KISAH 13:41 - ALLAH NIHYET MEM TUNGWATU NYA

⁴¹ ‘Je di jihyet wer mpi hi tut Allah e, ma jiyok ngon kep gini. Mijinggap leu sut bijisar hak ug. Mbro nok gino tungwagom mbot kep tut brei bije lo, jingon jo kep Ditde midyai di diyai nya mem nijam dini bi.’ ”

KISAH 13:41 ပူးပေါင်းရင်းမြစ်များ

NIPINGOK NINGONTI 5:12

Leu api anso nanti tut ba, apai “Nggon rino singon mpo tut ide nisok kep sati ba, sikou sut ide nipingok singonti pima i?

YESAYA 5:24

Jirok tuhan Di Sindem Bibor Nide ningginausi ei ba, jingwes om kep Allah Israel Di Kwes Nide nicuk jeti nya cem tu. Gima rino jide nigau nya mikroi cem jide mitou nya mui ba, hagom mibit hou bingwig noyam kin pas ntam kin minta mui di hum yem di ngwig ei humti.

YESAYA 65:15

Yo di didimig yok ei su nya miba dinyeng bisigion je bipai “Nna ba tuhan Di Ninyeng Jei Bibor yai nimai bije noyam kin yo dima!” Noro midiyai ninyeng nijep bak yo di ibit Dihyet.

YEHEZKIEL 33:9

Ne gino asok kep no di mbuk dima tu noro noni kes hon bi ba, bon sisar kikau lene noni mitug midut noro suar abuhup hanyen tut noni bi ba, angwes ngun.”

HABAKUK 1:5

Leu api tuhan pai bak Nide limwa nya “Ma jiyok jiyai kep mben dihyeisi dini di ibong ttai je lewo jei bi ne mijinga leu sut mun di jingat bou jiyai him. Lewo ei nijam dini ne midiyai midyai gom di bindei ba, gino jimiap tut midyai dima he ne jingon jo kep bi.

LUKAS 16:14

Tirigi Farisi nya imiap Yesus ningginausi lene ipa ndip Noni lewo iba yoho rok mitiei nindig bibor.

LUKAS 23:35

Tungwatu nya di induk yam ei sirima itou kep hak. Noro nibou ndig mben Yahudi nya iba ighyet bicig Noni bipai “Noni teu yo di hiter ba, ingwes ngun. Gino Noni ne Nibou Ndig di teu tungwatu nya biyai niyaijo nijep biyok di Allah ndo ei su ningat-ngat rin lene ma teu Nonti hak biningwes ngun.”

KISAH 13:47

Lewo Tuhan nicuk nyeti pai ‘Dindo nani ba, anok ninjeng di piga digai ngkiai nya. Ma abindei ba, niteu leu sisarti kin niyaijo nijep kieng kep ngkiai nya ei dihyeisi dini hagom.’ ”

KISAH 22:21

Noro Tuhan pai bida ‘Aug hak ug lewo dicuk na ug ei minu ting ndam ngkiai nya.’ ”

KISAH 3:23

Bikwop tungwa tou rino bit nabi dima nihyet bi lene no dima nggre kin Allah de limwa nya bu bi noro mitug ndei nimai.’

KISAH 6:14

Nimiap nihyet di noni pai Yesus leu minu ndig Nazaret minggek Tuhan De Ig binggek tut nyeni igyai kepti nya di iba nyekep leu Musa hagom!”

TESALONIKA GI NIGOM 2:16

Gima he bi noro itte tut gi nitri tut nihyet di biyai niyaijo nijepti bak ngkiai nya. Tug hon nisinati dima lene igyai kep igyai kepti ba, ibikum ei ide sisarti apino ingon mpung-piet tut sisar. Ningwigsi rino Allah de nigga biborti hatap yok tu!

PETRUS GI NIGOM 4:17

Nijam mem Allah mbus tungwatu nya ingonti dideu su. Noni mimbus Nide limwa nya ingonti bibie. Gino Noni kinyon ei nimbus ingonti bibie ne notou mem yo di ingon jo kep Allah Nihyet Di Kei bi nya i?