KISAH 1:24 - ALLAH NIHYET MEM TUNGWATU NYA

²⁴ Lene ingat nadi bipai “Tuhan e, akan bidem tut mun di jo ei tungwatu yahagom ingonti. Gima rino ando igbit tungwagom leu ibou can dini igom di adimig ei su,

KISAH 1:24 ပူးပေါင်းရင်းမြစ်များ

NIBOU NDIG NYA GI NIGOM 8:39

lene ma angig atingou mem ighyet ei atimieisi ei gwamti. Akos ser ide sisar ba, ampu yok lewo Nangkom akan bidem tut tungwatu nya yahagom ingonti. Lene ma abibon tungwagom-gom bit leu nok niyai munti nya.

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NIGOM 29:17

Dikan tut bipia abingon tungwagom-gom ningonti lene angon kei sut yo di ingon sren nya. Diba dingon di sren kin dingon di gom bikwas mun dima yok hagom tut Na. Lene dingat bou diyai him bipia Ade limwa nya di idem yam ei mpia dini iba ingon di kei bittei mun di ikwas tut Nani tu.

MAZMUR 44:21

Gino nikuk nye bak Allah bu bi biningat nadi bak kwar nya,

MAZMUR 7:9

tuhan e, Nangkom di ambus tungwatu ingonti kan rin ba, akos tut mun di igbit bida. Lewo dibon mun tunggwei hi bi.

NIPINGOK NINGONTI 15:11

tuhan kan bidem tut mun di jo ei minu nimai nya ide bitut mun di pek kep ei sirima. Gi nok ne notou tungwagom miku ningon kanti nding leu tuhan niyai him i?

YEREMIA 11:20

Leu api dingat nadi bidipai “tuhan Di Sindem Bibor e, Nani ne nikei di ningon gom ri. Nani rino abingon tungwatu nya ikan-kan nyenti kin tungwatu ingonti. Dikes munhyet dini bak Nani. Nnaba abindei ba, dingat Ade nibuhup biyokti drek dip ide nibon munti dima yok bou diyai him.”

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

YEREMIA 20:12

Noro tuhan Di Sindem Bibor e, aba angon di sren-srau bibingon tungwatu nya lewo akan bidem tut mun di jo ei ingonti kin ibou ngwakti cem. Gima rino ma asindui sut ba, dingat yok bou diyai him tirigi abirop hanyen biyok drek dip igyai munti di mbuk bibor lewo dikes ditde munhyet ei andati tu.

MBEN ISRAEL IMBUT-MBUT NYEN 27:16

“tuhan di nok nibousi mem niyaijoti hagom ei dihyeisi dini e, dingat nadi leu binhyepo ando igbit no di mibie tut Ade limwa dini yok kan.

LUKAS 16:15

Noro Yesus pai biyok “Jindo jenti dem kep nok yo di ingon sren nya ei tungwatu nya igyai him noro Allah kan tut mun di jo ei jingonti. Lewo mun di tungwatu nya ikan bipia bon ninyeng rino bon ninyeng ei Allah niyai him bi.

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

KISAH 14:23

Paulus kin Barnabas ita nibou mbusyamei nya bidem ig mbusyamei niyati hagom lene iba nadi kin niyem njita bi mem nituti poi bikes yok ei Allah di nibou dima yok ingon jo kep nindati.

KISAH 15:8

Ba, Allah di kan bidem tut mun di jo ei tungwatu ingon bei ndo brei binye bipia Noni singat tut ngkiai nya tirigi Noni bindei ba, Ninnei srek kwei ei yoni cem ingonti bit leu nok Noni srek kwei ei nyeni cem ingonti nipou su.

KISAH 6:6

Yo di ingon jo kep nya ibuwak yo dini bindo yok bak yo di igya kui Yesus leu api yo di igya kui Yesus ikes inda ei ibou nggram him bingat nadi tindei yok.

ROMA 8:27

Leu api Allah di ngat mun di jo nding ei tungwatu nya ingonti kan tut Allah Ninnei ningon kanti lewo Noni ngat nadi bit leu Allah ningon kanti mem Nide limwa nya.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

SAMUEL GI NIGOM 14:41

Lene Saul ngat nadi bipai “Nye di mben Israel nyende Allah e, nggon rino abuhup dihyet njap di ammani bi i? Allah e, ma abuhup dihyet tug hon tig permata di kwes-kwau dini. Gino dani e, he Yonatan rino ningon mui e, lene ma abuhup tug hon Urim. Ne gino nyende limwa nya hi ningon mui lene ma abuhup tug hon Tumim.” Lene tuhan nibuhupti ndo tut Yonatan kin Saul. Gima rino ide limwa nya yahagom ingon ngun.

SAMUEL GI NIGOM 16:7

Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”