IMAM NYA IDE MIDYAI 7:16 - ALLAH NIHYET MEM TUNGWATU NYA

¹⁶ Gino tungwagom jem nide mindhe kwei mem nibon midut nibiyai ningon kwes kin Allahti drek dip mun di noni preu ei tug hon gi heng ba, yai mikuisi cem lo, noni yem kep mikwau dima hagom mem njap di imam bui mikwau dima bindig kep hum bingwig bigyo leu api yem niken mem njap di hyep bu lene dem.

IMAM NYA IDE MIDYAI 7:16 ပူးပေါင်းရင်းမြစ်များ

MAZMUR 116:14

Midiyai mun di dipreu ei mem Noni ei Nide limwa nya yahagom yoho bei.

MAZMUR 116:18

Midiyai mun di dipreu sut ei bak tuhan ei nide limwa nya yahagom yoho bei,

MAZMUR 66:13

Midijem mindhe mem midut nindig mindhe titut ei humti kwei ei Ade Ig ba, dibiyai mun bipek kep mun di dipreu ei mem Na nipou su.

NEHEI LEUSI 35:29

Bikwop yo di ingon huk niti yahagom ipwoi mun di ikwas tut tuhan kwei leu binhyepo tukan nya iba mun di ikwas dima biyai midyai bit leu nok tuhan nicuk Musati tu.

NIPINGOK NINGONTI 7:14

“Njap di ammani ne dibon midut nibiyai ningon kwes kin Allah ba, dibindig mindhe ei humti bidipwoi mikwau niken kwei ei ig bei tu.

YEHEZKIEL 46:12

Gino nibou ndig joi sut kwas munkwas mem midut nindig mindhe titut kep humti kin midut nibiyai ningon kwes kin Allahti bit leu nijoi sutti bak tuhan lene suar ikau dimbou pmem di birok kik mpia nipriti di jo bei mpia di jo bas hak gi ninsi mem noni. Suar noni bon midut dima noyam kin midut Njap Nigwam Kep Ninghuisi leu api hei hanyen. Ma jinggam mbou pmem dima hanyen ei ninghim dip.”

IMAM NYA IDE MIDYAI 22:23

Tut mindhe di jibui bijindig kep hum bit leu jijoi sutti ne nok gino jikwas gi nitta wer kei lai-lai de lo, dwai. Noro gino jiba neheng di buhun bikuk je bak tuhan lene Noni mice tut mindhe di nok gima bi sren.

IMAM NYA IDE MIDYAI 22:29

Gino jijem mindhe di jibui kep nibon midut nibipai sigyo bak Allahti lene ma jibit nicukti di jo tu. Leu binhyepo tuhan ningon micut hon mun di jibui dima.

IMAM NYA IDE MIDYAI 23:38

Njap ndig dini yok ter leu jide Njap Nigwam Kep Ninghuisi nya. Nibon midut dini yok ter leu mindhe-ndhe nya di jibui biDa bikwop njap-njap kin mun di jipreu ei mem Da tug hon neheng kin mun di jiyai biDa mikuisi.

NAHUM 1:15

Angat i! Dipinak tungwagom di kak puig ei nungug him kwei ba, mikwei sut nihyet di kei. Nihyet di kei dima bindei timek siceu nya. Timiei minu Yehuda e, ma jibon midut kep jide njap ndig ba, jigo jide nitto ei mem Allahti. Yo di isibut nya minyeng tak kep jide minu bu bi. Lewo itimek bingwig bibor bihigom tu.

MBEN ISRAEL IMBUT-MBUT NYEN 15:3

Ma jiba sapi nikre kin domba nikre kin domba pmot nikre kin kambir bikuk je bak tuhan mem nibon midut nindig mindhe titut kep hum kin nibon midut nibigo nehengti kin nibon midut nikwas mun mikuisi tut Allahti kin nibon midut di jibon kikep ngan-nganti nya. Lene mikwau di jindig dima ngge kei bipwoi tuhan ningona.

NINDAT KEP TUHAN NICUKTI NYA 12:11

tuhan di nok jide Allah mindo minu ttou nsi gom ngat lene ma jikuk je biNoni ei sirima. Lene ma jittei mun di dicuk je tut hagom ei sirima. Nok mindhe-ndhe di jindig kep hum ei nimbar hum dokti kin mindhe-ndhe mem nibon midut nindigsi nya kin mun di jikwas gom leu ningot gom lene nok kin mun nindigsi di jikwas tut Noni kin mun di jipreu ei mem Noni nipou su nya hagom.

NINDAT KEP TUHAN NICUKTI NYA 12:17

Ma jiyem mun di jipigig sut ei mem tuhan ei jide biyati kin jide minu au. Nok jide gandum kin ba anggur ningei kin mini zaitun di jikwas gom leu ningot gom lene nok kin mun di jihyen kep nipmot bou nya cem mun di jipreu ei mem tuhan nipou su kin mindhe-ndhe di jikwas tut Noni mikuisi kin mun nyeng hiter di jikwas.

NINDAT KEP TUHAN NICUKTI NYA 12:26

Ma jittei mun di jipigig sut ei kin mun di jikwas tut tuhan di jipreu ei mem Noni ba, juug sut ug ei minu ttou nsi gom ngat di Noni ndo ei su.

NINDAT KEP TUHAN NICUKTI NYA 12:6

Ma jibui mindhe-ndhe nya bijindig kep hum ei nimbar hum dokti. Ma jibui mindhe-ndhe nya tug hon nibon midut nindigsi nya leu api ma jikwas gom leu ningot gom, gom leu ningot gom lene nok. Ma jikwas mitiei nindigsi kin mun di jipreu ei mem tuhan nipou su kin jide mun di jihyen kep nya nipmot bou nya tut tuhan ei minu ttou nsi gom ngat dima he.