IMAM NYA IDE MIDYAI 9:4 - ALLAH NIHYET MEM TUNGWATU NYA

⁴ Kin sapi nikre ningut gom kin domba nikre ningut gom mem nibon midut nibiyai ningon kwes kin Allahti kwei. Lene ma ibui mindhe dini yok hagom bitut roti di mini zaitun srigsi bak tuhan. Suar igyai hagom bit leu nok dicuk yokti lewo tuhan mindo Nonti brei biyok mem njap di ammani.”

IMAM NYA IDE MIDYAI 9:4 ပူးပေါင်းရင်းမြစ်များ

NEHEI LEUSI 16:10

Tirigi Harun mbrap bit mben Israel lene yahagom ikiek yoho ndam iggum ndigsi bingat lo, tuhan de nikei-kau-keisi piga kros ei bumbuhuiti kwei.

NEHEI LEUSI 19:11

leu binhyepo hon kep can lene yahagom itin ei su. Njap dima lene midijuk hwou ei Nungug Sinai dip leu api tungwatu nya yahagom mingat Da bou igyai him ei sirima.

NEHEI LEUSI 24:16

Lene tuhan de nikei-kau-keisi juk bipiga mbigdip dima. Bumbuhui pima nggai kep nungug dima kikau mem mmun-njap muhwindagom. Lene tuhan nihyet tibim kwei leu bumbuhui dima bihig Musa mem njap gi nimuhwindacan.

NEHEI LEUSI 29:43

Midiya um Ditde limwa di mben Israel ei sirima ba, Ditde nikei-kau-keisi mibindei ba, mpia dima kwes-kwau kei.

YEHEZKIEL 43:2

bidingat lo, nisieng-siausi di piga kei di bindo tut Allah Israel ningat di kwei leu nite bei mpia nipriti. Dimiap Allah nihyet di dem muk ndigsi tirigi tti tignam nibimbiti pimo. Lene Allah de nisieng-siausi bindei ba, dihyeisi dini piga kei.

YEHEZKIEL 43:27

Tirigi njap muhwindacan dima kes hon lene suar imam nya ikinyon ei nibon midut gi nindig mindhe-ndhe kin midut nibiyai ningon kwes kin Allahti. Leu api midingon kei sut jahagom. Da di tuhan Di Dinyeng Jei Bibor disimbot dat tu.”

IMAM NYA IDE MIDYAI 2:1

Gino tungwagom ba nide njita hi nok gandum ngat bikuk no bak tuhan lene ma noni kes gandum dima ei tig gilingti bibon nok tepun. Lene ma noni ttin ampou tut mini zaitun bikiber hi eisi leu api ba biei nggrai di ui-gwang kei poi mien bigimahap nidip.

IMAM NYA IDE MIDYAI 3:1

Tirigi tungwagom ba sapi ningut gom bikuk no bak tug hon nibon midut nibiyai ningon kwes kin Allahti lene ma noni jem nikre e, he niwek di bok-ba bi e, kwei.

IMAM NYA IDE MIDYAI 9:23

Lene Musa kin Harun icoi ug ei tuhan De Prak Meng lo, mpe dino yehei hanyen kwei lene ingat nadi tindei mun di kei mem ide limwa nya bu. Mpe dima lene mben Israel yahagom ingat tuhan de nikei-kau-keisi brei bou igyai him.

IMAM NYA IDE MIDYAI 9:3

Lene ma acuk mben Israel bipia ijem ide kambir nikre ningut gom kwei mem nibon midut nibiyai nikos ser ide sisarti kin sapi nehen pap ningut gom kin domba mien ningut gom ba, hacem ide njap ug ei ari bingwam gom ba, ibok-ba bi kwei mem nibon midut nindig mindhe titut kep hum.

IMAM NYA IDE MIDYAI 9:5

Lene mben Israel igyai hagom bit leu nok Musa nicuk yokti. Ijem mindhe-ndhe nya kwei bigya kui dimbou hui ei Prak Meng leu api yahagom idem yam ei sirima leu binhyepo ikuk yok bak tuhan.

IMAM NYA IDE MIDYAI 9:6

Lene Musa pai biyok “tuhan cuk je bipia ma jiyai mun dini yok hagom leu binhyepo jingat Nide nikei-kau-keisi brei bou jiyai him.”

MBEN ISRAEL IMBUT-MBUT NYEN 14:10

Noro mben Israel yahagom igyok ingon gom mem gima iba tig bihwen yo cin dima bimai hak ug. Lene tuhan de nikei-kau-keisi piga kros ei Nide Prak Meng bou mben Israel yahagom igyai him.

MBEN ISRAEL IMBUT-MBUT NYEN 16:19

Noro Korah nduk yo di itti kin noni yahagom ba, idem yam bigya kui dimbou ei tuhan De Prak Meng nuhui nipou su ba, iba yoho rok Musa kin Harun. Haninyai nipigati di nggai kep tuhan ningat piga mpia dima kros ba, Nide limwa nya yahagom ingat gima brei bou igyai him.