KISAH 13:38 - ALLAH NIHYET MEM TUNGWATU NYA

³⁸ Disut bat jen, ma jiyok ngon kep mungkun bipia nihyet tut nikos ser sisarti tibim ei jitingou nsi nogindini tug hon Yesus.

KISAH 13:38 ပူးပေါင်းရင်းမြစ်များ

MAZMUR 130:4

Noro akos ser nyende sisar leu binhyepo nyeni ninyohou bit ahyet.

MAZMUR 130:7

Je di mben Israel e, ma jiba jingon com tuhan lewo ningon ngakei nyeti ug hon nohonti bi sren ba, Noni tin ei mem gima teu nye leu sisar cem.

MAZMUR 32:1

Daud ba doia bikiek ningginausi. Bikwop yo di ipigau hanjop lo, tuhan kos ser ide sisar tu lene yo dima ingon nggei-hi-nggei lewo Noni ji kep ide sisar tu.

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

YEHEZKIEL 36:32

Je di mben Israel e, ma jiyok ngon kep bipia jenti rino jibindei di dibon mun dini yok hagom bi. Suar jimmai sut jenti ba, jiba jingon bisrip huk jenti nok nikinei-kinau nya drek dip jiyai munti nya. Da di tuhan Di Dinyeng Jei Bibor disimbot dat tu.’ ”

DANIEL 3:18

Ne gino Noni teu nye leu hum dima bi cem ma na di Andigpoi ayok ngon kep bipia mininggei sut ade kwar nya binikuk nye bak kwar mas di atas ei bi sren.”

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

LUKAS 24:47

Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

KISAH 10:43

Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 2:14

Lene Petrus kiju biya ei yo di igya kui Yesus nindigsi ibou simnaibrimiggom ikieti leu api ba nihyet nindig bipai bak tungwatu ningot ndig dima yok “Disut bat je di mben Yahudi kin je di timiei minu ndig Yerusalem e, ma jingig jitingou mem dihyet lewo suar dimbot kep tut mindur dini bije.

KISAH 2:38

Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije.

KISAH 28:28

Leu api Paulus pai nihyet gi ningwigsi bitak kep biyok “Ma jiyok ngon kep bipia nogindini nihyet tut Allah di teu tungwatu nya leu sisar dima tibim ug ei ngkiai nya itingou nsi tu. Yoni mibit nihyet dima!” [

KISAH 4:10

Suar je di nibou nya jahagom kin mben Israel yahagom jiyok ngon kep bipia nogindini no di nimig lit ya bibie joho bei bikei hanyen tug hon Yesus leu minu ndig Nazaret De nisindemti. Apo jipek Yesus kin biei salib noro Allah win Noni hanyen leu nimai eisi tu.

KISAH 5:31

Lene Allah kon Noni bigwam kui ninda com biyai nisindemti biNoni cem. Allah ndo Noni nok Nibou Ndig kin No di teu tungwatu leu sisar biyai niyaijo nijep biyok cem. Tug hon nisinati dima lene Allah bon nituti kin nikwesti mem mben Israel ittin ser ide sisar bikiek ndam Allah leu api Noni mikos ser ide sisar.

EFESUS 1:7

Lewo Allah kwek nye leu sisar tug hon Kristus nimaisi leu api bindei kos ser ide sisar.

EFESUS 4:32

Noro ma jingon nggriu sut yam bijibaningondut yam bijiba ningondut yamti bihati tut yam cem jingon nggriu sut yam ba, jikos ser sisar di jibon di bitut yam biyam cem bit leu nok Allah kos ser jide sisar tug hon Kristus tu.

KOLOSE 1:14

Allah Nipmot kwek nye leu mun di kat nye di bindo tut nikos ser ide sisarti.

IBRANI 8:6

Noro tini bu ne Yesus yai midyai imam di bon ninyeng dor njiriek imam pima yok ide midyai nya bit leu nok gi preu nijep di Yesus mbus ei mem Allah kin tungwatu nya bon ninyeng dor njiriek gi preu nitimiei lewo com nigau ei nipreu ei mem nyeti di kei bibor di dor njiriek bu.

IBRANI 9:22

Ningat ne bit leu nok Puig Yahudi niggai serti lene suar iba ninggrom bipiap mun nyeng hagom bipwoi. Leu gino ninggrom siber bi lene bit bon Allah kos ser sisar kan bi.

YOHANES GI NIGOM 2:12

Dimunggwom bat jen, dipas kep srat dini bije lewo Allah kos ser jide sisar drek dip Kristus tu.