KISAH 1:2 - ALLAH NIHYET MEM TUNGWATU NYA

² kikau ug bipek njap di Allah kon Noni ug ei gwamti hanyen. Noro nipou tirigi Noni ug ei gwamti bigyo lene Noni pingok yo di igya kui Noni di mbus yok ei su nya ingonti tug hon nisindemti leu Allah Ninnei.

KISAH 1:2 ပူးပေါင်းရင်းမြစ်များ

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

YESAYA 48:16

Jikwei bijidideu Da ba, jimiap kep dihyet. Dipai brei habiei leu nipou pima kwei su lene dibindei ba, Ditde nipaisi nya pek kep bijingat bou jiyai him kikau tu.” Nogindini tuhan Allah pinak da kwei biyai Nide nisindemti bida.

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

MATIUS 12:28

Noro dijji ninnei rom nya tug hon nisindemti di kwei leu Allah Ninnei. Diyai munti dima ne mun di bindo bipia Allah Ninyeng Tak Kepti tau kep je tu ri.

MATIUS 3:16

Tirigi Yesus yai dimigyam tug hon minyei bikiju kui leu minyeisi lene mpia-bbed him kau kros leu api Noni ngat Allah Ninnei nok hakimoi di dwop juk bigwam ei Noni dip.

MARKUS 6:30

Yo di igya kui Yesus ingkwei hanyen ba, ipui sut mun di yoni ibibon kin ningginausi di itri tut bak tungwatu nya hagom biNoni.

LUKAS 24:51

Tirigi Yesus yai mun di kei biyok leu lene Noni kes yok leu bikui ug ei gwamti.

LUKAS 9:51

Son dideu tto bou mem Yesus kui hanyen ug ei gwamti lene Noni kos tut bipia ngkwei hanyen ug ei Yerusalem.

YOHANES 1:16

Nihyet dima nisingat tut nyeti bindei ba, Noni njei mun di kei binye sindam buug hon nohonti bi.

YOHANES 13:1

Njap gom nipou tirigi tto bou dem mem Njap Ndig Paskah bigyo lene Yesus kan tut bipia tto bou dem mem gima Noni ug leu dihyeisi dini bingkwei hanyen ndam Nicigya. Ningon ngakei Nide limwa nya ei dihyeisi dini biningon ngakei yok kikau ug bipek niyaijo ningwig honti.

YOHANES 13:18

Dikan igbit tut je di didimig je ei su. Dihyet di dibinut bu dini bitut jahagom bi. Allah nihyet pai ‘No di yem njita bit Da ham nimbuk kep Da.’

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 16:28

Nipou ne dikwei leu Dicig kwei ei dihyeisi dini. Tini bu ne dikes dihyeisi dini ei bidingkwei hanyen ug ei Dicig nidim.”

YOHANES 17:13

Jei bi ne dihwou ndam Na. Noro ditri tut dihyet dini hagom brei tirigi digwam ei dihyeisi dini leu binhyepo yo di ibit Da igyai Ditde ningon llei titut yam ei ingonti.

YOHANES 20:17

Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

YOHANES 20:21

Lene Yesus pai biyok mbigom kin bu “Ma jingon jo nyahan. Dicuk je ug ei dihyeisi dini noyam kin Dicig cuk Da kwei ei dihyeisi.”

YOHANES 3:34

No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.

YOHANES 6:62

Notou mem je gino jingat Munggwom Tungwatu Nipmot tirigi kui hanyen ug ei nitimieisi bou jiyai him i?

YOHANES 6:70

Yesus buhup “Dani ripo didimig jibou simnaibrimigcan pima bi e? Noro jigom ne nibou ninnei rom nya ri.”

KISAH 1:11

bipai biyok, “Je di mben Galilea e, nggon rino jiya hak bijitou kep mpia-bbed him i? Allah kon Yesus bikui ug ei gwamti leu joho bei. Noni mikwei hanyen tug hon nisinati di jingat bou jiyai him aponi dima yo.”

KISAH 1:13

Tirigi ikwei krau minu ndig Yerusalem hanyen tu lene icoi ug ei ig bei di ibong ser ba, ikui bidem yam ei ninsi di jo anai. Petrus kin Yohanes kin Yakobus kin Andreas kin Filipus kin Tomas kin Bartolomeus kin Matius kin Yakobus di Alfeus nipmot kin Simon Patriot kin Yudas di Yakobus nipmot ingat rin ba,

KISAH 1:22

habiei leu nimbie him tirigi Yohanes kinyon ei nitur tungwatu nya ei minyeiti kikau kwei bipek mpe di Allah teu Noni leu ikieti. Suar tungwagom di ngat Yesus nikiju hanyenti bou niyai him miba no bikum nyeni bu.”

KISAH 1:9

Niabiati Yesus pai nok leu lene Allah kon Yesus bikui ug ei gwamti bou igyai him kikau bingat ningat bu bi lewo bumbuhui ttou gom nggai kep Noni.

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

GALATIA 1:1

Srat dini leu da di Paulus. Diyai dinyeng no di ya kui Yesus tug hon gino tungwatu nya igya hacan mem da bita da nok no di ya kui Yesus bi. Noro tug hon Yesus Kristus kin Nicig Allah di win Noni hanyen leu nimai eisi.

EFESUS 2:20

Allah ba je di jinok ighyei bingot kin nikiou di yo di igya kui Yesus kin nabi nya iprion ei Kristus Yesus di tereu nok tig mma di bon ninyeng ri.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

IBRANI 9:24

Lewo Kristus coi ug ei Ninsi Di Kwes-Kwau di tungwatu nya ibon bou inda him di dat Ninsi di jo kikauti bi. Noro noni coi kikau ug ei gwamti biya ei Allah Noho bei leu binhyepo ya hacan mem nye.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.

PETRUS GI NICAN 3:2

Ditigtai je leu binhyepo jiyok ngon kep nihyet di tibim ei Allah de nabi nya yuhui him mimbrek ngan tu. Ma jiyok ngon kep Tuhan di teu nye leu sisar biyai niyaijo nijep binye nicuk jeti di tibim ei yo di igya kui Noni yuhui him.

NINGAT-HI-NGAT NYA 1:1

Yesus Kristus mbot kep tut mun di mipek kep mem tungwatu nya ei nidipti bu. Allah ndo mun dini yok hagom biNoni leu binhyepo Noni mbot kep tut hagom hanyen bak Nide awak nya. Kristus sok nihyet tut mun di mipek kep ei nidipti bu ei Nide malaikati dip bak Nide awak di Yohanes.

NINGAT-HI-NGAT NYA 2:11

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Bikwop yo di ibindei cut sisar nisindemti migyai ninghuisi wei tug hon nimai gi nican bi sren.”

NINGAT-HI-NGAT NYA 2:17

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti nya bigyem kep manna di jo nding pima poi mien. Midiyai tig tiei bitut ninyeng nijep di joti bibikwop yo dima yahagom lo, ninyeng dima jo nibreisi mem nindigsi nya bi noro mem no di ma nide tig he.”

NINGAT-HI-NGAT NYA 2:29

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”

NINGAT-HI-NGAT NYA 2:7

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti bigyem biei di bindei bigyai niyaijo ningat di hei ei Allah de Miai Biei Ngat Nghousi.”

NINGAT-HI-NGAT NYA 21:14

Ngug dima bon nikiou di nok hak nindig bibor nindak simnaibrimigcan ba, yo di igya kui Domba Pmot inyeng jo kin nikiou dima yok.

NINGAT-HI-NGAT NYA 3:13

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”

NINGAT-HI-NGAT NYA 3:16

Noro jingon mbroi he lewo jingkwei hanyen leu Da ba, jibrim jingkek mem Da bi. Gima rino midipio je leu dinsi hak ug!

NINGAT-HI-NGAT NYA 3:22

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”