KISAH 12:19 - ALLAH NIHYET MEM TUNGWATU NYA

¹⁹ Lene Herodes cuk tentara nya binggok ser Petrus noro ingat ningat bi. Gima rino noni cuk nibou gom bihig pus tentara pima yok leu api itug ndei nimai drek dip hak. Niabiati bu lene Herodes jo leu hanjop Yudea buug ei minu ndig Kaisaria bibong ei sirima.

KISAH 12:19 ပူးပေါင်းရင်းမြစ်များ

NIBOU NDIG NYA GI NIGOM 20:43

Lene nibou ndig ba ningon kinei kin nigga biborti cem bingkwei hanyen ug ei Samaria.

ESTER 6:12

Gima leu lene Mordekhai ngkwei hanyen buug bigwam kui dimbou hui ei ig nibou ndig de pima. Noro Haman bisau bingkwei hanyen ug ei nide ig binggai niimaisi ser nhyema hiter ingat noni bi lewo mmai sut nonti bibor.

YEREMIA 36:26

Lene noni cuk nipmot Yerahmeel kin Seraya di Azriel nipmot kin Selemya di Abdeel nipmot leu binhyepo ikwei kat dani kin ditde sekertaris di Barukh ba, nisima. Noro tuhan ku nye nyahan leu yok.

MATIUS 2:1

Maria srek tut Yesus ei minu mien Betlehem ei hanjop Yudea mem nijam di Herodes ninyeng tak kep mben Yahudi. Mpe dima cem andigpoi di ingon ki tut ham mpia-bbed him nya ibou poi ijo leu mpia nipriti bikwei krau minu ndig Yerusalem.

MATIUS 2:13

Tirigi yo di ingon ki nya imbut leu lene Allah de malaikati tau kep Yusuf tirigi bong bimumpriem bisok kep noni “Akiju ba, anang tut munggwom dima pip nipmem ug ei minu Mesir leu lene jibong kikau ei minu dima bibou dihig je hanyen kwei ug e. Lewo Herodes nggok ser munggwom dima mem gima kos Noni.”

MATIUS 2:16

Tirigi Herodes kan tut bipia yo di ingon ki pima yok iris binoni lene ningon sibui sut yok nindig bibor. Gima rino noni cuk nide tentara nya bipai biyok “Jug kos munggwom pinai nya ei Betlehem kin minu mien di gahai nya di ide njap ug ei ari bingwam can nimo jug yahagom.” Nicuk yokti dini bit leu nok mun di yo di ingon ki nya ipui sut binoni tut ham nitausi pima ri.

KISAH 12:18

Njap di hyep bu lene tentara pima yok ighyet ngwig kep yam nindig bibor ba, ingon kiowi nindig bibor tut mun di bindei dino Petrus pror hak leu yoni.

KISAH 12:4

Ikat Petrus lene icom noni ug ei ig bui nsi. Tentara nimpung bitai igya ser noni. Nimpung gom imangti ibou bitai bikwop nok. Herodes pi bikes hukum ei Petrus dip brei ei tungwatu yahagom igyai him niabiati tirigi Njap Ndig Paskah tun leu ug e.

KISAH 12:6

Himmun dapi binjapti kui tirigi Herodes pi bibuwak Petrus kwei bou tungwatu igyai him lene Petrus bong mai ei yo di igya ser nya ibou can ikieti. Iba lante can biteu ninda kin yo cin dima inda ba, nindigsi nya igya ngkiem ser dimbou huigya.

KISAH 16:27

Nibou ig bui drui sut niiman bingat lo, dimbou nya ei ig bui dima hagom kau su. Gima rino noni hit nide simeda lene pi bidat nonti bimai lewo kan bigya yo di isima nya yahagom inang bingwig leu ig bui nsi tu.

KISAH 21:8

Njap di hyep bu lene nijo leu minu ndig Ptolemais binimbut ug ei minu ndig Kaisaria. Tirigi nuug krau minu ndig dima lene nuug cem kep Filipus. Noni ne nitri tut Nihyet Di Kei cig rin binibit bong. Noni nggre kin ibou muhwindacan di mbusyamei nya ei minu ndig Yerusalem itta yok pima.

KISAH 25:13

Bed poi ser lene Nibou Ndig Agripa kin Bernike ikwei ei minu ndig Kaisaria leu binhyepo igya um Festus.

KISAH 27:42

Tentara nya ipi bihwen yo di isima nya yahagom hak ug lewo idigit tut leu ma bihi yaha minyei ug ei mam bei binang ba, ingwes ngun.

KISAH 8:40

Lene Filipus ngat lo, noni kwei krau minu ndig Asdod kros. Ba, noni tri tut Nihyet Di Kei bidem minu ndig nya hagom kak puig sinon kikau buug krau minu ndig Kaisaria kep.

SAMUEL GI NIGOM 23:14

Gima leu lene Daud bong-bong nyen ei hak mihyeti ngot di jo ei nungug him dideu iggum ndigsi Zif. Saul huk-huk nyen Daud kikau noro tuhan gi kes noni ei nibou ndig Saul nindati bi.