KISAH 12:23 - ALLAH NIHYET MEM TUNGWATU NYA

²³ Hammi tirigi ikon ighyet nok rino Tuhan de malaikati gom tot Herodes kros lewo noni nggei sut Allah Nongkom he bi. Apino nji nya isui ningut bibindei ba, mai hak ug.

KISAH 12:23 ပူးပေါင်းရင်းမြစ်များ

NIBOU NDIG NYA GI NICAN 19:35

Himmun dima ne tuhan de malaikati gom kwei ya bidem tentara Asyur ide prak meng yati bihwen ibou sribu sratus ningot muhwindaningai sribu muhwi ba, imai. Njap dihyep bu lene nimbiam nya jo sinsiou bidem mpia dima hagom.

NIBOHON MBEN ISRAEL GI NICAN 32:21

Apino tuhan pinak malaikati gom biyai nimai bak tentara Asyur nya kin ide nibou nya di igyon ttai minu ndig Yerusalem pima yahagom. Gima bindei ba, nibou ndig mben Asyur ngkwei hanyen ba, mmai sut nindig bibor. Leu api mpe di gom bu tirigi ningat rin ei nide ig kwar lene nimunggwom bat ningat-ngat nya ibou poi ikwei ba simeda biyai nimai bak ei mpia dima.

AYUB 19:26

Mbro nok gino dingkek dip bok-ba ba, nggos cem lo, midingat Allah bou diyai him mem nijam di dibon dingut dini.

AYUB 7:5

Njingwoi pio dingut titut yam ba, nimpang di ngak-cai ngwig kep dingkek dip. Dingkek bok-ba ba, nuom huisi.

MAZMUR 115:1

Suar nyeni ninggei sut Na di tuhan lene ma ninggei sut nyenti bi sren. Lewo Ade ningon ngakei nyeti ug hon nohonti bi sren ba, angon gom cem.

NEHEI LEUSI 10:3

Gima rino Musa kin Harun yuug ngat Firaun bipai binoni “tuhan di nok mben Ibrani ide Allah hig ser na di Andigpoi bipia apig bu api akes hon ba, akuk na biNoni bu i? Suar akes Nide limwa nya bimbut leu binhyepo ikuk yok biNoni.

NEHEI LEUSI 12:12

Lewo midiya bidem minu Mesir nisurti-nipekti mem mmun dima bidiyai nimai bak munggwom pinai mighumbou nya bidem ide ig bei hagom kin mindhe-ndhe nipmot bou nya hagom. Ba, midikes hukum ei mben Mesir ide kwar nya hagom dip tug hon nisinati dima. Lewo Dani ne tuhan ri.

NEHEI LEUSI 12:23

Tirigi tuhan ya bidem minu Mesir nisurti-nipekti biyai nimai bak mben Mesir lene Noni mingat domba dima ninggrom ei jide ighyei cin kin dimbou hui kin biei njiti di jo nai dimbou hui bou niyai him apino minjiriek jide ig dima yok. Noni misindui sut Malaikati Di Bindei Nimai coi ug ei jide ig dima biyai nimai bije bi.

NEHEI LEUSI 12:29

Mmun mau rino tuhan yai nimai bak munggwom pinai mighumbou ei minu Mesir yahagom bitut Firaun nipmot mighumbou kikau ug bipek no di sima ei ig bui nsi nipmot mighumbou cem. Bitut mindhe-ndhe nipmot bou nya hagom imai bingwig.

NEHEI LEUSI 9:17

Mbro nok gima lo, ningon jei bijo ninno apino noni mikou sut gima kes Ditde limwa nya bimbut.

NIPINGOK NINGONTI 12:8

Tungwatu nya mikon bihi ninyeng bit leu nide nintin kimboti. Noro yoni ingwes om kep bihi bit leu ide ningon mbumti.

YESAYA 14:11

Nipou yo ne limwa nya iba nggong mbrei bikon anyeng noro tini bu ne angat rin ei minu nimai nya ide di nok mpia nintiti. Njingwoi nya ne ade mpia di abong niti rin ba, adihyeisi nya ne ade ban di abinggai na ri.’

YESAYA 37:23

Akan tut tou rino akucang kinei-kinau ba, ahyet wer mpiahi tut cem dima i? No dima ne Da di Allah Israel di dikwes-kwau ri.

YESAYA 51:8

Yoni misar bipror yon bidem sinsun di cipo kkin lene bidem minghas di iba domba nta bibon di awam kkin. Noro niteu ningwes ngunti di kwei leu Dani jo ninno bijo kikau. Ditde nibindei timek siceusi nya muug hon nohonti bi sren.”

YESAYA 66:24

Mpe di ikiju bingkwei hanyen ug ei ide ig lene mingat nimbiam di ikiek imig jou tut Da bou igyai him. Njingwoi di bipio ingut dima yok mimai ba, hi dima mu hum di yem yok kan bi. Gima ne mun di biyai yo di ikriau bicap kep nya yahagom igyai di ttin bibor ri.”

YEHEZKIEL 28:2

“Na di tungwatu di ayaijo kikau bi e, ma atri tut mun di Da di tuhan Di Dinyeng Jei Bibor dipai bak nibou ndig Tirus bipia aba angon di jei bikon nanti ba, agwam ei banggo mbrei dip ei muk ningwa dip leu api ade limwa nya ikuk yok bina. Abon nanti nok no di ikuk yok bak ug lo, ma ayok ngon kep bipia nani ne tungwatu nitu he ri.

YEHEZKIEL 28:9

Tto bou dima dem ne mpaba apai sut nanti bipia nani ne Allah rin e? Noro yo di ikwei yai nimai bina mingat bou igyai him bipia nani lene tungwatu nitu he ri.

KISAH 12:22

Nide limwa nya di imiap kep nihyet yahagom ikon ighyet nok gom bijo ninno bipai “Nihyet dima ne tungwatu dihyeisi nihyet rin bi noro nung hi nihyet ri!”

KISAH 5:19

Noro Allah de malaikati gom kau dimbou ig bui leu yok mem mmun bibuwak yok leu ig bui lene pai biyok,

TESALONIKA GI NICAN 2:4

No dima mitte tut mun di tungwatu nya ibikuk yok bak kin nung nya di ikuk yok bak hagom leu api mikon ninyeng jei dor njiriek ninyeng hagom bigwam jug ei Tuhan De Ig bitri tut bipia noni ne Allah ri.

SAMUEL GI NIGOM 25:38

Ug ei njap simnai bu lene tuhan bindei ba, ninggwenti pima hwen Nabal ningon him hanyen bimai kep.