KISAH 13:1 - ALLAH NIHYET MEM TUNGWATU NYA

¹ Nabi nya kin guru nya ibou poi yo rinaha ei yo di mbusyamei minu ndig Antiokhia nya ikieti. Yo dini ne Barnabas kin Simeon di ijem ninyeng hi Motrom kin Lukius leu minu ndig Kirene kin Menahem ndig bit Nibou Ndig Herodes ba, ningon kieti noni tirigi inok munggwom yo kin Saulus.

KISAH 13:1 ပူးပေါင်းရင်းမြစ်များ

MATIUS 27:32

Tirigi ibuwak Yesus biyuug cut puig sinon lene yuum Simon leu Kirene. Ikat noni bikes Yesus de biei salib ei ninghat dip bittei.

LUKAS 3:1

Mpe dino Kaisar Tiberius nok nibou ndig mem ari bingwam simnaimuhwidip tu ba, Pontius Pilatus ninyeng tak kep timiei hanjop Yudea nya ba, Herodes ninyeng tak kep timiei hanjop Galilea nya ba, Herodes nikindig Filipus ninyeng tak kep timiei hanjop Iturea kin Trakhonitis nya lene Lisanias ninyeng tak kep timiei hanjop Abilene nya ba,

KISAH 11:30

Igyai hagom bit leu nok ice tut yamti dima lene ikes mitiei di ikwas tu dima bak Barnabas kin Saulus ba, yo cin dima ipwoi biyuug sut bigyai bak nibou mbusyamei nya.

KISAH 12:25

Niabiati Barnabas kin Saulus igyai mun di mbusyamei nya ipinak ei yok dip pima biyok tu lene ijo leu minu ndig Yerusalem bingkwei hanyen ba, ibuwak Yohanes-Markus cem bit yok.

KISAH 13:9

Noro Saulus di ijem ninyeng hi Paulus pri niyai kep nung dima tug hon nisindemti leu Allah Ninnei,

KISAH 15:32

Yudas Silas nya ne nabi rin ba, yuhuk ighyet bibiwin kep yo di ingon jo kep nya ei minu ndig Antiokhia ingonti bibindei ba, yo dima igyai ningon di ngkiem kin nisindemti cem.

KISAH 15:35

Paulus kin Barnabas ibong ei minu ndig Antiokhia mem bed poi bu. Iba yo bikum nindigsi nya ba, ingginau tungwatu nya bitri tut Allah nihyet cem.

KISAH 19:6

Ba, mpe dino Paulus kes ninda ei yok dip lene Allah Ninnei sindem tut yok leu api imbrap ngkiai nya ighyet bitri tut Allah nihyet cem.

KISAH 21:9

Filipus yai nipmisop bat sop gwam nitta pilei nya ibou bitai di igyai nisindemti leu Allah mem gima itri tut Allah nihyet.

KISAH 4:36

Nok gima tut Yusuf cem. No dini ntun pung Lewi him ba, nitimieisi leu Mios Siprus. Yo di igya kui Yesus ijem ninyeng hi Barnabas (ninyeng dima noyam kin niwin kep tungwatu ingonti),

KISAH 9:1

Mpe dima lene Saulus cuug yo di ibit Yesus nya kikep bimbuk tut yok lene pi bihwen yok. Noni ug ngat Imam Nibou Ndig,

ROMA 16:21

Timotius di dingon kieti pigo jahagom ba, Lukius kin Yason kin Sosipater di intun mben Yahudi him ipigo jahagom.

KORINTUS GI NIGOM 11:4

Gima rino no di pinai di ya ei yo di imang bibor yoho bei bingat nadi ba, tri tut Allah nihyet cem lo, nggai kep ser nibou ne no dima binim kep Kristus.

KORINTUS GI NIGOM 13:2

Mbro nok gino ditri tut Allah nihyet cem dingon ki cem dingon dor mimunti kin nimbot kepti nya hagom cem diba dingon com Allah nindig bibor bidibindei ba, nungug ttou son leu niyati cem lo, gino dingon ngakei tungwatu nya bi lene dibon dinyeng bi!

KORINTUS GI NIGOM 13:8

Nijam mem tungwatu nya ingon ngakei yam ug hon nohonti bi sren. Tut no di tri tut Allah nihyet mem nijam dini mporo jei bi ne noni kes hon bitri tut nihyet bu bi. Tut no di ba nihyet mindur bimbrap mem nijam dini mporo jei bi ne noni mikes hon ba, ba nihyet mindur bimbrap bu bi. Tut yo di ingon dor mun nyeng mang biborti mem nijam dini mporo jei bi ne ingon prion ser mun di ingon dorti tut.

KORINTUS GI NIGOM 14:29

Gino jibou poi jitri tut Allah nihyet lene ma jibou can jibou ningai he ba, jimbrap kikep sindam lene yo di mbusyamei nya iba ingon srip huk nihyet di itri tut dima ug e.

KORINTUS GI NIGOM 14:32

Ma no di tri tut Allah nihyet nyohou pingok nisindemti di Allah Ninnei yai binoni.

KORINTUS GI NIGOM 9:6

He ma Barnabas nyengkom he rino nicom nahanggwap binibitug ndei mun di bahati tut nyenti e?

GALATIA 2:13

Lene mben Yahudi di ingon jo kep nindigsi nya cem sindi iba ingon di mang bisinggre bibit Petrus niyai kepti. Lene yahak mun di kinei dima ei Barnabasti bibindei ba, noni cem tti kin yok.

GALATIA 2:9

Jo nibreisi mem Yakobus kin Petrus kin Yohanes bipia Allah ndo midyai di bon ninyeng dini bida. Gima rino ibou ningai dini di tereu nok ninyohou mbusyamei cig iba inda com bikrau Barnabas nyeni ninda nok bindo bipia ninjei bit yam. Nahagom nice tut yam hyet bipai bipia nyeni niyai midyai ei ngkiai nya ikieti lene yoni igyai midyai ei mben Yahudi ikieti.

EFESUS 4:11

Kristus rima njei nisindemti nya bak tungwatu nya. Noni ta yo di igya kui Noni kin nabi nya kin yo di itri tut Nihyet Di Kei kin gembala nya kin guru nya cem.

FILIPI 4:22

Allah De limwa nya yahagom di ingat rin ei minu ndig dini ipigo je lo, gi ningat-ngat rino timiei Kaisar de ig bei nsi nya.

TESALONIKA GI NIGOM 5:20

Ma jingwes pri gau nihyet di kwei leu Allah Ninnei au.