IMAM NYA IDE MIDYAI 6:21 - ALLAH NIHYET MEM TUNGWATU NYA

²¹ Suar noni ba mini zaitun biwir roti dima leu api kang ei komfor ninjek dip. Lene ma noni ki roti dima kukiau nok nibon midut njita nibipai sigyo bak Allahti. Lene tuhan mijoi sut ninghap di ui-gwang kei dima.

IMAM NYA IDE MIDYAI 6:21 ပူးပေါင်းရင်းမြစ်များ

IMAM NYA IDE MIDYAI 2:5

Gino noni ba roti di noni kang ei komfor ninjek dip bikuk no bak lene ma mini zaitun srig tepunti noro ma roti ninjep srigsi au.

IMAM NYA IDE MIDYAI 7:9

Ba, nok gima tut roti di tungwatu igyai bak tuhan cem. Nok gi hi di ikang ei komforti kin gi ikang ei komfor ninjek dip kin gi ikang ei bokorti cem ba, hagom mem imam di ndig roti dima ndrim hi kep hum pima.

NIBOHON MBEN ISRAEL GI NIGOM 9:31

Matica di keret Lewi gom rino hati tut midyai nikang roti di dile mem nibon midut nya. Noni ne Salum nipmot mighumbou rin ba, ntun Korah ninsi de him.

IMAM NYA IDE MIDYAI 6:22

Tirigi ita no di ntun Harun him nok Imam Nibou Ndig ei nidipti bu lene suar imam nya igyai kep nibon midut dini bijo ninno bijo kikau. Lene suar indig roti dini hagom ei nimbar hum dokti nok mun di yoni ipigig sut ei mem tuhan.

IMAM NYA IDE MIDYAI 7:12

Gino tungwagom mipai sigyo hanyen tug hon nibon midut dini lene ma noni jem mindhe ningut gom bitut roti di roti ninjep srigsi bi kwei. Roti dima ne roti nindak di mini zaitun srigsi kin roti di dile di noni ba mini zaitun bibijos nidip kin roti nyop di mini zaitun srigsi cem.

NIBOHON MBEN ISRAEL GI NIGOM 23:29

Inyeng tak kep midyai nikang roti di ide limwa nya ibikuk yok bak Allahti kin tepun di mem nibon midut njita nibipai sigyo bak Allahti cem roti di dile bibor di roti njep srigsi bi cem roti mem nibon midut nindigsi nya cem tepun di ibisrig mini zaitunti cem. Suar iba kilo mun di mben Israel ikwas tut tuhan ba, ibakilo mun di ikon bittei ug ei tuhan De Ig cem.

IMAM NYA IDE MIDYAI 11:33

Gino mindhe-ndhe dini yok ingut hi cut ei yeng dihyeiti lene map mikui mun di jo ei yeng dihyei dimati hagom. Gima rino suar itam ide yeng dihyei dima binnir-wap hak drek dip mun di cut ei niti dima.

IMAM NYA IDE MIDYAI 15:12

Yeng di iba igtuyap bibon di no dima ngget lene suar iki hak ug. Srier di no dima ngget lene suar ipiap bipwoi-pwau.