KISAH 11:22 - ALLAH NIHYET MEM TUNGWATU NYA

²² Mun di pek kep mem yo dima nibimbiti tibim ug ei yo di inggre kin mbusyamei ei minu ndig Yerusalem itingou nsi. Gima rino ipinak Barnabas ug ei minu ndig Antiokhia.

KISAH 11:22 ပူးပေါင်းရင်းမြစ်များ

KISAH 11:1

Lene yo di igya kui Yesus kin nindigsi di ingon jo kep nya bidem hanjop Yudea nisurti-nipekti imiap tut ngkiai nya inghapti bipia ijoi sut ibit Allah nihyet.

KISAH 11:19

Niabiati Stefanus yai nimai leu lene nibou mben Yahudi nya sindi ihwen bit yo di ingon jo kep nya. Gima rino intek gimahap binang ug ei minu Fenisia kin Mios Siprus kin minu ndig Antiokhia bitri tut Allah nihyet bak mben Yahudi nya he.

KISAH 11:20

Noro andigpoi di ingon jo kep nya ibou poi itimieisi leu Mios Siprus kin minu ndig Kirene ikwei ei minu ndig Antiokhia bitri tut Nihyet Di Kei tut Yesus bak ngkiai nya cem ei minu ndig dima.

KISAH 11:26

Niabiati Barnabas um Saulus lene noni buwak noni bingkwei hanyen kwei ei minu ndig Antiokhia leu api ibong bit yo di inggre kin mbusyamei mem ari bingwam nitindur gom bingginau tungwatu imang bibor. Mpe dima cem tungwatu nya kindi ijem yo di ingon jo kep nya ei minu ndig Antiokhia inyeng Kresten.

KISAH 11:27

Mpe dima cem nabi nya ibou poi ijo leu minu ndig Yerusalem bikwei ei minu ndig Antiokhia.

KISAH 15:2

Paulus kin Barnabas isrep tut yo dima drek dip ide ningginau yokti dima nindig bibor. Gima rino yo di inggre kin mbusyamei idimig Paulus kin Barnabas kin timiei minu ndig Antiokhia nya ibou poi bipinak yok ug ei minu ndig Yerusalem leu binhyepo ihig ser yo di igya kui Yesus kin nibou mbusyamei nya tut munhyet dini.

KISAH 15:22

Yo di igya kui Yesus kin nibou nya kin yo di inggre kin mbusyamei yahagom ikos tut bipia idimig ibou can leu ikieti bipinak yok ug ei minu ndig Antiokhia bit Paulus kin Barnabas. Gima rino idimig Silas kin Yudas di Sabas nipmot. Yo di mbusyamei nye ei minu ndig Yerusalem ijoi sut yo cin dini nindig bibor.

KISAH 18:22

Niabiati noni kinyon leu kibar ei minu ndig Kaisaria lene mbut kikau ug ei minu ndig Yerusalem bipigo yo di inggre kin mbusyamei. Lene noni mbut kikau ug ei minu ndig Antiokhia.

KISAH 6:5

Yo di ibit Yesus yahagom ice tut yo di igya kui Yesus ingon kanti dima. Lene idimig Stefanus di ba ningon gom bicom Yesus bibor di Allah Ninnei de nisindemti srek kwei ei ningonti cem. Idimig Filipus kin Prokhorus kin Nikanor kin Timon kin Parmenas kin Nikolaus leu Antiokhia. Ba, Nikolaus ne ngkiai noro tti kin puig Yahudi.

KISAH 8:14

Yo di igya kui Yesus di ingat rin ei minu ndig Yerusalem imiap mben Samaria inghapti tut gi ingon jo kep Allah nihyet tu. Gima rino ipinak Petrus kin Yohanes ug ei minu ndig dima.

KISAH 9:27

Noro Barnabas ngondut Saulus bibuwak noni kwei ei yo di igya kui Yesus ikieti biya hacan mem noni. Barnabas pui sut Saulus nuum Tuhan ei puig sinon dideu minu ndig Damsyik bipui sut Tuhan nimbrap bit noniti kin niba niji ngkiem bibrim ningkek mem Yesus ei minu ndig Damsyik cem hagom biyok.

GALATIA 2:11

Noro tirigi Petrus kwei ei minu ndig Antiokhia lene ditte tut noni bou yo di ingon jo kep nya igyai him drek dip nide niyai mun tunggweisi.

TESALONIKA GI NIGOM 3:6

Noro noni sindi kwei krau hanyen tu bipui binye tut jide niba ningon com Yesus Kristusti kin jide ningon ngakei yamti cem. Noni pai binye bipia jingon kwes kin nye kikau ba, jijoi sut gi jikwei ngat nye dem kep nok gi nyeni nijoi sut nihwou ngat je hanyen bu.