KISAH 11:18 - ALLAH NIHYET MEM TUNGWATU NYA

¹⁸ Tirigi mben Yahudi pima yok imiap Petrus nihyet lene itte tut noni bu bi. Lene inggei sut Allah bipai biyam “Gi nok ne Allah bon nituti mem ngkiai nya ittin ser ide sisar bikiek ndam Allah bigyai niyaijo nijep cem.”

KISAH 11:18 ပူးပေါင်းရင်းမြစ်များ

YESAYA 11:10

Njap ngon bou midem leu api nibou ndig di ntun Daud him mindo bindo tut nibiyok ngon kepti mem mben yahagom. Yoni minduk yam kwei ndam noni bikon nide minu ndig ninyeng bijo anai.

YESAYA 60:21

Ade limwa nya mibrim ingkek mem mun di igbit. Yoni miba yo kep minu dima bijo ninno bijo kikau. Inoyam kin biei kioi gom di dipai tes bidita leu binhyepo bindo tut Ditde nikei-kau-keisi ei nibreisi.

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

YEHEZKIEL 36:26

Midiyai ningon di nijep kin nibou ngwakti di nijep bije. Midiba ningon di bit dihyet biluei ningon di tindak di noyam kin tigya.

YEHEZKIEL 47:22

dihyei dima nok jide dihyei ninda rom bijo ninno bijo kikau. Ma ngkiai nya di ibong timiei bigyai imunggwom bat nya srig jikieti cem igyai hanjop nsi hi ei jide dihyei ninda rom nok ide dihyei ninda rom. Ma jibibon yok nok limwa ningat-ngat nya nya noyam kin je di mben Israel cem. Yoni mibit niko-nibinggok tutti bitug ndei ide hanjop nsi ei mpe di jikwas dihyei tut yam.

ZAKHARIA 12:10

Leu api midibindei ba, yo di intun Daud him kin timiei minu ndig Yerusalem ingon ya tut ningon ngakei yamti kin ningon ya tut naditi. Igyai mibong kep no di idat leu api ipim nggruet drek dip noyam kin no di pim nggruet drek dip nipmot di nimig gom nimaisi pimo. Yoni iba ingon di ngguk bibor bipim nggruet noyam kin no di nide munggwom mighumbou sar leu no pimo.

MATIUS 9:8

Tirigi tungwatu ingat mindur di Yesus bibon dima lene idigit tut ba, inggei sut Allah di yai nisindemti dima bak tungwatu nya.

KISAH 11:1

Lene yo di igya kui Yesus kin nindigsi di ingon jo kep nya bidem hanjop Yudea nisurti-nipekti imiap tut ngkiai nya inghapti bipia ijoi sut ibit Allah nihyet.

KISAH 14:27

Tirigi ikwei krau minu ndig Antiokhia ei hanjop Siria hanyen tu lene induk yo di inggre kin mbusyamei kwei bipui kep midyai di Allah bibon tug hon yoni kin notou Allah tin puig mem gima ngkiai nya cem ingon jo kep Yesus.

KISAH 15:3

Yo di inggre kin mbusyamei nya yehei sut Paulus nya ug ei minu ndig dima nisai. Leu api Paulus nya igya bidem hanjop Fenisia kin Samaria bitri tut bak tungwatu nya bipia ngkiai nya ingon jo kep Allah tu. Ighyet di itri tut dima bindei ba, yo di inggre kin mbusyamei nggi minu dima ingon llei bibor.

KISAH 20:21

Disok kep mben Yahudi kin ngkiai nya ngkiem leu binhyepo ittin ser ide sisar bikiek bak Allah ba, ingon jo kep Tuhan Yesus cem.

KISAH 21:20

Imiap tut mun di Paulus kwop kep nya lene yahagom inggei sut Allah leu api ipai bak Paulus “Nikindig na e, angat bou ayai him bipia mben Yahudi ibou sribu-ribu ingon jo kep Yesus tu. Ba, yahagom ita ibou ei gima ibit Puig Yahudi nicukti nya cem.

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

KISAH 3:26

Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”

KISAH 5:31

Lene Allah kon Noni bigwam kui ninda com biyai nisindemti biNoni cem. Allah ndo Noni nok Nibou Ndig kin No di teu tungwatu leu sisar biyai niyaijo nijep biyok cem. Tug hon nisinati dima lene Allah bon nituti kin nikwesti mem mben Israel ittin ser ide sisar bikiek ndam Allah leu api Noni mikos ser ide sisar.

ROMA 9:30

Nirop ninda ndigsi pai mindei binye i? Ngkiai nya inggok puig mem gima igyai ingon di kwes kin Allah hanyen bi. Noro Allah yai ingon di kwes kin Noni hanyen tug hon ide niba ningon com Noti.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

KORINTUS GI NICAN 7:10

Lewo ningon buhunti di bit leu Allah ningon kanti bie tut nye ug ei ningon nggekti ba, ningon nggekti buwak nye ug ei nittin ser sisarti kin niyai niyaijo nijepti di kwei leu Allah ba, tungwatu nya inso tut gima bi. Noro ningon buhunti di ntun tungwatu dihyeisi dini ingon kanti him bie ndam nimai.

GALATIA 1:24

Gima rino inggei sut Allah tut mun di Noni bindei pek kep mem da.

YOSUA 22:30

Lene mun nyeng hagom di keret Ruben kin Gad kin Manasye nite hi ibuhupti dima jo nibreisi mem Imam Pinehas kin nibou nya ibou simnai di inok nibou mem Israel de ig bei di ibong nite bei mpia nicutti pima tu lene ingon cut hon.