KISAH 10:35 - ALLAH NIHYET MEM TUNGWATU NYA

³⁵ Mbro nok gino tungwagom nimbier kim timiei dihyeisi dini lo, no di kuk no bak Allah ba, niyai munti nya hagom kei bibor cem ne Allah joi sut noni.

KISAH 10:35 ပူးပေါင်းရင်းမြစ်များ

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

MAZMUR 111:10

Suar no di kinyon ei niyai ningon kiti ttin tut tuhan bibie. Noni yai ningon di huk niti bak yo di ibit nihyet yahagom. Ma jinggei sut tuhan bijo nijam jei!

MAZMUR 19:9

tuhan nidimigsi dima ne dem kei ba, bindei yo di yahagom di ibit nya ingon llei bibor. tuhan nimbrap tutti nya ne kwes-kwau ba, bindei tungwatu nya ingon dor niti.

MAZMUR 85:9

Dimiap kep tuhan Allah Nihyet di tibim kwei. Gino nyeni ingkwei hanyen bibon kep sisar bu bi lene Allah preu sut nibong kei nigwam keisi binye di inok Nide limwa nya.

NIPINGOK NINGONTI 1:7

Gino tungwatu nya ijoi sut ningon kiti di nijit lene ma ikuk yok bak tuhan bittin tut Noni bibie ug e. Lewo yo di ingkek ndok nya irok ningon kiti ba, ikou sut gino hi ngginau yok.

NIPINGOK NINGONTI 16:6

Allah mikos ser ade sisar gino angon gom tut Noni. Noni micuon igyaisi leu binhyepo mun di kinei bibor cut igkep yok bi.

NIPINGOK NINGONTI 2:5

Tug hon nisinati dima lene angon midorti tut nittin tut tuhanti ba, ma ayai ningon di kan tut Noni.

NIPINGOK NINGONTI 3:7

Ma aba angon bisrip huk bipia angon ki dor njiriek mun di igbit mem na au. Abit tuhan nihyet ba, ambres nanti leu mun di kinei hagom.

NIBA NINGON SRIP HUKTI 12:13

Tirigi dibinai sut hagom bidem leu lene nirop ninda ndigsi cuk nye “Ma jittin tut Allah Nongkom bijibit nicukti nya hagom. Lewo gima ne Allah ningon kanti mem nye di tungwatu nya tirigi Noni pai tes nye ri.”

HOSEA 8:13

Ijoi sut ibon midut nindig mindhe ei nimbar hum dokti bibikuk yok biDa leu binhyepo igyem mindhe di ibui dima ninghui. Lo, Da di tuhan dingon kei sut ide midut di ibon biDa dima bi. Nogindini diyok ngon kep ide sisar ba, midikes hukum ei yok dip drek dip. Midipinak yok hanyen ug ei minu Mesir!

LUKAS 1:28

Malaikati dima coi ug ei ig bei bingat Maria bipigo “Na di sop di Allah singat tut na ba, ningat rin bit na e, acem!”

KISAH 10:2

No dini kin nide ig bei nsi nya yahagom iba ingon gom bikuk yok bak Allah. Noni singat tut mben Yahudi di yuhui mbum nya bingat nadi bak Allah bikwop njap ngwa hagom cem.

KISAH 10:28

Lene noni pai biyok “Jo nibreisi mem je bipia mben Yahudi ide nicukti ggai ser nye bipai bipia harin dima nuug cem kep ngkiai nya ide ig ba, nisrig ikieti cem a. Noro Allah pingok dingonti leu binhyepo dimbus nggok tungwatu nya ba, dingat bihi nok yo di nirom kuisi au.

KISAH 15:9

Allah mig mbus nyeni kin yoni ter leu yam bi. Noni yai ingon kwes kei tug hon ide niba ningon com Noniti.

KISAH 9:31

Hon kep njap dima kui lene yo di inggre kin mbusyamei ei hanjop Yudea kin Galilea kin minu Samaria nya yahagom ibong kei igwam kei. Yoni igyai nisindemti hi kin bu ba, imangti ningot ndig bikum yok bu tug hon nisindemti leu Allah Ninnei. Ba, gima hagom tug hon ide niba ningon gom bikuk yok bak Tuhanti.

ROMA 2:13

Lewo Allah bibon tungwatu nya ingon kwes kin Noni drek dip ingon di dor nicuk mben Yahuditi dima he bi. Noro drek dip gi ibon mun bit leu nok nicukti dima nicuk yoti.

ROMA 2:14

Ngkiai nya ingon dor Allah nicuk mben Yahuditi dima bi. Noro gino ibon mun bit leu nok nicukti dima nicuk yokti kin gi ibisinggre bit leu yonti ingon kanti ne mbro nok gino ingon dor Allah nicuk mben Yahuditi dima bi lo, ingon di huk niti mbot kep tut mun di kei kin mun di kinei biyok tu.

ROMA 3:22

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

KORINTUS GI NIGOM 12:13

Nok gima tut nyeni yahagom cem. Mben Yahudi kin ngkiai nya ba, awak nya kin yo di igyai inyeng nya cem yahagom igyai nitur nye ei minyeiti di bindei ba, ibicim tindei Kristus tug hon Allah Ninnei gom dima. Allah bindei ba, Allah Ninnei gom dima coi kwei ei nyeni yahagom ingonti tu.

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

EFESUS 5:21

Ma jiba jibou coi mem yam bicim tindei gi jibikon Kristus ninyeng a.

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

KOLOSE 1:6

Allah nihyet dima no kieng kep dihyeisi dini apino tungwatu nya igyai mun di kei di ntun nihyet dima him noyam kin mun di kei di jeni jiyai mpe di jimiap tut Allah nisingat tut jeti habiei ei nimbie him. Leu api nisingat tut jeti nyohou pingok ei jingonti kikau kwei bipek ammani kep.

KOLOSE 3:11

Gi ntun mun dima him ne tungwatu nya ter leu yam bu bi ri. Mben Yahudi kin ngkiai nya titer leu yam bu bi. Yo di icoi bit midut sunat kin yo di icoi bit midut sunat bi kin ngkiai nya kin yo di isingat bi nya kin awak nya kin yo di igyati kwes cem yahagom titer leu yam bu bi. Kristus Nongkom bon ninyeng dor njiriek mun nyeng hagom ba, Noni nok gom kin nyeni yahagom!

YOHANES GI NIGOM 2:29

Jikan tut bipia Kristus yai mun bibit leu Allah ningon kanti mem Noni. Gima rino ma jiyok ngon kep bipia bikwop no di yai mun bibit leu Allah ningon kanti ne Allah nimunggwom ri.