KISAH 13:3 - ALLAH NIHYET MEM TUNGWATU NYA

³ Niabiati yo di inggre kin mbusyamei igyem njita bi mem nituti poi bingat nadi cem leu api ikes inda ei Barnabas kin Saulus ibou dip bikes yok bimbut.

KISAH 13:3 ပူးပေါင်းရင်းမြစ်များ

MBEN ISRAEL IMBUT-MBUT NYEN 27:23

Lene kes ninda hacem ei Yosua nibou nggram him bipai sut brei bipia noni ne no di ya luei Musa nohoti bit leu nok tuhan nicuk noti ri.

LUKAS 2:37

lene noni wer kibom kikau ba, nogindini nide njap ug ei ari bingwam ningot muhwindaningai ba, bitai. Noni bong kep Tuhan De Ig bikwop mmun-njap ba, kuk no bak Allah tug hon nadi kin niyem njita bi mem nituti poi.

KISAH 1:24

Lene ingat nadi bipai “Tuhan e, akan bidem tut mun di jo ei tungwatu yahagom ingonti. Gima rino ando igbit tungwagom leu ibou can dini igom di adimig ei su,

KISAH 13:2

Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

KISAH 13:4

Barnabas kin Saulus imbut birop ug ei minu ndig Seleukia bit leu nok Allah Ninnei nicuk yokti. Leu api ibri kibar minyei gom biyuug ei Mios Siprus.

KISAH 14:23

Paulus kin Barnabas ita nibou mbusyamei nya bidem ig mbusyamei niyati hagom lene iba nadi kin niyem njita bi mem nituti poi bikes yok ei Allah di nibou dima yok ingon jo kep nindati.

KISAH 14:26

bibri kibar minyei ei minu ndig dima bingkwei hanyen ug ei minu ndig Antiokhia ei hanjop Siria niabiati yo di mbusyamei ei minu ndig dima ikes yok ei Allah di singat tut yok nindati. Noni nyohou yok kikau bigyai Nide midyai biput kep.

KISAH 15:40

Paulus buwak Silas ba, yo di mbusyamei ei minu ndig Antiokhia ingat nadi kep yok leu binhyepo Tuhan singat tut yok kikau bidem imbutti.

KISAH 6:6

Yo di ingon jo kep nya ibuwak yo dini bindo yok bak yo di igya kui Yesus leu api yo di igya kui Yesus ikes inda ei ibou nggram him bingat nadi tindei yok.

KISAH 9:17

Gima rino Ananias kiju ba, ug ei ig bei dima leu api kes ninda ei Saulus dip bipai binoni “Dikindig na di Saulus e, Tuhan Yesus di ndo Nonti brei bina ei puig sinon pima cuk da kwei leu binhyepo ayai piga hanyen ba, ayai nisindemti leu Allah Ninnei.”

ROMA 10:15

Notou hi tri tut nihyet gino Allah cuk noni bi i? Lewo Allah Nihyet pai “Yo di ikwei sut Nihyet Di Kei leu Allah inghapti biyai tungwatu nya ingon kei bibor!”

TIMOTIUS GI NIGOM 4:14

Ma anyohou nisindemti di Allah Ninnei yai bina nipou su tirigi nabi nya itri tut nihyet ba, nibou mbusyamei ikes inda ei abou nggram him.

TIMOTIUS GI NIGOM 5:22

Ma abisau sut gino ata hi nok nibou mbusyamei au. Leu gino noni dem mem midyai dima bigyo lo, ata noni sisrau ne gima dem kep nok apriet kin nide sisar. Ma angon sok kep nanti ser nhyema angon kwes kei.

2 TIMOTIUS GI NICAN 1:6

Gima rino dibiwin kep angonti leu binhyepo amiep hum kin nisindemti di Allah yai bina tirigi po dikes dinda ei abou nggram him dip pima.

2 TIMOTIUS GI NICAN 2:2

Ma aba ditde ningginausi nya di ditri tut bak tungwatu nya imang bibor bitri tut hanyen bak yo di ingon gom nya leu binhyepo ibingginau yo di hiter bu sindam.

YOHANES GI NININGAI 1:6

Yo dima ipui sut ade ningondut yokti bak yo di mbusyamei ei minu ndig dini tu. Ma ampu yo dima tut mun di isuar mem imbutti nya. Tug hon nisinati dima ne Allah joi sut yok.

YOHANES GI NININGAI 1:8

Suar nye di Kresten yahati tut isut bat yo di ingon jo kep dima yok leu binhyepo ipriet kin ide midyai nitri tut Allah nihyet di nijitti.