KISAH 13:2 - ALLAH NIHYET MEM TUNGWATU NYA

² Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

KISAH 13:2 ပူးပေါင်းရင်းမြစ်များ

NIBOHON MBEN ISRAEL GI NIGOM 16:4

Daud kon Lewi nya ibou poi mem gima ibie tut midut nikuk no bak tuhan Allah Israel ei Brua Gi Preu dima nuhui a. Lene ibipai doia ba, ibikon tuhan ninyeng a.

DANIEL 9:3

Leu api duhuk nadi kikau bak tuhan Allah leu binhyepo Noni ngondut Nide limwa nya. Diyem njita bi mem nituti poi bidijuk sinsun kron cem ba, dikuk da bidigwam atriemti.

MATIUS 17:21

Noro ninnei rom di nok gini ne iba nadi kin niyem njita bi mem nituti poi bijji.]”

MATIUS 6:16

“Tirigi jiyem njita bi mem nituti poi lene ma jibon jiimaisi hai dem kep yo di ingon can nya au. Lewo yo dima ibon nok bisinggre leu binhyepo tungwatu nya ingat ide niyem njita bisi. Ma jiyok ngon kep bipia imuhup tau biyok tu.

MATIUS 9:38

Gima rino ma jingat nadi bak miai niceu leu binhyepo noni micuk nide awak nya biyuug kos njita hagom kwei ei igudanti.”

LUKAS 10:1

Mpe hi bu lene Yesus dimig yo di ibit Noni ibou ningot muhwindacan bu leu api cuk ibou can ibou can lene nok ba, yuug ya bibie bidem minu ndig di Noni tin ei mem gima ug cem kep nya.

LUKAS 2:37

lene noni wer kibom kikau ba, nogindini nide njap ug ei ari bingwam ningot muhwindaningai ba, bitai. Noni bong kep Tuhan De Ig bikwop mmun-njap ba, kuk no bak Allah tug hon nadi kin niyem njita bi mem nituti poi.

KISAH 10:19

Mpe dima lene Petrus ba ningon srip bram ningat-hi-ngat pima bitut nimbot kepti cem lo, Allah Ninnei pai binoni “Petrus e, ibou ningai ikwei binggok ser na.

KISAH 10:30

Kornelius buhup “Njap ningai gi pini jug lene dingat nadi mem jam ningai di mpia caisi leu api tungwagom di juk sinsun di jinjit kei kwei ya kros ei doho bei.

KISAH 13:3

Niabiati yo di inggre kin mbusyamei igyem njita bi mem nituti poi bingat nadi cem leu api ikes inda ei Barnabas kin Saulus ibou dip bikes yok bimbut.

KISAH 13:4

Barnabas kin Saulus imbut birop ug ei minu ndig Seleukia bit leu nok Allah Ninnei nicuk yokti. Leu api ibri kibar minyei gom biyuug ei Mios Siprus.

KISAH 14:26

bibri kibar minyei ei minu ndig dima bingkwei hanyen ug ei minu ndig Antiokhia ei hanjop Siria niabiati yo di mbusyamei ei minu ndig dima ikes yok ei Allah di singat tut yok nindati. Noni nyohou yok kikau bigyai Nide midyai biput kep.

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

KISAH 22:21

Noro Tuhan pai bida ‘Aug hak ug lewo dicuk na ug ei minu ting ndam ngkiai nya.’ ”

KISAH 4:36

Nok gima tut Yusuf cem. No dini ntun pung Lewi him ba, nitimieisi leu Mios Siprus. Yo di igya kui Yesus ijem ninyeng hi Barnabas (ninyeng dima noyam kin niwin kep tungwatu ingonti),

KISAH 6:4

Lewo nijoi sut nita nibou ei nadi kin nitri tut Allah Nihyetti mem tungwatu nya.”

KISAH 8:29

Allah Ninnei pai bak Filipus “Aug ya kui kroba pran dima ba, asir nitta.”

KISAH 9:15

Noro Tuhan buhup “Akiju ba, ambut hak ug lewo didimig noni nok Ditde awak leu binhyepo noni tri tut Dani bak ngkiai nya kin nibou ndig nya kin mben Israel yahagom.

ROMA 1:1

Srat dini mem yo di mbusyamei ei minu ndig Roma. Allah ningon ngakei je ba, hig je mem gima jinok Nide limwa nya. No di pas srat dini ne da di Paulus rin bidinok awak mem Kristus Yesus lene di ya kui Noni. Allah dimig da leu api ta da mem gima ditri tut Nihyet Di Kei di kwei leu Noni.

ROMA 10:15

Notou hi tri tut nihyet gino Allah cuk noni bi i? Lewo Allah Nihyet pai “Yo di ikwei sut Nihyet Di Kei leu Allah inghapti biyai tungwatu nya ingon kei bibor!”

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

KORINTUS GI NIGOM 12:11

Nisindemti dini yok hagom ntun Allah Ninnei gom ngat him ba, Noni ba nisindemti di ter leu yam dima bisindem tut tungwagom-gom bit leu ningon kanti.

KORINTUS GI NIGOM 7:5

Ma jicuon jenti leu yam tut gima jiyem njita tut yam au. Gino jice tut yam nipou ug e leu binhyepo juhuk nadi mem nituti poi lene nok. Gino juhuk nadi biput tu lene ma jikinyon ei niyem njita tut yamti hanyen. Tug hon nisinati dima lene jibindei bijimbres jenti leu Bilis nibingon jeti lewo joom kep jingut kanti nya kan bi.

KORINTUS GI NICAN 11:27

Diyai midyai sindem bidicom dahanggwap tut cem diyai kep midyai kikau mmun jei cem dinggum bibor cem dinggobiau cem hi kwas njita tut da bi cem. Dimai didigok lewo sinsun dem mem da bi cem hi cigit da kui ig bi cem.

KORINTUS GI NICAN 6:5

Tungwatu nya imbas nye bicom nye ei ig bui nsi. Ighyet ngwig kep nye bihwen nye cem. Nirom nye kep midyai ba, mpe hi nibong mai kan bi ba, mpe hi ninggum hwen nye cem hagom mbirimang tu.

GALATIA 1:15

Noro Allah singat tut da bidimig da habiei ei dipmem ninghopti bidinok Nide awaga.

EFESUS 3:7

Allah singat tut da ba, ubon da nok awak leu binhyepo ditri tut Nihyet Di Kei. Noni singat tut da tug hon Nide nisindemti di sindem tut da.

NINDAT KEP TUHAN NICUKTI NYA 10:8

Ei nungug dima lene tuhan dimig pinai nya leu keret Lewi ba, ta yok nok yo di inyohou Brua Gi Preu ba, igyai midyai nok imam nya ba, ingat nadi tindei mun di kei mem tuhan de limwa nya tug hon ninyeng cem. Yo dima igyai kep midyai dima kikau kwei bipek ammani kep.

KOLOSE 4:17

Ma jisok kep Arkhipus bijipai “Ma anda jo kep midyai di ayai mem Tuhan biput kep.”

TIMOTIUS GI NIGOM 2:7

Gima rino Noni cuk da nok no di ya kui Yesus leu binhyepo ditri tut Nihyet Di Kei bak ngkiai nya ba, dingginau yok tut niba ningon com Kristusti di nijit. Mun di dipai sut dini ne nijit-jau ri. Diris bi!

2 TIMOTIUS GI NICAN 1:11

Allah ta da bidinok no di ya kui Yesus ba, dinok guru cem leu binhyepo ditri tut Nihyet Di Kei.

2 TIMOTIUS GI NICAN 2:2

Ma aba ditde ningginausi nya di ditri tut bak tungwatu nya imang bibor bitri tut hanyen bak yo di ingon gom nya leu binhyepo ibingginau yo di hiter bu sindam.

2 TIMOTIUS GI NICAN 4:11

Lukas nongkom he ningat rin bit da. Ma aug buwak Markus kwei leu binhyepo mpu da tut ditde midyai nya.

2 TIMOTIUS GI NICAN 4:5

Mbro nok gima lo, suar angon nddong tut mun di pek kep mem na hagom. Ma aba abou coi sut ninghuisi di wei. Atri tut Nihyet Di Kei ba, abindei mbut ade midyai nya hagom dem kep nok Allah de awak di kei.

IBRANI 5:4

Tungwa hi ta nonti nok imam nibou ndig bi. Noro Allah Nonti dimig no dima bita noni nok imam nibou ndig bit leu nok Noni ta Harun nipou su.

SAMUEL GI NIGOM 2:11

Lene Elkana nya ingkwei hanyen ug ei minu ndig Rama. Noro Samuel di Hana nipmot no bong ei Silo ba, ya kui imam Eli biyai midyai mem tuhan.