KISAH 10:32 - ALLAH NIHYET MEM TUNGWATU NYA

³² Ma apinak tungwahi ug ei minu ndig Yope leu binhyepo noni nggok ser Simon Petrus. No dima bong bit Simon nikak mindhe-ndhe ngkek cig ei nide ig bei ei muk nintig dip.’

KISAH 10:32 ပူးပေါင်းရင်းမြစ်များ

NIBOHON MBEN ISRAEL GI NICAN 2:16

Nyeni miniwim buom leu nungug him ei Libanon bidem nimangti di Na Di Andigpoi asuar mem ig dima. Leu api miningot kin yam nok arreren ei muk ngwa dip leu binhyepo ade limwa nya ibri bigwam dip bitig minyei tut kikau ug ei minu ndig Yope. Leu api ipian leu Yope kikau ug ei minu ndig Yerusalem.”

MIKHA 4:2

bipai cuk yam “Jikwei ba, ikui ug ei tuhan de nungug tou kin Allah mben Israel De Ig cem! Noni mingginau nye tut ningon kanti mem nye leu api ikak puig di Noni tin mem nye lewo tuhan nipingok tungwatu nyati tibim kwei leu minu ndig Yerusalem ba, Noni ya ei mbigdip Sion bimbrap bit Nide limwa nya.”

YOHANES 18:28

Yo dima yehei sut Yesus leu Kayafas de ig bei bibuwak Noni ug ei nibou hanjop nsi dima nide ig nibou ndig mem gwam ntuisi. Noro nibou mben Yahudi icoi kikau ug ei nibou dima nide ig bei bi. Gi nok lene map kui yok apino bit bon iba ide ninghuisi kwes-kwausi biyem pesta kep Njap Ndig Paskah bit leu ijoi sutti kan bi.

YOHANES 4:9

Lene misop dima buhup “Andigpoi e, Nani ne mben Yahudi lene dani ne mben Samaria. Nggon rino ahara da tut minyei mem gima adut i?” (Buhup nok lewo mben Yahudi inghek mben Samaria.)

KISAH 10:31

Noni pai bida ‘Kornelius e, Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

KISAH 10:33

Gima rino disok dihyet haninyai hwou ndam na di Andigpoi a. Jo nibreisi bipia angon nggriu sut nye jit-jau lewo akwei su. Nogindia nahagom ninduk yam kwei ei Allah niyai him biningon ya mem nihyet di Allah mipai tug hon na di Andigpoi ahui him.”

KISAH 10:5

Nogindini ma apinak ade awak nya ibou poi biyuug ei minu ndig Yope leu binhyepo ihig Simon kwei. No dini ninyeng titut yam rino Simon Petrus.

KISAH 11:14

Noni mitri tut nihyet di bindei ba, nani kin ade ig bei nsi nya jahagom jiyai niteu leu sisarti kin niyaijo nijep.’ ”

KISAH 11:3

Ipai binoni “Nggon rino aug bong bit yo di igyai midut sunat bi dima ba, ayem njita bit yok i?”

KISAH 15:7

Iba ighyet bidahat yam ninno tu lene Petrus kiju biya lene pai biyok “Disut bat jen, jikan tut bipia Allah dimig da leu jikieti nipou su leu binhyepo ditri tut Nihyet Di Kei bak ngkiai nya apino yoni cem imiap nihyet ba, ingon jo kep Yesus.

KISAH 16:9

Himmun di ingat rin ei Troas lene Paulus ngat-hi-ngat bingat lo, timiei hanjop Makedonia gom tau hak biya ei Paulus noho bei lene hara noni “Akwei ei Makedonia ba, ampu nye o!”

KISAH 9:43

Petrus bong ei minu ndig dima njap poi bu bit tukan di ninyeng Simon di tukan nikak mindhe-ndhe ngkek cig.

KISAH 9:6

Akiju ba, aya lene ma aug ei minu ndig dima leu api tungwagom mipingok na tut mun di ayai yo.”