KISAH 10:43 - ALLAH NIHYET MEM TUNGWATU NYA

⁴³ Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 10:43 ပူးပေါင်းရင်းမြစ်များ

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

MARKUS 16:16

Yo iba ingon com Noni bi mitug ndei hukum. Noro yo di iba ingon com Noni di itur yok ei minyeiti migyai niteu leu sisarti kin niyaijo nijep.

LUKAS 24:47

Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

YOHANES 1:45

Filipus ug nggok ser Natanael bipai binoni “Nyeni nuum tungwagom di Musa pas tut Noni ei Puig Yahudi nicukti ba, nabi nya cem ipas tut Noni. Ninyeng Yesus leu minu ndig Nazaret ba, nicig ninyeng Yusuf.”

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

KISAH 15:9

Allah mig mbus nyeni kin yoni ter leu yam bi. Noni yai ingon kwes kei tug hon ide niba ningon com Noniti.

KISAH 2:38

Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije.

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

KISAH 26:22

Noro Allah nyohou da habiei kikau kwei bipek ammani kep. Gima rino diya diyati dini biditri tut mun di dingat bou diyai him bak tungwatu yahagom bitut yo di inyeng jei kin yo di ibon inyeng bi. Nihyet di tibim ei duhui him dem igbit mun di nabi nya kin Musa ipai sut mipek kep mem nye.

KISAH 3:16

Disut bat jen, jingat mun di pek kep mem no di nimig lit dini bou jiyai him. Noni yai nisindemti bikei hanyen tirigi ba ningon com Yesus kin Nide nisindemti. Noni kei hanyen ei jahagom joho bei lewo ba ningon com Yesus.

KISAH 3:18

Allah mbot kep nihyet tug hon nabi nya yahagom yuhui him mimbrek ngan tu bipai ‘Nibou Ndig di teu tungwatu biyai niyaijo nijep biyok di dipreu ei mem yok miyai ninghuisi wei.’ Nok rino Allah bindei ba, mun dini yok hagom cut igkep Yesus tu.

ROMA 10:11

Allah Nihyet pai “Tungwa tou rino ba ningon com Noni ne ningon ngkwei leu bi sren.”

ROMA 3:21

Noro tini bu ne Allah ndo puig di bie tut tungwatu nya ndam ingon di kwes kin Noni brei binye tu lo, puig dima kriau Puig Yahudi ningginausi nya. Srat nya di Musa kin nabi nya ipas kep mbot kep tut munhyet dima.

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

ROMA 8:34

Gima rino tou rima pai sut nyeni bipia ingon mui i? Hi bi! Lewo Kristus mbrap gau nyeni ei Allah Noho bei! Noni ripo mai ei biei salibti he bi noro kiju hanyen leu nimai eisi biya kui Allah ninda com.

GALATIA 3:22

Noro bit leu nok gi ipas ei Allah nihyetti bipia tungwatu dihyeisi dini hagom ide sisar om kep yok. Gima rino yo di ingon jo kep Allah iba yo kep mun di Noni preu ei mem yok tug hon ide niba ningon com Yesus Kristusti.

EFESUS 1:7

Lewo Allah kwek nye leu sisar tug hon Kristus nimaisi leu api bindei kos ser ide sisar.

KOLOSE 1:14

Allah Nipmot kwek nye leu mun di kat nye di bindo tut nikos ser ide sisarti.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

PETRUS GI NIGOM 1:11

Yoni inyohou pigot bram nimbot kepti kin tto bou mem nipek kepti tug hon Kristus Ninnei di ningat rin ei ingonti ningon kanti. Lewo Kristus Ninnei nyohou pingok ingonti tut nijam dino Kristus miyai ninghuisi wei kin nikei-kau-keisi ei niabiati bu.

NINGAT-HI-NGAT NYA 19:10

Leu api doom da ei malaikati noho bei ba, dipi bidikuk da bak noro noni srep “Ayai nok au! Akuk na bida au! Noro ma akuk na bak Allah Nongkom! Dani ne awak rin noyam kin nani kin asut bat di ikrau kep nihyet di nijit di Yesus mbot kep tut.” Lewo nihyet di nijit di Yesus mbot kep tut sindem tut yo di itri tut Allah ningon kanti nya.