KISAH 13:25 - ALLAH NIHYET MEM TUNGWATU NYA

²⁵ Tirigi Yohanes yai nide midyai bidideu ningwigsi lene noni hig ser tungwatu nya ‘Jikan bipia dani ne tou i? Jingon ya mem tungwagom noro dani rin bi. He jingat i! No dima ya abia kep da kwei. Dem mem gima dimpu Noni bidikwek Nide srop leu nimig jou bi.’

KISAH 13:25 ပူးပေါင်းရင်းမြစ်များ

MATIUS 3:11

Ditur je ei minyeiti mem gima bindo bipia jitin ser jide sisar ba, jikiek ndam Allah tu. Noro No di ya abia kep da ma kwei mitur je ei Ninnei Gi Kwes kin humti. No dima ninyeng jei bibor dor njiriek da. Dani ne dem mem gima dikwek Nide srop ba, dittei bi.

MARKUS 1:7

Yohanes tri tut biyok “No di ya abia kep da ma kwei ninyeng jei bibor dor njiriek da. Dani ne dem mem gima dikuk da bidikwek Nide srop leu nimig jou bi.

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

YOHANES 1:34

Yohanes pai biyok “Dingat mun dima yok hagom bou diyai him tu. Gima rino dipai bije bipia Noni ne Allah Nipmot ri.”

YOHANES 1:36

Tirigi Yohanes ngat Yesus di njiriek noni lene pai “Domba Pmot Allah de pima rima!”

YOHANES 4:34

Lene Yesus pai biyok “Gino dibit Allah di cuk Da kwei ningon kanti bidiyai Nide midyai nya cem biput lene gima ne njita di diyem ri.

YOHANES 7:18

No di ngginau tungwatu nya bit leu nonti ningon kanti bisau sut ninyeng di jei. Noro no di bisau sut gima kon no di cuk noni kwei ninyeng jeisi ningon sren ba, niris mun jo ei noniti bi.

KISAH 13:36

Daud yai kep nide midyai bit leu Allah ningon kanti mem noni bingwig leu api noni cem mai. Itig ningut noyam kin itig nidigup bat-nidigai bat nya ingut apino ningut kroi ei jui nsi bihigom.

KISAH 19:4

Lene Paulus pai biyok “Nitur tungwatu ei minyeiti di Yohanes tri tut dima mem yo di ittin ser sisar bikiek ndam Allah. Noro mpe dima lene Yohanes tri tut bipia suar mben Israel ingon jo kep No di ya abia kep noni ba, No dima ne Yesus ri.”

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

KORINTUS GI NICAN 4:5

Lewo nihyet di nitri tut ne nihyet tut nyenti bi noro nitri tut Yesus Kristus ba, Noni ne Tuhan ri. Lene nuubon nyenti nok awak mem je leu binhyepo nibinggei sut Noni.

2 TIMOTIUS GI NICAN 4:7

Didor sindem bibor kak nipuig kikau ba, duug pek nipekti tu. Ba, dingon gom tut Kristus kikau kwei bipek ammani kep.

NINGAT-HI-NGAT NYA 11:7

Tirigi itri tut ighyet bikes hon tu lene mindhe di niten-pos di hei kwei leu ninnei rom nya ide jui nsi micut igkep yok bihwen yok bibindei ba,