IMAM NYA IDE MIDYAI 7:12 - ALLAH NIHYET MEM TUNGWATU NYA

¹² Gino tungwagom mipai sigyo hanyen tug hon nibon midut dini lene ma noni jem mindhe ningut gom bitut roti di roti ninjep srigsi bi kwei. Roti dima ne roti nindak di mini zaitun srigsi kin roti di dile di noni ba mini zaitun bibijos nidip kin roti nyop di mini zaitun srigsi cem.

IMAM NYA IDE MIDYAI 7:12 ပူးပေါင်းရင်းမြစ်များ

NIBOHON MBEN ISRAEL GI NICAN 29:31

Gima leu lene Hizkia pai biyok “Jahagom jidimig jenti pijum ei mem tuhan tu. Gima rino suar jittei kep mun di mem nibon midut nindig ei nimbar hum dokti kwei ei tuhan De Ig dini leu binhyepo jibipai sigyo bak Noni.” Leu api yo di idem yam ei su yahagom ittei mun di ikwas tut tuhan kwei. Nok gima cem bihi ijem ide mindhe-ndhe mikuisi hak bit leu ingon joi sutti kwei mem gima ikwas ba, ibibon midut nindig mindhe-ndhe titut ei humti bak tuhan.

NIBOHON MBEN ISRAEL GI NICAN 33:16

Leu api Manasye nyohou kinding nimbar hum dok mem gima ibikuk yok bak tuhan hanyen. Noni bindei ba, iba mindhe-ndhe di indig ei nimbar hum dokti dima bibon midut nibiyai ningon kwes kin tuhanti kin midut njita nibipai sigyo bak Noniti cem. Manasye bidip huk timiei Yehuda nya yahagom leu binhyepo ikuk yok bak tuhan Allah Israel.

NEHEMIA 12:43

Njap dima ne ibui mindhe-ndhe ngot bindig ei nimbar hum dokti bak tuhan. Limwa nya igyai nillei lewo Allah bindei ba, ingon nggei-hi-nggei su. Sop nya kin munggwom nya cem ibit yok tut pesta dima lene ighyet di ibigyai nillei dima tibim ug ei minu ting bijo ninno.

MAZMUR 107:8

Suar yoni ipai sigyo hanyen bak tuhan tut ningon ngakei yokti di ug hon nohonti bi sren kin mindur nya di Noni bon mem yoni cem.

MAZMUR 116:17

Midibon midut nipai sigyo ba, dingat nadi bak Nani cem.

MAZMUR 50:23

Yo di ibon midut nibipai sigyo biDa yongkom ibikon dinyenga. Midindo Ditde puig di bie ndam niteu leu biningwes ngunti bak yo di ibit dihyet.”

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

IMAM NYA IDE MIDYAI 2:4

Gino tungwagom ba roti di noni kang ei komforti bikuk no bak tuhan lene ma roti ninjep srig tepunti au. Gino noni ba roti nindak bikuk no bak lene ma mini zaitun srigsi. Gino noni ba roti dile bikuk no bak lene ma noni ba mini zaitun bibijos nidip.

IMAM NYA IDE MIDYAI 2:5

Gino noni ba roti di noni kang ei komfor ninjek dip bikuk no bak lene ma mini zaitun srig tepunti noro ma roti ninjep srigsi au.

IMAM NYA IDE MIDYAI 22:29

Gino jijem mindhe di jibui kep nibon midut nibipai sigyo bak Allahti lene ma jibit nicukti di jo tu. Leu binhyepo tuhan ningon micut hon mun di jibui dima.

IMAM NYA IDE MIDYAI 6:16

Lene niken mijo mem Harun kin nipmot bat nya bigyem kep. Suar yoni ikang roti di roti ninjep srigsi bi dini bigyem ei mpia ttou nsi gom di kwes-kwau kui Ditde Prak Meng nuhui.

IMAM NYA IDE MIDYAI 7:15

Lene suar no di yai mindhe bak tuhan pima yem mikwau dima bingwig mem njap di imam bui mikwau dima bindig kep hum ei nimbar hum dokti. Ma noni bet mikwau niken hi ei mem njap di hyep au.

AMOS 4:5

Nnaba jikwas roti nok mun di jibikuk je biDa tirigi jipai sigyo hanyen tut Da hak ug. Nnaba jinsi bbet tut gi jipai mijikum ei mun di jibikuk je biDati hak ug. Jo nibreisi bipia jingon llei sut jide midyai dima!

MBEN ISRAEL IMBUT-MBUT NYEN 6:15

Suar noni ba tepun kin mini zaitun di roti ninjep srigsi bi bikang roti di kimor kin roti di dile di ba mini zaitun bidip leu api yok hagom ei bansi gomti kwei. Bitut gima lene ma noni pwoi mun di imam suar mem nibon midut njita nibipai sigyo bak Allahti kin nibon midut nisiber mini zaitun ei tuhan Noho bei cem kwei.

LUKAS 17:16

Lene ba ningwak bikik mpia ei Yesus nimig him bipai sigyo bak. No dini ne timiei minu ndig Samaria ri.

LUKAS 17:18

Nggon rino ngkiai dini nongkom ngkwei hanyen bipai sigyo bak Allah i?”

ROMA 1:21

Mbro nok gino ikan tut Allah lo, ikon ninyeng binok ide Allah bipai sigyo bak Noni bi. Noro ingon kanti nya ndei hammi mun di bon ninyeng bi ba, ingon di tindur mpung tut nidinditi.

EFESUS 5:20

Ma jiba ide Tuhan Yesus Kristus ninyeng bipai sigyo bak Icig Allah tut mun nyeng hagom di pek kep mem je bikwop mmun-njap.

IBRANI 13:15

Gima rino ma inggei sut Allah tereu nok midut nibikos ser sisarti tug hon Yesus. Iba midut dima binggei sut Allah tirigi ipai jit bipia Noni ne ide Tuhan ri.

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.