KISAH 13:21 - ALLAH NIHYET MEM TUNGWATU NYA

²¹ Tirigi mben Israel ibingwam biyahara mem nibou ndig gom mem gima ninyeng tak kep yok lene Allah dimig Saul di Kis nipmot di ntun Benyamin him binok nibou ndig mem yok kikau ei ari bingwam ningot bitai.

KISAH 13:21 ပူးပေါင်းရင်းမြစ်များ

SAMUEL GI NIGOM 10:1

Lene Samuel hit mini zaitun ampou gom bikiber ei Saul nibou nggram him leu api mei noni bipai binoni “tuhan ta nani nok nibou ndig mem Nide limwa di mben Israel. Anyeng mitak kep Nide limwa nya ba, anyohou yok leu ide siceu di isibut nya yahagom. Mun di bindo tut gi Noni ta nani nok nibou ndig mem Nide limwa nya rinok gini.

SAMUEL GI NIGOM 11:15

Gima rino yahagom ingkwei hanyen ug ei Gilgal mpia di kwes kei pima ba, ita Saul nok nibou ndig. Lene ibon midut nibiyai ningon kwes kin Allahti leu api Saul kin nide limwa di mben Israel yahagom ibon pesta kep mun di pek kep mem yok.

SAMUEL GI NIGOM 15:1

Mpe di gom ne Samuel pai bak Saul “Allah Nonti cuk da leu binhyepo dita na di Andigpoi ba, anok nibou ndig mem nide limwa di mben Israel. Gima rino ma na di Andigpoi angig atingou mem Allah Di Sindem Bibor nicuk nati.

SAMUEL GI NIGOM 8:5

bipai binoni “Andigpoi e, nani ne awer andig-ndau su ba, apmot bat cin igyai bram ayai kepti nya bi. Gima rino ma ata nibou ndig gom mem nye dem kep nok ngkiai nya ide nibou ndig nya.”

SAMUEL GI NIGOM 9:1

Timiei Israel di nyeng bibor Kish no rinaha ba, noni ntun keret Benyamin him. Nicig ninyeng Abiel ba, nignyon ninyeng Zeror. Nide bat nya imbier kim Bekhorat ba, Bekhorat nimbier kim Afiah.

SAMUEL GI NIGOM 9:15

Annani ne tuhan pai bak Samuel nipou su,