KISAH 11:23 - ALLAH NIHYET MEM TUNGWATU NYA

²³ Tirigi noni kwei krau bingat lo, Allah singat tut yok lene ningon llei bibor. Lene noni pingok yo dima ingonti leu binhyepo iba ingon titut yam bingon gom tut Tuhan.

KISAH 11:23 ပူးပေါင်းရင်းမြစ်များ

NIBOU NDIG NYA GI NICAN 18:6

ningon gom tut Noni kikau. Noni srep tut tuhan bi sren noro bit tuhan de nicukti nya di Noni kes tug hon Musa hagom nok mungkun kei.

MAZMUR 17:3

Tirigi ambus dingonti ba, akwei ngig ayai kep da mem mmun lene angat bipia dingon sren-srau. Ditto ei bidanti bipia midiyai mun tunggwei tug hon dihyet di tibim ei duhui him bi.

NIPINGOK NINGONTI 23:15

Dimunggwom na e, gino ayai angon di ki ne dingon llei bibor drek dip.

NIPINGOK NINGONTI 23:28

Yoni icem kep puig ser akweisi nok ninggimang kep mun cig nya lene gima bindei ba, pinai nya imang bibor icut tut yok.

DANIEL 1:8

Daniel ningon nddong bikos tut bipia noni mibindei ba, map kui noniti tug hon gi yem njita kin gi dut ba anggur ngei di nibou ndig de ig bei nsi nya igyem kep bikwop njap bi. Gima rino noni bidip huk Aspenas tut njita hiter.

MATIUS 16:24

Lene Yesus pai bak yo di igya kui Noni “Bikwop no di joi sut bit Dani lene ma ningon hek tut mun di bon ninyeng mem nonti au. Noro suar kon nide biei salib bibit Da.

MARKUS 2:5

Tirigi Yesus ngat lo, iba ingon com Noni lene pai bak no di las hwen “He mot de ug o, dwai! Dikos ser ade sisar tu.”

YOHANES 15:4

Ma jicom jigau ninghig-niker ei Dati lene Dani cem dicom digau ninghig-niker ei jeti. Bit bon ningat ntun ninda him tug hon nonti kan bi. Gino ninda tug ninjem lene ngat ningat ri. Nok gima mem jeni cem. Gino jicom jigau ninghig-niker ei Dati bi lene bit bon jingat ningat kan bi.

KISAH 13:43

Niabiati tungwatu pima yok yahagom intek gimahap bingwig leu lene mben Yahudi imang bibor kin ngkiai nya di itti kin puig Yahudi ibit yok. Gima rino Paulus kin Barnabas imbrap bit yok bibiwin kep ingonti leu binhyepo iba ingon com Allah nisingat tut yokti.

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

KISAH 14:26

bibri kibar minyei ei minu ndig dima bingkwei hanyen ug ei minu ndig Antiokhia ei hanjop Siria niabiati yo di mbusyamei ei minu ndig dima ikes yok ei Allah di singat tut yok nindati. Noni nyohou yok kikau bigyai Nide midyai biput kep.

KISAH 15:40

Paulus buwak Silas ba, yo di mbusyamei ei minu ndig Antiokhia ingat nadi kep yok leu binhyepo Tuhan singat tut yok kikau bidem imbutti.

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

KISAH 20:32

Nogindini dikes je ei Allah nindati leu binhyepo Noni kin nihyet tut Allah nisingat tut jeti nyohou je. Allah sindem mem gima sindem tut je leu binhyepo jiba je kep mun di kei di Noni bet ei mem Nide limwa nya yahagom.

KISAH 4:36

Nok gima tut Yusuf cem. No dini ntun pung Lewi him ba, nitimieisi leu Mios Siprus. Yo di igya kui Yesus ijem ninyeng hi Barnabas (ninyeng dima noyam kin niwin kep tungwatu ingonti),

ROMA 12:8

Suar no di yai nisindemti mem gima biwin kep yo di hiter ingonti biwin kep ingonti hak ug. Suar no di yai nisindemti mem gima kwas mun di ma nya tut hiter ngondut yok bikwas mun di ma nya tut yok. Suar no di yai nisindemti mem gima bie tut tungwatu nya ta nibou ei nibie tut yokti. Suar no di yai nisindemti mem gima ngondut hiter ba ningon di llei bingondut yok.

KORINTUS GI NIGOM 15:58

Gima rino disut bat di dingon kieti jen e, ma jiyai nisindemti kin ningon nddongti. Ma jita jibou ei Allah de midyaiti lewo jikan tut bipia midyai di jiyai mem Tuhan nya hagom mikui-kausi bi sren.

KORINTUS GI NICAN 1:17

Noro diluei dingonti tut dimbutti. Gima ndo bindo bije bipia dingon can tut dimbutti nya e? Jikan bipia diba dingon di nddong bi bikos tut dimbutti nya e? Diba dipaisi “I” kin dipaisi “Bi” biluei-luei nyen dingonti nok e?

KORINTUS GI NICAN 6:1

Niyai midyai bit Allah. Gima rino nitigtai je leu binhyema jibimangkrei Allah nisingat tut jeti au.

NINDAT KEP TUHAN NICUKTI NYA 10:20

Ma jiba jibou coi mem tuhan di nok jide Allah bijikuk je bak Noni Nongkom. Ma jingon gom tut Noni ba, jipreu ei kin neheng tug hon Nongkom ninyeng cem.

NINDAT KEP TUHAN NICUKTI NYA 30:20

Ma jingon ngakei tuhan di nok jide Allah ba, jibit nihyet ba, jingon gom tut Noni cem apino jeni kin jide nintun him yamti di bram yam nya mijibong kei mijigwam kei mem nijam di jei bibor ei minu di Noni preu ei mem jidigup bat-jidigai bat di Abraham kin Ishak kin Yakub nya tu.”

KOLOSE 1:6

Allah nihyet dima no kieng kep dihyeisi dini apino tungwatu nya igyai mun di kei di ntun nihyet dima him noyam kin mun di kei di jeni jiyai mpe di jimiap tut Allah nisingat tut jeti habiei ei nimbie him. Leu api nisingat tut jeti nyohou pingok ei jingonti kikau kwei bipek ammani kep.

2 TIMOTIUS GI NICAN 3:10

Noro tut nani ne abit ditde ningginausi kin diyai munti nya kin dingon kanti tu ba, angig ayai kep ditde niba ningon com Kristusti kin dingon di jo nyahan kin dingon ngakei tungwatu nyati kin dingon di nddong,

YOSUA 22:5

Ma jisok kep jenti ser nhyema jibit nicukti nya di Musa tri tut bije. Ma jingon ngakei jide tuhan Allah ba, jibit ningon kanti cem jibit nicuk jeti nya ba, jingon gom tut Noni cem lene ma jiba jingon titut kin jinnei titut yam bikuk je bak ba, jinok Nide awak nya.”

YOSUA 23:8

Noro ma jibit tuhan kin jingon di gom kikau noyam kin gi jibon kep nipou kwei bipek ammani kep.

PETRUS GI NIGOM 5:12

Disut Silas mpu da bipas kep srat dini. Dikan tut bipia noni ne no di Kresten di ningon gom ri. Dibiwin kep jingonti bidipai jit bipia mun di nipas kep ei srat diniti ndo tut Allah nisingat tut nyeti di nijit. Ma jikrop jinda ei Allah nisingat tut nyeti kikau.

YOHANES GI NIGOM 2:28

He dimunggwom bat jen, ma jiyaijo nok gom kin Kristus leu binhyepo tirigi ttou bou dem mem Noni ttau hanyen kwei lo, no sisip ibrim ingkek yo ba, immai sut nyenti ei Noho bei bi.

YOHANES GI NININGAI 1:4

Tirigi dimiap tut dimunggwom bat nya di igyai igbit Allah ningon kanti inghapti lene gima biyai dingon llei-llau sut dor njiriek mun nindigsi nya hagom.

YUDAS 1:4

Lewo yo di isibut nya ibou poi imbris nyahan bisrig ikieti ba, ikiek-kiek nyen nihyet tut Allah nisingat tut nyeti leu binhyepo ibimbrap gau yonti ingut kanti di kinei di srou yok. Yo dima itte tut bipai sut Yesus Kristus bipia Nongkom ngat ne Iceu kin ide Tuhan rin bi. Allah nihyet pai sut ide hukum di hatap yok mimbrek ngan tu.