KISAH 11:12 - ALLAH NIHYET MEM TUNGWATU NYA

¹² Lene Allah Ninnei cuk da bipia ma dihig dingon eisi tut gino dibit yok au. Gima rino disut bat yo di ingon jo kep nya ibou muhwindagom leu minu ndig Yope cem ibit da ba, nuug ei minu ndig Kaisaria. Ba, nahagom nicoi ug ei Kornelius de ig bei ei minu ndig dima.

KISAH 11:12 ပူးပေါင်းရင်းမြစ်များ

MATIUS 1:20

Tirigi Yusuf kan-kan nyen tut mun dini yok hagom lene Allah de malaikati gom tau kep noni tirigi bong bimumpriem bipai bak “He na di Yusuf dino ade pung kim Daud e, ma angwes mien tut gima ayai Maria nok atnem au. Lewo noni nghop tug hon Ninnei Gi Kwes.

YOHANES 16:13

Noro tirigi Ninnei Gi Kwes di mbot kep tut Allah de mijit-jausi bije kwei lene Noni mipingok jingonti leu api mijikan tut mijit-jausi dima hagom. Noni mitri tut Nonti ningon kanti bi noro mitri tut mun di tibim ei nitingou nsi bimbot kep bije tut mun di mipek kep ei nidipti bu.

KISAH 1:15

Njap poi ser lene yo di ingon jo kep nya ibou sratus gom ningot can idem yam lene Petrus kiju bitri tut nihyet. Noni pai biyok,

KISAH 10:23

Gima rino Petrus cigit yok kui ig leu api ibit bong mem mmun gom. Njapti kui bu lene Petrus kiju bibit yok ba, yo di ingon jo kep nya ibou poi leu minu ndig Yope cem ibit.

KISAH 10:45

Mben Yahudi ibou poi di ingon jo kep Yesus di ibit Petrus kwei leu minu ndig Yope pima inga leu sut gino Allah bindei ba, Ninnei srek kwei ei ngkiai nya cem ingonti.

KISAH 11:13

Leu api noni pui kep binye tut malaikati di noni ngat lo, ya ei nide ig bei bipai binoni ‘Ma apinak tungwahi ug ei minu ndig Yope leu binhyepo buwak Simon Petrus kwei.

KISAH 13:2

Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

KISAH 13:4

Barnabas kin Saulus imbut birop ug ei minu ndig Seleukia bit leu nok Allah Ninnei nicuk yokti. Leu api ibri kibar minyei gom biyuug ei Mios Siprus.

KISAH 15:7

Iba ighyet bidahat yam ninno tu lene Petrus kiju biya lene pai biyok “Disut bat jen, jikan tut bipia Allah dimig da leu jikieti nipou su leu binhyepo ditri tut Nihyet Di Kei bak ngkiai nya apino yoni cem imiap nihyet ba, ingon jo kep Yesus.

KISAH 15:9

Allah mig mbus nyeni kin yoni ter leu yam bi. Noni yai ingon kwes kei tug hon ide niba ningon com Noniti.

KISAH 28:15

Ninghapti tibim kikau ug ei yo di ingon jo kep Yesus ei minu ndig Roma itingou nsi. Gima rino ikwei ya um nye ei Pasar Apius kin Ig Losmen Niningai. Tirigi Paulus ngat yok lene noni pai sigyo hanyen bak Allah lewo ikweisi dima biwin kep ningonti.

KISAH 8:29

Allah Ninnei pai bak Filipus “Aug ya kui kroba pran dima ba, asir nitta.”

ROMA 3:22

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

TESALONIKA GI NICAN 2:2

Ma jingon kiowi niti bijingon bos-bos nyen tut yo di itri tut bipia Tuhan De Njap njiriek leu su au. Gino jikan bipia nihyet dima kwei leu nyeni tirigi nitri tut Allah ningon kanti e, he kwei leu gi hi di pingok jingonti tut e, he kwei leu mun di nipas hwou ei sratti bije e, lene gima hagom igbit bi.

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.