KISAH 13:22 - ALLAH NIHYET MEM TUNGWATU NYA

²² Tirigi Allah cut Saul ninyeng nibou ndig leu lene Noni dimig Daud binok nibou ndig mem yok bu. Allah pai sut Daud ‘Jo nibreisi mem Da bipia Daud di Isai nipmot yai dingon di llei sut noni. Noni yai midyai hagom bit leu dingon kanti.’

KISAH 13:22 ပူးပေါင်းရင်းမြစ်များ

SAMUEL GI NICAN 2:4

Lene keret Yehuda nya induk yam kwei ei Hebron leu api ita Daud nok nibou ndig mem yok. Mpe dima lene noni miap tut mben Yabesh ei Gilead itig Saul ningut.

SAMUEL GI NICAN 7:15

Midinjei mun di kei bak noni bit leu nok gi dipreu ei mem yo di intun nani him. Midinghek tut noni bi. Noro dinghek tut Saul bididip tut ninyeng leu binhyepo aya luei nohoti nok nibou ndig bu.

SAMUEL GI NICAN 7:8

Gima rino apai bak Ditde awak Daud “Da di tuhan Di Sindem Bibor dihig nani kwei leu ade domba nya di anyohou ei susti leu api dita nani ba, anyeng tak kep Ditde limwa di mben Israel.

NIBOU NDIG NYA GI NIGOM 15:3

Abiam bon kep sisar di nicig bon kep di nipou nya. Noni ba ningon di gom bibit nide tuhan Allah hak noyam kin nidigup di Daud bi.

NIBOU NDIG NYA GI NIGOM 15:5

tuhan yai nok gima drek dip Daud po yai mun bipwoi tuhan ningon pima. Daud bon mun tunggwei tuhan nicuk noti nya bi. Noro nitunggwei sutti gom rino munhyet po kim Uria di mben Het pima.

NIBOHON MBEN ISRAEL GI NIGOM 10:13

Saul ba ningon di gom bibit tuhan kin nicukti nya bi. Apino mai drek dip a. Noni hara tuhan leu binhyepo tuhan ndo ningon kanti bak bi. Noro nang ndam nimai nya innei bahara yok bindo ingon kanti bak. Gima rino tuhan kes hukum ei noni dip lene bitug ninyeng di tak kep limwa nya nok nibou ndig leu noni bikes bak Daud di Isai nipmot bu.

MAZMUR 2:6

Lewo Noni pai “Dita ditde nibou ndig ei Sion ba, gima ne Ditde nungung tou di didimig bikwes-kwau ei su.”

YEREMIA 33:21

Nok gima cem dingot nipreu eisi mem Ditde awak di Daud ba, nipreu eisi dima pai bipia tungwagom leu yo di intun noni him mikui bigwam nok nibou ndig bikwop nok gima bijo kikau. Dingot nipreu eisi mem imam di intun Lewi him nya ba, nipreu eisi dima pai bipia yoni migyai midyai mem Da bijo kikau. Bit bon hi dip tut gi preu dima kan bi.

YEREMIA 33:26

nok gima cem midikrau kep Ditde nipreu eisi mem yo di intun Yakub him kin Ditde awak di Daud bijo kikau. Didimig tungwagom leu yo di intun Daud him sindam ba, ninyeng mitak kep yo di intun Abraham kin Ishak kin Yakub him. Midingondut Ditde limwa nya bidibindei ba, ibong kei igwam kei hanyen bu.”

YEHEZKIEL 34:23

Midita nibou ndig gom di noyam kin Ditde awak di Daud ba, noni ne ide gembala gom ngat di hek tut yok ba, joi bibor ri.

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

KISAH 13:36

Daud yai kep nide midyai bit leu Allah ningon kanti mem noni bingwig leu api noni cem mai. Itig ningut noyam kin itig nidigup bat-nidigai bat nya ingut apino ningut kroi ei jui nsi bihigom.

KISAH 15:8

Ba, Allah di kan bidem tut mun di jo ei tungwatu ingon bei ndo brei binye bipia Noni singat tut ngkiai nya tirigi Noni bindei ba, Ninnei srek kwei ei yoni cem ingonti bit leu nok Noni srek kwei ei nyeni cem ingonti nipou su.

KISAH 7:46

Daud yai Allah ningon di kei sut noni lene hara Allah leu binhyepo Allah sindui sut ba, noni ngot ig ningat gom mem Allah di Yakub kuk no bak.

SAMUEL GI NIGOM 12:25

Noro gino jita jibou ei nibon sisarti kikau lene jeni kin jide nibou ndig jahagom mijitug ndei nimai.”

SAMUEL GI NIGOM 15:11

“Dinso Danti tut gi didimig Saul nok nibou ndig lewo noni kiek noho ter leu Da ba, bit ditde nicuk noti bi.” Lene Samuel ningon buhun bibor ba, ngat nadi bibidip huk Allah kikau mem mmun dima.

SAMUEL GI NIGOM 15:23

Lewo nibit nihyet bi pima kinei ba, noyam kin nibon midut nikrau kep nihyet di dut lene nikon nonti kinei bibor noyam kin nikuk nok bak kwar cem. Allah kou sut gima anok nibou ndig lewo angkek ndok tut Nide nicuk nati.”

SAMUEL GI NIGOM 15:26

Lene Samuel buhup “Midibit na di Andigpoi bi! Angkek ndok tut Allah nicuk nati. Gima rino Noni kou sut gima na di Andigpoi anok nibou ndig mem mben Israel.”

SAMUEL GI NIGOM 15:28

Lene Samuel pai binoni “Allah rik anyeng di tak kep ade limwa nya bingwig leu na mem njap di ammani leu api yai bak no di ningon sren dor njiriek na di Andigpoi tu.

SAMUEL GI NIGOM 16:1

Bed poi ser lene tuhan hig ser Samuel “Apig api akes hon ba, angon ngguk tut Saul bu bi i? Dikou sut noni nok nibou ndig mem mben Israel. Gima rino ma apwoi ampou tut mini zaitun leu api ambut tut ug ei Betlehem ba, anggok ser Isai lewo didimig nipmot hi ei nok nibou ndig bu.”

SAMUEL GI NIGOM 16:13

Haninyai Samuel hit ampou tut mini zaitun pima bisiber ei Daud nibou nggram him bou nikindig bat nya igyai him. Mpe dima lene tuhan Ninnei sindem tut noni ba, ningat rin bit noni kikau. Lene Samuel ngkwei hanyen ug ei minu ndig Rama.

SAMUEL GI NIGOM 28:16

Lene Samuel buhup “Gino tuhan kes na ei ba, bon Nonti nok siceu ndam na tu lene nggon rino ahig da kwei i?

SAMUEL GI NIGOM 31:6

Nok gima lene Saul kin nipmot bat nya ibou ningai kin yo di igya kui noni kin pinai pilei gom yahagom igyai nimai mem njap gom dima.