KISAH 1:15 - ALLAH NIHYET MEM TUNGWATU NYA

¹⁵ Njap poi ser lene yo di ingon jo kep nya ibou sratus gom ningot can idem yam lene Petrus kiju bitri tut nihyet. Noni pai biyok,

KISAH 1:15 ပူးပေါင်းရင်းမြစ်များ

MATIUS 13:31

Lene Yesus ba nihyet nibiti nindati bingginau yok mbigom kin bu bipai “Allah Ninyeng Tak Kepti rinok tungwagom di ndim sawi ngan ei nide miai ngwoisi.

LUKAS 22:32

Noro Simon e, dingat nadi tindei na leu binhyepo ade niba ningon com Dati cut hacan bi. Tirigi angkwei hanyen ba, aya kui Da lene ma abiwin kep asut bat nya ingonti.”

YOHANES 14:12

Dipai nijit bije bipia no di ba ningon com Da miyai midyai noyam kin midyai di diyai nya. Ningat ne noni miyai midyai nindig bibor dor njiriek bu lewo duug gwam bit Dicigya.

YOHANES 21:23

Gima rino yo di ibit Yesus nindigsi nya isuglai biyam bipia no dima mimai bi sren. Noro Yesus pai sut no dima niyaijo kikausi bi. Noni pai hak “Gino dijoi sut bipia no dima niyaijo kikau ug bipek dikwei hanyenti lene ma aba angon srip huk munhyet dima au.”

KISAH 10:23

Gima rino Petrus cigit yok kui ig leu api ibit bong mem mmun gom. Njapti kui bu lene Petrus kiju bibit yok ba, yo di ingon jo kep nya ibou poi leu minu ndig Yope cem ibit.

KISAH 11:1

Lene yo di igya kui Yesus kin nindigsi di ingon jo kep nya bidem hanjop Yudea nisurti-nipekti imiap tut ngkiai nya inghapti bipia ijoi sut ibit Allah nihyet.

KISAH 11:12

Lene Allah Ninnei cuk da bipia ma dihig dingon eisi tut gino dibit yok au. Gima rino disut bat yo di ingon jo kep nya ibou muhwindagom leu minu ndig Yope cem ibit da ba, nuug ei minu ndig Kaisaria. Ba, nahagom nicoi ug ei Kornelius de ig bei ei minu ndig dima.

KISAH 11:26

Niabiati Barnabas um Saulus lene noni buwak noni bingkwei hanyen kwei ei minu ndig Antiokhia leu api ibong bit yo di inggre kin mbusyamei mem ari bingwam nitindur gom bingginau tungwatu imang bibor. Mpe dima cem tungwatu nya kindi ijem yo di ingon jo kep nya ei minu ndig Antiokhia inyeng Kresten.

KISAH 11:29

Gima rino yo di ibit Yesus ice tut yam hyet bikwas mitiei tut isut bat yo di ingon jo kep nya ei hanjop Yudea. Bikwop tungwagom-gom kwas mitiei bit leu nimati nya.

KISAH 12:17

Petrus kimut ninda kep yok ser nhyema imbrap au. Leu api noni pui sut notou Allah buwak noni biningwes ngun leu ig bui nsi. Lene pai biyok “Ma jipui sut mun dini bak Yakobus kin yo di ingon jo kep nindigsi nya cem.” Pai nok leu lene noni kes yok ei buug ei minu ttou nsi hi bu leu yok.

KISAH 14:2

Noro mben Yahudi di ikou sut ningon jo kepti nya ikes ingon kanti bak ngkiai nya leu binhyepo ingon sibui sut yo di ingon jo kep nya.

KISAH 15:1

Mpe dima lene tungwatu ibou poi ijo leu hanjop Yudea biyuug ei minu ndig Antiokhia ba, itri tut bak yo di inggre kin mbusyamei nya bipia gino igyai midut sunat bit leu nok Puig Yahudi nicuk yokti bi ne bit bon igyai niteu leu sisarti kin niyaijo nijep cem kan bi.

KISAH 15:3

Yo di inggre kin mbusyamei nya yehei sut Paulus nya ug ei minu ndig dima nisai. Leu api Paulus nya igya bidem hanjop Fenisia kin Samaria bitri tut bak tungwatu nya bipia ngkiai nya ingon jo kep Allah tu. Ighyet di itri tut dima bindei ba, yo di inggre kin mbusyamei nggi minu dima ingon llei bibor.

KISAH 16:2

Yo di mbusyamei ei minu ndig Listra kin Ikonium yahagom ijoi sut Timotius drek dip niyai munti nya di kei bibor.

KISAH 16:40

Paulus kin Silas yehei leu ig bui biyuug cem kep Lidia ei nide ig bei. Niabiati igwam bit yo di ingon jo kep nya ei mpia ttou nsi dima bibiwin kep ingonti leu lene Paulus kin Silas ikes yok bimbut leu yok.

KISAH 17:10

Yo di ingon jo kep nya ei minu ndig Tesalonika ipinak Paulus kin Silas ug ei minu ndig Berea mem himmun ndia. Tirigi yuug krau lene icoi ug ei mben Yahudi ide ig mbusyamei.

KISAH 17:14

Yo di ingon jo kep nya ei minu ndig Berea ibipbur bibuwak Paulus ug ei mukti noro Silas kin Timotius igwam nyahan.

KISAH 17:6

Noro ingat Paulus kin Silas bi. Gima rino ikri Yason kin yo di ingon jo kep nya ibou poi ug ei nibou nya yoho bei lene ibipai bipia “Yo dima ibindei ba, tungwatu dihyeisi dini yahagom ighyet ngwig kep yam. Nogindini ikwei krau ide minu dini cem,

KISAH 18:18

Gima ngwig lene Paulus bong ei minu ndig Korintus mem bed poi. Leu api noni kes yo di ingon jo kep nya leu lene bri kibar minyei bit Priskila kin Akwila nya biba kibar bitot minyei ngwa dip bingkwei hanyen ug ei hanjop Siria. Noro nipou tirigi noni bri kibar minyei ei minu mien Kengkrea bigyo lene noni kak nibou nta di bet bijei drek dip nipreu mun ei mem Allahti.

KISAH 18:27

Jei bi lene Apolos kos tut bipia mbut ug ei hanjop Akhaya. Gima rino yo di ingon jo kep Yesus ei ninu ndig Efesus impu noni bipas srat bak isut bat yo di ingon jo kep nya ei hanjop Akhaya leu binhyepo igya um Apolos. Tirigi noni ug krau hanjop Akhaya lene noni mpu yo di ingon jo kep Yesus tug hon Allah nisingat tut yokti dima nindig bibor.

KISAH 21:17

Tirigi nyeni nuug krau minu ndig Yerusalem lene yo di ingon jo kep nya iba ingon di llei bibor biya um nye.

KISAH 21:20

Imiap tut mun di Paulus kwop kep nya lene yahagom inggei sut Allah leu api ipai bak Paulus “Nikindig na e, angat bou ayai him bipia mben Yahudi ibou sribu-ribu ingon jo kep Yesus tu. Ba, yahagom ita ibou ei gima ibit Puig Yahudi nicukti nya cem.

KISAH 21:7

Nijo leu minu ndig Tirus binibitot minyei ug ei minu ndig Ptolemais. Nuug cem kep yo di ingon jo kep nya ei mpia ttou nsi dima. Nipigo yok binibong bit yok mem njap gom ngat.

KISAH 22:5

Dem tut gima Imam Nibou Ndig kin Nikei Puig Yahudi Nya cem itri tut bije bipia diris bije bi. Yoni ipas srat nisindemti bak isut bat mben Yahudi ei minu ndig Damsyik bikes ei dindati. Tug hon srat dima lene nibou dima yok isindui sut bidikat yo di ingon jo kep ningginausi nijep dima bidibuwak yok hanyen kwei ei minu ndig Yerusalem leu binhyepo nibou nya ikes hukum ei yok dip.”

KISAH 28:14

Nikinyon kibar ba, nuum yo di ingon jo kep Yesus ei minu ndig dima. Yoni icigit nye kui ide ig leu api nibong bit yok mem ari gom. Lene nikes yok leu lene nikak puig ug ei minu ndig Roma.

KORINTUS GI NIGOM 15:6

Leu api ndo Nonti bak yo di ibit Noni ibou sratus muhwi di induk yam ei gom. Yo dini imang bibor yo rinaha ba, igyaijo kikau kwei bipek ammani kep noro ibou poi imai leu su.

NINGAT-HI-NGAT NYA 11:13

Mpe dima ne dihyei ugwa-kwei nindig bibor lene minu ndig dima nittou nsi gom sar lo, nittou nsi muhwindatai jo nijoti. Ba, tungwatu nya ibou sribu muhwindacan cem imai bingwig. Leu api nindigsi nya idigit tut nindig bibor binggei sut Allah Di Sindem Bibor ei gwamti.

NINGAT-HI-NGAT NYA 3:4

Noro je di jinggre kin mbusyamei minu ndig Sardis jibou poi jinyohou jide sinsun ba, map kuisi bi. Yo dima idem mem ijuk sinsun di tiei kei bimbut bit Da.