KISAH 10:24 - ALLAH NIHYET MEM TUNGWATU NYA

²⁴ Njapti kui bu lene Petrus nya yuug krau minu ndig Kaisaria. Mpe dima lene Kornelius cem kep puig ser ikweisi binduk nide bat nya kin nisut bat di ingon ce yam bi nya yahagom ba, ikwei dem yam ei su.

KISAH 10:24 ပူးပေါင်းရင်းမြစ်များ

YESAYA 2:3

Yahagom mipai cuk yam bipai bipia jikwei ba, yahagom ikui ug ei tuhan De Mbigdip ba, ikui ug ei mben Israel ide Allah De Ig. Noni mingginau nye tut mun di suar igyai kep nya. Nyeni mibit puig di Noni ndo binye lewo tuhan nipingok nyeti nya kwei leu minu ndig Yerusalem. Noni miya ei nungug Sion bimbrap bit nye.”

MIKHA 4:2

bipai cuk yam “Jikwei ba, ikui ug ei tuhan de nungug tou kin Allah mben Israel De Ig cem! Noni mingginau nye tut ningon kanti mem nye leu api ikak puig di Noni tin mem nye lewo tuhan nipingok tungwatu nyati tibim kwei leu minu ndig Yerusalem ba, Noni ya ei mbigdip Sion bimbrap bit Nide limwa nya.”

ZAKHARIA 3:10

Tirigi njap dima dem lene tungwagom-gom minduk yo di ninttig-tta nya bikwei bingat ingwes ei nibong kei nigwam keiti ei jide miai ba anggur nghousi nya kin biei ara nghousi nya.”

MATIUS 16:13

Yesus nya yuug ei hanjop nsi di dideu minu ndig Kaisaria Filipi leu api Noni hig ser yo di igya kui Noni “Tirigi tungwatu nya ihig yam tut Munggwom Tungwatu Nipmot lene ipai sut Dani tou rin i?”

LUKAS 5:29

Mpe dima lene noni bon pesta nindig bibor ei nide ig mem Yesus ba, yo di igya tindei belasten bigyem tungwatu nya imuhup nindigsi nya kin yo di hiter imang bibor induk yam kwei ba, igwam bit Yesus bigyem njita.

KISAH 10:1

Mpe dima lene andigpoi di ninyeng Kornelius no rima ei minu ndig Kaisaria. No dini ninyeng tak kep tentara ibou sratus muhwindagom di ijem inyeng “Nimpung Italia.”

KISAH 10:27

Petrus mbrap bit noni bicoi kikau ug ei ig bei lene ngat lo, tungwatu ningot ndig idem yam ei su.

KISAH 8:40

Lene Filipus ngat lo, noni kwei krau minu ndig Asdod kros. Ba, noni tri tut Nihyet Di Kei bidem minu ndig nya hagom kak puig sinon kikau buug krau minu ndig Kaisaria kep.