ug ei nungug dip di Yesus preu kep yok tut.

LUKAS 7:8

Lewo nibou ndig tentara ninyeng tak kep da lene dani cem dinyeng tak kep ditde limwa nya bikuk yok bida. Gino dicuk hi ‘Aug hak!’ Leu api noni bisau buug hak. Gino dihig hi ‘Akwei!’ Leu api noni bisau bikwei hak. Gino dicuk awak hi ‘Ayai midyai dini!’ Leu api noni bisau biyai hak.”

YOHANES 10:16

Ditde domba nindigsi di icoi kwei ei sar nsi dini bigyo yo rinaha. Suar dijem yoni cem kwei leu api imiap dihyet apino domba nya yahagom inok gom ba, ide gembala cem gom ngat.

YOHANES 11:52

Noni mai luei mben Yahudi he bi noro mibuwak Allah nimunggwom bat nya di ibong ingkiaisi yahagom ba, inok gom kin yam tug hon nimaisi.

KISAH 13:12

Tirigi nibou mios dima ngat mun di cut igkep Elimas bou niyai him lene ningon jo kep Yesus lewo nggap leu tut Tuhan ningginausi nindig bibor.

KISAH 13:42

Tirigi Paulus kin Barnabas yehei leu mben Yahudi ide ig mbusyamei lene yo di idem yam dima ihig yok hanyen kwei mem Njap Nigwam Kep Ninghuisi gi nidipti bu leu binhyepo itri tut nihyet bibinut hi kin bu.

KISAH 15:2

Paulus kin Barnabas isrep tut yo dima drek dip ide ningginau yokti dima nindig bibor. Gima rino yo di inggre kin mbusyamei idimig Paulus kin Barnabas kin timiei minu ndig Antiokhia nya ibou poi bipinak yok ug ei minu ndig Yerusalem leu binhyepo ihig ser yo di igya kui Yesus kin nibou mbusyamei nya tut munhyet dini.

KISAH 15:31

Tirigi yo di mbusyamei nya ikwop srat bokti dima lene ingon nggan-triot kei lewo srat bokti dima tibim tut nihyet di biwin kep ingonti.

KISAH 2:41

Tungwatu ningot ndig ingon jo kep Petrus nihyet leu api igyai nitur yok ei minyeiti. Yo dini imangti ibou sribu ningai ba, iba yo bikum yo di ingon jo kep nya ei njap gom ndia.

KISAH 2:47

Yoni inggei sut Allah ba, tungwatu nindigsi nya yahagom ijoi sut yok. Tuhan ba yo di sindi igyai niteu leu sisarti kin niyaijo nijep bikum ei yo di ingon jo kep nya imangti bikwop njap-njap.

KISAH 20:13

Nibri kibar minyei binibitot minyei ngwa dip ug ei minu mien Asos leu binhyepo nuug um Paulus ei sirima. Apo noni cuk nye nok lewo noni kos tut bipia mbut nimig kak puig mam.

KISAH 22:10

Lene dihig ser Noni bu ‘Tuhan e, midibon mindei i?’ Noni buhup ‘Akiju ba, aya pijum lene ma aug ei minu ndig Damsyik. Tungwagom ei minu ndig dima mipai bina tut ade midyai di bit leu Allah ningon kanti mem nani yo.’

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

KISAH 8:8

Gima rino mben Samaria nya ingon llei bibor.

ROMA 11:7

Notou mem yo i? Mun di mben Israel inggok ser wer ninno dima ne ingat bi sren. Noro nimpung mien di Noni dimig yok habiei su nya he imbun nisingat tut yokti. Nindigsi nya imiap Allah nihig yokti bi lewo ingon ndok.

ROMA 13:1

Suar bikwop tungwagom-gom bit nibou pemerinta nya ighyet. Allah Nongkom bindei ba, nibou nya ibindei mbut ide ninyeng tak kepti. Allah ta yok bit leu ningon kanti.

ROMA 8:28

Ikan tut bipia gino tungwatu nya ingon ngakei Allah di hig yok bit leu ningon kanti ne Noni nyohou dimig mun nyeng hagom di pek kep mem yok bibie tut yok.

KORINTUS GI NIGOM 16:15

Disut bat jen, jikan tut Stefanus kin nide bat nya di ingon jo kep Tuhan nok mighumbou mem hanjop Akhaia hagom. Yoni ita ibou ei midyai nahati tut yo di mbusyamei yahagomti.

EFESUS 1:11

Allah bindei ba, mun di hagom pek kep mem tungwatu nya bit leu Nonti ningon kanti kin nikos tutti. Noni dimig nye habiei ei nimbie him bibindei ba, inok Nide limwa nya tug hon ide ninok gom kin Kristusti ba, niyaisi dini ntun ningon kanti him.

EFESUS 1:19

jingon dorti tut Allah de nisindemti di mindur di sindem tut nye di ingon jo kep nya cem. Nisindemti dima noyam kin nisindemti di mindur,

EFESUS 1:4

Allah dimig nye ei nok Nide limwa nya tug hon ide ninok gom kin Kristusti nipou tirigi Noni pai tes dihyeisi dini bigyo leu binhyepo ingon kwes-kwau ba, sisar hi rap nye bi ei Noni niyai him. Allah ningon ngakei nyeti bindei ba,

EFESUS 1:5

Noni kos tut nipou su bipia nek nye tug hon Yesus Kristus bibindei ba, inok nimunggwom bat nya. Kristus niyai munti ntun Allah ningon llei sutti kin ningon kanti nya him.

TESALONIKA GI NICAN 3:1

Disut bat jen, nipingok jeti ningwigsi rinok gini. Ma jingat nadi tindei nye leu binhyepo Tuhan nihyet mbut sindem bikieng kep minu dini hagom ba, tungwatu nya ijoi sut nihyet bit leu nok gi pek kep mem je nipou su.