KISAH 12:17 - ALLAH NIHYET MEM TUNGWATU NYA

¹⁷ Petrus kimut ninda kep yok ser nhyema imbrap au. Leu api noni pui sut notou Allah buwak noni biningwes ngun leu ig bui nsi. Lene pai biyok “Ma jipui sut mun dini bak Yakobus kin yo di ingon jo kep nindigsi nya cem.” Pai nok leu lene noni kes yok ei buug ei minu ttou nsi hi bu leu yok.

KISAH 12:17 ပူးပေါင်းရင်းမြစ်များ

MAZMUR 146:7

Noni mbrap gau yo di ide siceu nya ico kep yok nya ba, kwas njita tut yo di yuhui mbum nya. tuhan kwek yo di isima nya ba, igyati kwes,

MAZMUR 66:16

Je di jingon gom tut Allah e, jahagom jikwei ba, jingig jitingou mem Allah nibon munti nya di bon mem da.

MATIUS 10:23

Gino timiei minu ttou nsi gom ihwen bit je lene ma jinang ug ei minu ttou nsi hiter bu. Dipai bije bipia nipou tirigi jicem kep mben Israel ide minu ndig nya hagom bidem bigyo lene Munggwom Tungwatu Nipmot kwei hanyen tu.

MARKUS 6:3

Noni ne tukan biei dino Maria nipmot rin bi e? Nikinjoi bat nya rino Yakobus kin Yoses kin Yudas kin Simon bi e? Nikwohop bat nya yahagom ibong bit nyeni bi e?” Lene ikou sut Noni.

LUKAS 1:22

Tirigi noni hei kwei lene bit bon mbrap bit yok kan bi. Noro ba ninda ngon ndiyok biyok lewo noni bbwe. Yoni ikan tut bipia noni ngat ningat-hi-ngat gom bou niyai him ei Tuhan De Ig tu.

YOHANES 10:40

Noni ngkwei hanyen ug ei Minyei Yordan nite dima ug ndam mpia ttou nsi di Yohanes tur tungwatu nya ei minyeiti bibong ei sirima.

YOHANES 11:54

Gima rino Yesus hei ei nibreisi ei mben Yahudi igyai him bi. Noni jo leu hanjop Yudea buug bong ei minu ndig Efraim dideu iggum ndigsi bit yo di igya kui Noni.

YOHANES 13:24

Simon Petrus ba niyai nggrop kon no dima bipai binoni “Ahig ser Yesus tut no di tri Noni ninyeng i.”

YOHANES 7:1

Leu api Yesus mbut-mbut nyen ei hanjop Galilea. Noni joi sut ngkwei ug ei hanjop Yudea hanyen bi lewo nibou mben Yahudi nya ibingon mem gima igyai nimai biNoni.

YOHANES 8:59

Gipai nok rino mben Yahudi iteu tig mem gima ibihwen Noni. Noro Noni ku No nyahan bimbut leu Tuhan De Ig.

KISAH 1:15

Njap poi ser lene yo di ingon jo kep nya ibou sratus gom ningot can idem yam lene Petrus kiju bitri tut nihyet. Noni pai biyok,

KISAH 12:16

Petrus puk dimbou bijo ninno. Tirigi ikau dimbou bingat lo, Petrus ningat rin lene inggap leu tut nindig bibor.

KISAH 12:18

Njap di hyep bu lene tentara pima yok ighyet ngwig kep yam nindig bibor ba, ingon kiowi nindig bibor tut mun di bindei dino Petrus pror hak leu yoni.

KISAH 13:16

Gima rino Paulus kiju biya lene kimut ninda kep yok bipai biyok, “Disut bat je di mben Israel kin je di nindigsi di jikuk je bak Allah e, ma jingig jitingou mem dihyet.

KISAH 15:13

Niabiati ikes ighyet hon leu api Yakobus pai biyok “Disut bat jen, ma jintu kep dihyet dini!

KISAH 16:40

Paulus kin Silas yehei leu ig bui biyuug cem kep Lidia ei nide ig bei. Niabiati igwam bit yo di ingon jo kep nya ei mpia ttou nsi dima bibiwin kep ingonti leu lene Paulus kin Silas ikes yok bimbut leu yok.

KISAH 19:33

Ibou poi ikan bigya Aleksander ribindei di ighyet kui yam dima lewo mben Yahudi ibidip huk noni buug ya ei yahagom yoho bei. Gima rino noni kimut ninda kep yok leu binhyepo isindui sut ba, noni mbrap gau nonti ei yahagom yoho bei.

KISAH 21:18

Njap di hyep bu lene nehei sut Paulus ba, nuug cem Yakobus. Nibou mbusyamei nindigsi nya cem yahagom ingat rin ei nide ig bei.

KISAH 21:40

Nibou dima ce tut Paulus ningon kanti dima lene Paulus kiju biya ei lin mbrei dip bikimut ninda kep yok. Tirigi yahagom ighyet ntus leu lene noni ba nihyet Ibrani bimbrap bit yok,

KISAH 28:15

Ninghapti tibim kikau ug ei yo di ingon jo kep Yesus ei minu ndig Roma itingou nsi. Gima rino ikwei ya um nye ei Pasar Apius kin Ig Losmen Niningai. Tirigi Paulus ngat yok lene noni pai sigyo hanyen bak Allah lewo ikweisi dima biwin kep ningonti.

KORINTUS GI NIGOM 15:7

Leu api ndo Nonti bak Yakobus leu api bak yo di igya kui Noni nindigsi nya yahagom.

GALATIA 1:19

Dingat yo di igya kui Yesus nindigsi nya bou diyai him bi lo, Yakobus di Yesus nikinjoi nongkom he.

GALATIA 2:12

Leu nipou ne noni yem njita bit ngkiai di ingon jo kep nya noro mpe dino yo di Yakobus cuk yok kwei ikwei krau lene Petrus mbres nonti leu yo di ingon jo kep dima yok leu api yem njita bit yok bu bi. Lewo noni digit tut yo di iwit huk ngkiai nya tut gima igyai midut sunat.

GALATIA 2:9

Jo nibreisi mem Yakobus kin Petrus kin Yohanes bipia Allah ndo midyai di bon ninyeng dini bida. Gima rino ibou ningai dini di tereu nok ninyohou mbusyamei cig iba inda com bikrau Barnabas nyeni ninda nok bindo bipia ninjei bit yam. Nahagom nice tut yam hyet bipai bipia nyeni niyai midyai ei ngkiai nya ikieti lene yoni igyai midyai ei mben Yahudi ikieti.

YAKOBUS 1:1

Srat dini leu da di Yakobus. Dani ne awak mem Allah kin Tuhan Yesus Kristus ri. Ba, srat dini mem Allah de limwa nya di intek gimahap ug ei dihyei nisurti-nipekti hagom. Dipigo jahagom.