KISAH 11:16 - ALLAH NIHYET MEM TUNGWATU NYA

¹⁶ Lene diyok ngon kep nihyet di Tuhan pai ‘Yohanes tur tungwatu nya ei minyeiti noro Allah mitur je ei Ninneiti.’

KISAH 11:16 ပူးပေါင်းရင်းမြစ်များ

NIPINGOK NINGONTI 1:23

Ma jingig jitingou mem ditde nisok kep jeti. Midihit dingon kanti nya brei bije bidikwas ditde nintin kimboti ndrim hi tut je.

YEHEZKIEL 36:25

Gima ngwig lene midiba minyei di pimbai kei biprok je leu binhyepo jingon pwoi leu jide kwar nya kin mun nindigsi di bindei ba, map kui je tu nya.

YOEL 2:28

“Niabiati bu ne miduhug dinnei bikwop ei tungwagom-gom ningonti. Jipmot bat kin jipmisop bat nya mitri tut dihyet. Jide andigpoi nya mimumpriem. Jide pinai pilei nya mingat-hi-ngat cem.

YOEL 3:18

Mpe dima lene miai ba anggur nghousi mikieng kep nungug him hagom ba, sapi kin domba nya migya bidem nungug tou nya bigyem abris ei abris nghousi nya. Minyei pmem di biam ei minu Yehuda mipingge hanyen bu bi sren. Minyei di pimbai kei gom mibiam kwei leu tuhan De Ig kikau ug ei Mbang Briep Akasia nisurti-nipekti.

MATIUS 3:11

Ditur je ei minyeiti mem gima bindo bipia jitin ser jide sisar ba, jikiek ndam Allah tu. Noro No di ya abia kep da ma kwei mitur je ei Ninnei Gi Kwes kin humti. No dima ninyeng jei bibor dor njiriek da. Dani ne dem mem gima dikwek Nide srop ba, dittei bi.

MATIUS 3:6

Yo dini ipai jit ide sisar leu api noni tur yok ei Minyei Yordanti.

MARKUS 1:8

Ditur je ei minyeiti noro Noni tur je ei Ninnei Gi Kwesti bu.”

LUKAS 24:8

Lene sop nya igyok ngon kep Yesus nipaisi dima.

LUKAS 3:16

Gima rino Yohanes buhup bak yahagom “Ditur je ei minyeiti noro No di ninyeng jei dor njiriek da mikwei rin ba, Noni mitur je ei Ninnei Gi Kwes kin humti. Didem mem gima dikwek Nide srop leu nimig jou bi.

YOHANES 1:26

Yohanes buhup “Ditur tungwatu nya ei minyeiti noro No di jingat igbit bi No ya ei jikieti.

YOHANES 1:33

Mpe dima lene dikan igbit Noni bi. Noro Allah di cuk da kwei mem gima ditur tungwatu nya ei minyeiti pai bida ‘Mporo angat Allah Ninnei di dwop juk bigwam ei tungwagom dip leu api dimba hanyen ug bi. No dima rino tur tungwatu nya ei Ninnei Gi Kwesti.’ ”

YOHANES 14:26

Noro Dicig micuk Ninnei Gi Kwes di nok No Di Mimpu je kwei tug hon dinyenga. Noni ngginau jingonti tut mun nyeng hagom lene bindei ba, jiyok ngon kep mun di dipai bije hagom.

YOHANES 16:4

Noro ditri tut dihyet dini bije nogindini leu binhyepo tirigi tto bou dem ba, hagom cut igkep je lene jiyok ngon kep bipia ditri tut hagom bije tu.” “Ditri tut mun dini yok bije ei nimbie him bi lewo dingat rin bit je yo.

KISAH 1:5

Lewo Yohanes tur tungwatu nya ei minyeiti noro ei njap poi bu lene Allah mitur je ei Allah Ninneiti.”

KISAH 20:35

Lewo dindo bindo bije tug hon nisinati hagom tu leu binhyepo jijoi bibor ba, jita jibou ei midyaiti leu binhyepo jibingondut yo di isindem bi nya. Lewo suar jiyok ngon kep Tuhan Yesus Nonti nihyet di pai ‘Tungwatu nya igyai nillei tug hon ide ningondut tungwatu nyati leu gima igyai mun di yo di hiter ibingondut yok a.’ ”

KORINTUS GI NIGOM 12:13

Nok gima tut nyeni yahagom cem. Mben Yahudi kin ngkiai nya ba, awak nya kin yo di igyai inyeng nya cem yahagom igyai nitur nye ei minyeiti di bindei ba, ibicim tindei Kristus tug hon Allah Ninnei gom dima. Allah bindei ba, Allah Ninnei gom dima coi kwei ei nyeni yahagom ingonti tu.

PETRUS GI NICAN 3:1

He disut bat di dingon kieti jen, gini ne srat gi nican di dipas bak jeni ri. Dibingon mem gima dibiwin kep jide nikan-kan nyenti di pimbai kei tug hon srat ningat can dini.