KISAH 10:33 - ALLAH NIHYET MEM TUNGWATU NYA

³³ Gima rino disok dihyet haninyai hwou ndam na di Andigpoi a. Jo nibreisi bipia angon nggriu sut nye jit-jau lewo akwei su. Nogindia nahagom ninduk yam kwei ei Allah niyai him biningon ya mem nihyet di Allah mipai tug hon na di Andigpoi ahui him.”

KISAH 10:33 ပူးပေါင်းရင်းမြစ်များ

NIBOHON MBEN ISRAEL GI NICAN 30:12

Nok gima cem Allah pingok ei timiei Yehuda nya ingonti bibindei ba, yahagom ingon gom tut gi ibit Allah ningon kanti mungkun kei tug hon gi ibit nibou ndig kin yo di igya kui noni icuk yokti dima.

NIPINGOK NINGONTI 1:5

Tug hon nipingok tungwatuti nya dini yok mibindei ba, yo di ingon ki nya mikum ei ide ningon kiti lene bie tut yo di ipikor nya cem.

NIPINGOK NINGONTI 18:15

Yo di ingon ki nya inggobiau sut nintin kimboti ba, ita ibou ei nipikor tut ningginausi.

NIPINGOK NINGONTI 25:12

Nisok kepti di no di ningon ki bipingok hiter di nitingou dile ningonti nibok kak bibor dor njiriek srak kin miep di iba mas di pimbai kei bibon.

MATIUS 18:4

No di nim kep ningonti binok munggwom mien dini ningonti ne ninyeng jei dor njiriek nindigsi nya ei Allah Ninyeng Tak Kepti.

MATIUS 19:30

Noro yo di imang bibor di igya bibie ei nijam dini miyoom yok bigya ei nohon keti. Yo di imang bibor di yoom yonti bigya ei nohon keti ei nijam dini mikwei ya bibie mem nindigsi nya.”

MARKUS 10:15

Ma jiyok ngon kep gini! Gino jiya um Allah noyam kin munggwom dini yok bi lene bit bon jinggre kin Allah Ninyeng Tak Kepti bi.”

KISAH 10:32

Ma apinak tungwahi ug ei minu ndig Yope leu binhyepo noni nggok ser Simon Petrus. No dima bong bit Simon nikak mindhe-ndhe ngkek cig ei nide ig bei ei muk nintig dip.’

KISAH 10:34

Lene Petrus pai biyok “Nogindini dikan tut mungkun bipia Allah mbus nggok tungwatu nya bi.

KISAH 28:28

Leu api Paulus pai nihyet gi ningwigsi bitak kep biyok “Ma jiyok ngon kep bipia nogindini nihyet tut Allah di teu tungwatu nya leu sisar dima tibim ug ei ngkiai nya itingou nsi tu. Yoni mibit nihyet dima!” [

KORINTUS GI NIGOM 3:18

Ma jikrau tunggwei jingonti au. Gino jigom ba ningon di ki di ntun dihyeisi dini him ba, binai nibou ngwakti bisrip huk bipia ningon ki ne ma noni om nonti tereu nok no di ningon mbum. Tug hon nisinati dima ne noni miyai ningon di ki di nijit-jau.

GALATIA 4:14

Mbro nok gino ninggwen di hwen da buhun tak je lo, jiyai ttin da bijirok da ei bi. Noro jicigit da noyam kin jicigit Allah de malaikati kin Kristus Yesus Nonti.

NINDAT KEP TUHAN NICUKTI NYA 30:13

Nicuk jeti dima jo minu ting ei muk ngeisi nite dima ug cem bi. Jihig yam ‘Tou sigon muk ngeisi biyai nicukti nya kwei mem je leu binhyepo jimiap nihyet ba, jibit nihyet i?’

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

YAKOBUS 1:19

He disut bat di dingon kieti jen, ma jiyok ngon kep dihyet bipia suar bikwop tungwagom-gom bipbur ba, nitingou dile noro nyohou yai sut nimbrapti. Ma ningon sibui sut tungwatu nya au.

YAKOBUS 1:21

Gima rino ma jicom mun di biyai jingon rom kin mun di kinei di rap je nya. Ma jiba jibou coi sut Allah kin nihyet di Noni ndim ei jingonti lewo nihyet dima sindem mem gima teu je leu sisar biyai niyaijo nijep bije.