KISAH 13:26 - ALLAH NIHYET MEM TUNGWATU NYA

²⁶ Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.

KISAH 13:26 ပူးပေါင်းရင်းမြစ်များ

NIBOHON MBEN ISRAEL GI NICAN 20:7

Nani ne nyende Allah ri! Tirigi Ade limwa di mben Israel nya ikwei krau minu dini lene akes hagom bak asut di Abraham leu binhyepo dihyei dini nok mben Israel ide dihyei ninda rom bijo ninno bijo kikau.

MAZMUR 105:6

ma jiyok ngon kep Nide mindur di bibon nya. Ma jingon prion ser Nide nikos tutti nya au.

YESAYA 41:8

Noro je di mben Israel e, jinok Ditde awak nya ba, didimig je ei nok Ditde limwa nya tug hon gi jintun Abraham di disut him.

YESAYA 46:13

Midibindei njap niteu bingwes ngun nicunti dideu kwei ba, mimbrek bu bi. Mun nyeng hi minggek tut nituti mem gima diteu je bi. Miditeu timiei Yerusalem nya bingwes ngun leu api midikon mben Israel inyenga.”

YESAYA 48:1

Je di jintun Yakub him e, ma jingig jitingou mem dihyet. Je di jintun keret Yehuda him di jikrau kep ninyeng Israel e, jipai bipia jiba jingon com Da di Allah Israel ba, jeheng bitug hon dinyeng lo, jiba jingon gom bipai jihyet dima yok bi.

MATIUS 10:6

Noro ma juug nggok mben Israel he lewo inok domba di israwir nya.

MATIUS 3:9

Ma jikan bipia mijingwes ngun drek dip gi jintun Abraham him au. Dipai bije bipia Allah sindem mem gima bindei tig dini yok binok yo di intun Abraham him.

LUKAS 1:69

Noni pinak No di sindem kwei mem gima teu nye leu mun di kinei hagom ba, No dini ntun Daud di Tuhan de awak pima him.

LUKAS 1:77

atri tut bak Nide limwa nya bipia Noni miteu yok leu sisar leu binhyepo igyai niyaijo nijep tug hon gi igyai nikos ser ide sisarti.

LUKAS 24:47

Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

KISAH 10:2

No dini kin nide ig bei nsi nya yahagom iba ingon gom bikuk yok bak Allah. Noni singat tut mben Yahudi di yuhui mbum nya bingat nadi bak Allah bikwop njap ngwa hagom cem.

KISAH 10:35

Mbro nok gino tungwagom nimbier kim timiei dihyeisi dini lo, no di kuk no bak Allah ba, niyai munti nya hagom kei bibor cem ne Allah joi sut noni.

KISAH 13:43

Niabiati tungwatu pima yok yahagom intek gimahap bingwig leu lene mben Yahudi imang bibor kin ngkiai nya di itti kin puig Yahudi ibit yok. Gima rino Paulus kin Barnabas imbrap bit yok bibiwin kep ingonti leu binhyepo iba ingon com Allah nisingat tut yokti.

KISAH 13:46

Noro Paulus kin Barnabas ibrim ingkek kep yok bibuhup “Suar nitri tut Allah nihyet bije nipou bibie ug e. Noro jenti jikos tut bipia jidem mem jiyai niyaijo nijep bi drek dip gi jikou sut nihyet dima. Gima rino nogindini nikes je ei leu ba, nitri tut nihyet bak ngkiai nya.

KISAH 16:17

Misop dini mig buwei kep Paulus nyeni ninno bahara “Yo dini ne awak mem Allah di ninyeng jei rin o! Ikwei tri tut nisinati bije leu binhyepo jiyai niteu leu sisarti kin niyaijo nijep o!”

KISAH 22:5

Dem tut gima Imam Nibou Ndig kin Nikei Puig Yahudi Nya cem itri tut bije bipia diris bije bi. Yoni ipas srat nisindemti bak isut bat mben Yahudi ei minu ndig Damsyik bikes ei dindati. Tug hon srat dima lene nibou dima yok isindui sut bidikat yo di ingon jo kep ningginausi nijep dima bidibuwak yok hanyen kwei ei minu ndig Yerusalem leu binhyepo nibou nya ikes hukum ei yok dip.”

KISAH 28:28

Leu api Paulus pai nihyet gi ningwigsi bitak kep biyok “Ma jiyok ngon kep bipia nogindini nihyet tut Allah di teu tungwatu nya leu sisar dima tibim ug ei ngkiai nya itingou nsi tu. Yoni mibit nihyet dima!” [

KISAH 3:26

Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”

KISAH 4:12

Tungwatu nya igyai niteu leu sisarti kin niyaijo nijep tug hon Yesus Nongkom he. Lewo tungwa hi leu tungwatu nya ikieti ei dihyeisi dini nisurti-nipekti hagom gi yai nisindemti leu Allah mem gima teu nye leu sisar kan bi.”

KISAH 5:20

“Ma juug coi ei Tuhan De Ig hanyen bijitri tut puig di bie ndam niyaijo nijep bak tungwatu nya di ingat rin ei mpia dima.”

ROMA 1:16

Diba dingon com Nihyet Di Kei nindig bibor lewo Allah ndo Nide nisindemti tug hon Nihyet Di Kei di bindei yo di iba ingon com Noni igyai niteu leu sisarti kin niyaijo nijepti. Gini mem mben Yahudi nipou leu api mem ngkiai nya cem.

EFESUS 1:13

Jimiap Allah nicuk jeti tug hon Nihyet Di Kei di bindei ba, jiyai niteu leu sisarti kin niyaijo nijep. Jingon jo kep Kristus leu api Allah ba Nonti Ninnei di Noni preu ei mem nye bitak buk kep je bibindei ba, jinok Nide limwa nya.

KOLOSE 1:5

Jiba jingon com Noni bijingon ngakei yam lewo jiyok ngon mem mun di Allah tin ei mem je ei gwamti. Jimiap tut mun dima tirigi Nihyet Di Kei di nijit tibim ei jitingou nsi habiei ei nimbie him.