IMAM NYA IDE MIDYAI 6:27 - ALLAH NIHYET MEM TUNGWATU NYA

²⁷ Tungwatu hi e, he, mun mindei hi e, rino ngget mikwau di leu mindhe dini mitug midut drek dip lewo mikwau dini nikwes-kwausi sindem bibor. Gino ninggrom rus hi nide sinsun lene suar no dima tot sinsun dima ei mpia ttou nsi di kwes-kwau.

IMAM NYA IDE MIDYAI 6:27 ပူးပေါင်းရင်းမြစ်များ

NEHEI LEUSI 29:37

Abon midut dima bikwop njap kikau mem mmun-njap muhwindacan leu binhyepo bindei ba, nimbar hum dok kwes-kwau kei. Mun mindei rino ngget nimbar hum dok dima rinok mun di ikwas tut Da di tuhan. Tungwa tou rino ngget nimbar hum dok dima mitug midut drek dip lewo nimbar hum dok nikwes-kwausi sindem bibor.”

KORINTUS GI NICAN 7:11

Ma jibisrip tut ningat di kei di ntun jide ningon buhunti him bit leu Allah ningon kanti mem je i! Ningon buhunti bindei bijita jibou eisi ba, jibindo bipia jingon mui bi! Jingon sibui sut mun di cut igkep je bijikrau jingon tut mun di mibitimon je ei nidipti bu cem. Ba, mun dima bindei ba, jicem kep puig ser dihwousi bijibisau sut gi jimbrap gau da lene jikes hukum ei no di yai mun tunggwei dip cem! Ei nimbie him kikau kwei bipek ammani kep jindo brei bipia munhyet pima tug hon je bi.

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

MATIUS 9:21

Lewo noni kan “Gino singget Nide sinsun lene misikei hanyen.”

HAGAI 2:12

Gino tungwa hi yai mikwau ninghui nittou gom leu midut nindig mindhe ei nimbar hum dokti di ibikuk yok bak tuhan leu api krop sinsun nide binggai ei niti bittei buug sut leu api ba sinsun dima bingget roti kin njita di mui su kin ba anggur ngei kin mini zaitun ngei bidem njita nyeng hagom ne niyaisi dima bindei ba, mun di nide sinsun ngget dima yok cem hagom kwes kei e?” Tirigi Nabi Hagai hig ser imam nya tut lene ibuhup “E bi.”

IMAM NYA IDE MIDYAI 11:32

Gino mindhe-ndhe dini yok ingut hi cut bingget mun nyeng hi lene mibindei ba, map kui mun dimati. Mun di nok biei sra kin minyahas kin mindhe ngkek kin kron di tungwatu ikrau kep nya. Lene suar yoni itot mun dima ei minyeiti lo, map mikuisi kikau bibou mpia kimbas ug e.

IMAM NYA IDE MIDYAI 6:18

Roti dini mem Harun kin pinai di intun noni him di bram yam nya yongkom he igyem kep lewo ima roti di tungwatu igyai bak tuhan dini bijo ninno bijo kikau. Tungwa tou rino ngget roti nibon midut nibiyai nikos ser sisarti dini mitug midut drek dip lewo roti dini nikwes-kwausi sindem bibor.

NEHEI LEUSI 30:29

Adimig mun dini yok hagom ei tug hon nisinati dini apino mun mindei rino ngget mun di adimig ei dima rinok mun di akwas tut Da di Allah. Tungwa tou rino ngget mun di adimig ei dima mitug midut drek dip lewo mun di adimig ei dima nikwes-kwausi sindem bibor.

MATIUS 14:36

Ba, ibidip huk Noni leu binhyepo sindui sut yo di inggwen nya bingget Nide sinsun ninggrun he. Apino bikwop yo di ingget Nide sinsun ninggrun yahagom ikei hanyen.

IMAM NYA IDE MIDYAI 7:19

Gino mikwau dima ngget mun di map kuisi lene ma hi yem au noro ma indig hagom kep hum bingwig ug. Yo di map kui yokti bi nya yongkom migyem kep mikwau dima.

YEHEZKIEL 44:19

Nipou tirigi yehei ug ei ig him gi nisai ma kwei di limwa nya idem yam eisi dima bigyo lene suar ijuk sinsun imam dima bikes hak ei ninsi di kwes nya ei Ditde Ig a. Leu api ijuk yonti ide sinsun ei yokti leu binhyepo sinsun imam dima bindei ba, mun di buhun cut igkep limwa nya bi.