IMAM NYA IDE MIDYAI 7:1 - ALLAH NIHYET MEM TUNGWATU NYA

¹ Gini ne Ditde nicukti tut nibon midut nikum Allah de ningwam rin lewo nibon midut dini kwes-kwau bibor.

IMAM NYA IDE MIDYAI 7:1 ပူးပေါင်းရင်းမြစ်များ

NIBOHON MBEN ISRAEL GI NICAN 31:14

Ikon Kore di Yimna nipmot bindo midyai bak leu binhyepo su ninda mem munkwas di ibikuk yok bak tuhan biyok hagom keyam. Leu api mikwas tut tungwatu nya bu. Kore ntun keret Lewi him ba, noni rinok nibou mem yo di igya ser Dimbou Pmem Nite Bei Mpia Nipriti.

YEHEZKIEL 40:39

Meja bitai no jo ninsi ndig dima. Can jo nite hi lene can jo nite hi bu. Meja dima yok mem gima ibui mindhe-ndhe di indig kep hum ei nimbar hum dokti kin mindhe-ndhe di ibui mem midut nibiyai nikos ser sisarti kin mindhe-ndhe di ibui mem midut nibikum Allah de ningwam kin ide nitunggweisi cem.

YEHEZKIEL 44:29

Suar itug ndei mun di bahati tut yok tug hon midut njita nibipai sigyo bak Allahti kin midut nibiyai nikos ser sisarti kin midut nibikum Allah de ningwamti di ibon mem mben Israel bitut mun nyeng hagom di ide limwa nya ikwas pijum tut Da. Ba, gima yok hagom ne ide mun di bahati tut yok ri.

YEHEZKIEL 46:20

bipai “Suar imam nya ikwen mindhe di ibui mem midut nibiyai nikos ser sisarti kin mindhe di ibui mem midut nikum Allah de ningwamti ba, iba gandum bibon midut njita nibitin ei cem ei sirima. Igyai nok gima leu binhyepo ittei mun di kwes-kwau dima ninghui poi mien biyuug sut ug ei mpia di jo bas hak gi nisai bi. Leu gima bindei ba, limwa nya ingget biyuum mun di buhun.”

IMAM NYA IDE MIDYAI 21:22

Noro disindui sut ba, noni yem kep njita di leu nibon midut njita nibipai sigyo bak Allahti di kwes kin njita gi nitin eisi di kwes-kwau cem.

IMAM NYA IDE MIDYAI 5:11

Gino no dima ma ha tekukur can kin hakimoi mbrei can bi lene ma noni ug yai tepun kilo can kwei nok mun di biluei sisar dima. Lene ma mini zaitun kin biei nggrai di ui-gwang kei srig tepunti au. Lewo tepun dini mem nibon midut nibiyai nikos ser sisarti lene mem nibon midut njita nibipai sigyo bak Allahti pima bi.

IMAM NYA IDE MIDYAI 5:14

Lene tuhan yai nidimig sutti dini bak Musa.

IMAM NYA IDE MIDYAI 5:15

Gino tungwagom ningon bbwe lene yai mun di bikos ser nide sisar bak tuhan bi kin gi bisinggre bi lene ma noni jem domba e, he kambir nikre ningut gom e, kwei nok mun di noni ngkwei hanyen bak tuhan mem nibon midut nibiyai nikos ser sisarti. Lene ma mindhe dima nibok bit leu nok nibok di ice tut mem tuhan De Prak Meng.

IMAM NYA IDE MIDYAI 5:7

Gino no di bon sisar dima ma domba e, he kambir e, mem gima biluei nide sisar hi bi lene ma noni krau ha tekukur can e, he hakimoi mbrei can e, kwei. Haba gom mem nibon midut nibiyai nikos ser nide sisarti lene haba gom bu mem nibon midut nindig mindhe titut kep hum.

IMAM NYA IDE MIDYAI 5:8

Ma no dima krau ha dima hacem kwei bak imam leu binhyepo noni mikos ha gi nigom mem nibon midut nibiyai nikos ser sisarti. Ma imam sibui ha dima nikimam noro nibou ne mikos bittun leu au.

IMAM NYA IDE MIDYAI 6:17

Ma roti ninjep srig tepunti au. Lewo tuhan yai njita dini bak imam nya nok ide. Roti dini kwes-kwau bibor ba, noyam kin nibon midut nibiyai nikos ser sisarti kin nibon midut nibikum Allah de ningwam.

IMAM NYA IDE MIDYAI 6:25

leu binhyepo noni yai nicukti bak Harun kin nipmot bat nya tut nibon midut nibiyai gi kos ser sisarti. Suar niceu bui mindhe ei nite nimbar hum dok nite bei mpia nijjai hammi mpia ttou nsi di mem nibon midut nindig mindhe titut kep humti eisi. Lewo nibon midut nibiyai nikos ser sisarti dima kwes-kwau bibor.

MBEN ISRAEL IMBUT-MBUT NYEN 6:12

Lene ma no dima dimig nonti pijum hanyen ei mem tuhan nok no di nggre kin nimpung nazir hanyen bu. Lene ikwop nijam nazir di njiriek leu su pima bu bi lewo map di kui noni bidip tut tu. Suar noni jem domba pmot ningut gom di nide njap dem ari bingwam gom tu mem nibon midut nibikum tuhan de ningwam.