KISAH 10:28 - ALLAH NIHYET MEM TUNGWATU NYA

²⁸ Lene noni pai biyok “Jo nibreisi mem je bipia mben Yahudi ide nicukti ggai ser nye bipai bipia harin dima nuug cem kep ngkiai nya ide ig ba, nisrig ikieti cem a. Noro Allah pingok dingonti leu binhyepo dimbus nggok tungwatu nya ba, dingat bihi nok yo di nirom kuisi au.

KISAH 10:28 ပူးပေါင်းရင်းမြစ်များ

YESAYA 65:5

Imbrua ser tungwatu nya bipai ‘Jiya bileu nye bijingget nye au! Nimbres nye leu je lewo nikwes-kwau!’ Noro diyai ngkek ttin yok bidingon mpo tut yok! Dingon sibui sut yokti dem kep nok hum di sror di imu hanyen kan bi.

MARKUS 7:2

Yoni ingat lo, yo di igya kui Noni ipiap inda bit leu Puig Yahudi nidimig sutti leu api igyem njita bi.

LUKAS 18:11

Farisi kiju biya ter lene nggei-nggwang tut nonti bipai ‘Allah e, dipai sigyo biNa lewo dinok yo di igyem kep hiter imuhup kin yo di iris igkei nya kin yo di icut tut sop nya kin no di ya tindei belasten biyem tungwatu nya imuhup dima bi.

YOHANES 18:28

Yo dima yehei sut Yesus leu Kayafas de ig bei bibuwak Noni ug ei nibou hanjop nsi dima nide ig nibou ndig mem gwam ntuisi. Noro nibou mben Yahudi icoi kikau ug ei nibou dima nide ig bei bi. Gi nok lene map kui yok apino bit bon iba ide ninghuisi kwes-kwausi biyem pesta kep Njap Ndig Paskah bit leu ijoi sutti kan bi.

YOHANES 4:27

Yesus pai nok rino yo di igya kui Noni ittau hanyen kwei bingat lo, No mbrap bit no di sop leu api inga leu tut. Noro hi gi hig ser no di sop “Ahig ser Yesus tut mindei i?” Hi gi hig nok bi. Lene igihig ser Yesus “Nggon rino ambrap bit no di sop dini i?” Nok cem bi.

YOHANES 4:9

Lene misop dima buhup “Andigpoi e, Nani ne mben Yahudi lene dani ne mben Samaria. Nggon rino ahara da tut minyei mem gima adut i?” (Buhup nok lewo mben Yahudi inghek mben Samaria.)

KISAH 10:29

Gima rino tirigi na di Andigpoi asok ahyet hwou mem da lene dingon buhun tut gi dikwei cem kep na di Andigpoi bi. Gima rino nogindini dihig ser na tut nggon rino ahig da kwei i.”

KISAH 11:9

Noro nihyet dima tibim hanyen kwei leu mpia-bbed him bipai ‘Tut mun di Allah pai sut bipia dia-diau ne ma ajem nok mun di nirom kuisi au.’