KISAH 13:14 - ALLAH NIHYET MEM TUNGWATU NYA

¹⁴ Ba, yo cin dima ijo leu minu ndig Perga bimbut imig ug ei minu ndig Antiokhia ei hanjop Pisidia leu api icoi ug ei mben Yahudi ide ig mbusyamei mem ide Njap Nigwam Kep Ninghuisi bigwam bit yo di idem yam ei su.

KISAH 13:14 ပူးပေါင်းရင်းမြစ်များ

LUKAS 4:16

Lene Noni ngkwei hanyen ug ei nitimieisi ei minu ndig Nazaret leu api coi ug ei mben Yahudi ide ig mbusyameisi mem Njap Nigwam Kep Ninghuisi bit leu nok niyai kepti. Noni kiju leu binhyepo kwop leu Allah Nihyet.

KISAH 13:42

Tirigi Paulus kin Barnabas yehei leu mben Yahudi ide ig mbusyamei lene yo di idem yam dima ihig yok hanyen kwei mem Njap Nigwam Kep Ninghuisi gi nidipti bu leu binhyepo itri tut nihyet bibinut hi kin bu.

KISAH 13:44

Njap Nigwam Kep Ninghuisi gi nidipti bu lene timiei minu ndig Antiokhia nya yahagom idem yam leu binhyepo imiap kep Allah nihyet.

KISAH 13:46

Noro Paulus kin Barnabas ibrim ingkek kep yok bibuhup “Suar nitri tut Allah nihyet bije nipou bibie ug e. Noro jenti jikos tut bipia jidem mem jiyai niyaijo nijep bi drek dip gi jikou sut nihyet dima. Gima rino nogindini nikes je ei leu ba, nitri tut nihyet bak ngkiai nya.

KISAH 13:5

Tirigi ikwei krau minu ndig Salamis lene itri tut Allah nihyet bikwop ei mben Yahudi ide ig mbusyamei nya. Yohanes-Markus cem ningat rin bit yok bimpu yok.

KISAH 14:19

Lo bi lene mben Yahudi leu minu ndig Antiokhia ei hanjop Pisidia kin minu ndig Ikonium ikwei krau minu ndig Listra bikes ingon bak tungwatu ningot ndig pima yok. Yoni ibindei ba, tungwatu ningot ndig dima itti kin yok leu api yahagom iba tig bihwen Paulus bikri ningut ug ei minu ndig dima nisai bikan bigya noni mai su.

KISAH 16:13

Lene nuug ya ei mam bei simiak minyei di biam sur dimbou pmem ei minu ndig dima. Njap dima ne njap di mben Yahudi ide Njap Nigwam Kep Ninghuisi ri. Nikan bipia mben Yahudi induk yam ei mpia ttou nsi dima mem ingat kikep nadi. Leu api nigwam jug binimbrap bit sop nya di induk yam ei su.

KISAH 17:2

Gima rino Paulus yai nok niyai kepti bicoi ug ei ig mbusyamei dima ba, noni kin mben Yahudi isimbot kep biyam tut Allah nihyet mem ide Njap Nigwam Kep Ninghuisi kikau ei ari ningai di bram yam dima.

KISAH 18:4

Noro Paulus ba no bikum mben Yahudi kin timiei minu Yunani nya ei ide ig mbusyamei bikwop ide Njap Nigwam Kep Ninghuisi. Noni simbot kep tut Yesus bit yok bibrim ningkek kep yok leu binhyepo ingon jo kep.

KISAH 19:8

Paulus ug cem kep mben Yahudi ei ide ig mbusyamei lene ba niji nghai bitri tut nihyet biyok mem bed ningai. Noni ba nihyet bidahat yok leu binhyepo ingon huk niti tut Allah ninyeng tak kepti.

KISAH 9:20

Lene noni bipbur buug ei mben Yahudi ide ig mbusyamei sindam ba, kinyon ei nitri nihyetti bipai biyok “Yesus ne Allah Nipmot ri.”

2 TIMOTIUS GI NICAN 3:11

kin tungwatu nya di ihwen bit da kin ninghuisi wei di hwen da hagom tu. Akan tut mun di cut igkep da ei minu ndig Antiokhia kin Ikonium kin Listra tug hon tungwatu nya di ihwen bit da bibor! Noro Allah teu da bidingwes ngun leu hagom tu.