KISAH 11:14 - ALLAH NIHYET MEM TUNGWATU NYA

¹⁴ Noni mitri tut nihyet di bindei ba, nani kin ade ig bei nsi nya jahagom jiyai niteu leu sisarti kin niyaijo nijep.’ ”

KISAH 11:14 ပူးပေါင်းရင်းမြစ်များ

NITRITI 17:7

Dani midiyai bipek kep gi preu po di dipreu ei bit nani kin ade nintun him yamti di bram yam nya cem ba, gima ne gi preu di ngkiem bibor bijo ninno bijo kikau ri. Midinok ade Allah kin yo di intun nani him cem ide Allah.

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

MAZMUR 112:2

Nimunggwom bat nya inyeng jei ei minu dini. Nide nintun him yamti di bram yam nya cem ingon nggei-hi-nggei

NIPINGOK NINGONTI 20:7

Munggwom nya di ibon icig bat di igyai munti nya kei bibor kei di ingon gom ne ingon nggei-hi-nggei.

YEREMIA 32:39

Midibindei ba, ikos tut ingon kanti gom ngat. Ingon kanti gom ngat di ikos tut dima rino ibou cut bak Dani bijo ninno bijo kikau. Ide nikos tutti dima mibindei ba, mun di kei mipek kep mem yonti kin ide nintun him yamti di bram yam nya yo.

MARKUS 16:16

Yo iba ingon com Noni bi mitug ndei hukum. Noro yo di iba ingon com Noni di itur yok ei minyeiti migyai niteu leu sisarti kin niyaijo nijep.

LUKAS 19:10

Munggwom Tungwatu Nipmot ttau kwei leu binhyepo nggok yo di israwir nya biteu yok leu sisar biyai niyaijo nijep biyok.”

YOHANES 12:50

Ba, dikan tut bipia nicukti dima bindei ba, tungwatu nya igyai niyaijo nijep di jo kikau. Ditri tut nihyet di Dicig ngginau Da tut.”

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 4:53

Lene mot dima nicig yok ngon kep bipia cut igbit jam dima rino Yesus pai bipia nipmot kei hanyen. Gima rino noni kin nide ig bei nsi nya yahagom iba ingon com Yesus.

YOHANES 6:63

Allah Ninnei Nongkom yai niyaijo nijep bak tungwatu nya. Tungwatu nya ide nisindemti dem mem bi. Dihyet di dipai bije bindei ba, jiyai Allah Ninnei bitut niyaijo nijep di jo kikau ei jingonti.

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

KISAH 10:2

No dini kin nide ig bei nsi nya yahagom iba ingon gom bikuk yok bak Allah. Noni singat tut mben Yahudi di yuhui mbum nya bingat nadi bak Allah bikwop njap ngwa hagom cem.

KISAH 10:22

Ibuhup “Kornelius di Nibou tentara pinak nye kwei. Noni ba ningon gom bikuk no bak Allah ba, mben Yahudi yahagom ikon ninyeng cem. Allah birop Kornelius de nadi bipinak Nide malaikati gom kwei bipai binoni bipia ma noni sok nihyet bak na di Andigpoi leu binhyepo abit nye biyuug ei nide ig bei leu binhyepo noni miap mun di tibim ei na di Andigpoi ahui him.”

KISAH 10:43

Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 10:6

Noni bong bit Simon nikak mindhe-ndhe ngkek cig ei muk nintig dip.”

KISAH 11:13

Leu api noni pui kep binye tut malaikati di noni ngat lo, ya ei nide ig bei bipai binoni ‘Ma apinak tungwahi ug ei minu ndig Yope leu binhyepo buwak Simon Petrus kwei.

KISAH 16:15

Noni kin nide ig bei nsi nya yahagom igyai nitur yok ei minyeiti leu api cigit nye kui nide ig bipai binyeni “Gino jikan mungkun tut bipia dingon jo kep Yesus nijit-jau tu lene ma jikwei bong bit nye.” Cigit nye kui nide ig nok rino nice tut hak.

KISAH 18:8

Noro Krispus di nibou mbusyamei Yahudi bitut nide bat nya yahagom cem ingon jo kep Tuhan Yesus. Timiei minu ndig Korintus nindigsi cem imang bibor imiap kep nihyet di Paulus tri tut biyok lene ingon jo kep Yesus leu api itur yok ei minyeiti.

KISAH 2:39

Lewo Allah nipreu eisi dima mem jeni kin yo di intun jeni him kin yo di minu ting nya cem bibikwop tungwa tou rino Tuhan di nok nyeni ide Allah mihig ndam Nonti.”

KORINTUS GI NIGOM 1:16

Ningat ne ditur Stefanus kin nide bat nya cem. Noro bit bon dikan kep gino ditur hiter kan bi.)