IMAM NYA IDE MIDYAI 6:2 - ALLAH NIHYET MEM TUNGWATU NYA

² Gino tungwagom bon sisar tut tuhan nok gini lene ma noni tin ei mindhe mem nibon midut nibiyai nikos ser sisarti. Sisar dino tungwagom tug ndigban di nisut ba ningon com noni tut hanyen bak nisut bi kin sisar dino tungwagom nggimang nisut gom nide ndigban kin sisar dino tungwagom ba ndigban biris ei nisut dip,

IMAM NYA IDE MIDYAI 6:2 ပူးပေါင်းရင်းမြစ်များ

KOLOSE 3:9

Ma jiris ei yamti bu au. Lewo jikes jiyaijo nitimiei bitut jiyai munti di nitimiei nya hagom ei su.

KISAH 5:4

Nipou tirigi atri hanjop nsi dima bigyo ne niceu rinani. Niabiati atri hanjop nsi dima ba, abipek mitiei cem niceu rinani. Nggon rino akos tut angon kanti di kinei nok gima ei angonti i? Lewo aris bak tungwatu nya bi noro abris bak Allah!”

NIPINGOK NINGONTI 24:28

Ma ambrap gau hiter tug hon nide munhyet di angon kiowi eisi ba, aris mun ei noti cem au.

IMAM NYA IDE MIDYAI 19:11

Harin dima jinggimang mun ba, jiris yam ba, jipai-pai wai cem a.

IMAM NYA IDE MIDYAI 5:15

Gino tungwagom ningon bbwe lene yai mun di bikos ser nide sisar bak tuhan bi kin gi bisinggre bi lene ma noni jem domba e, he kambir nikre ningut gom e, kwei nok mun di noni ngkwei hanyen bak tuhan mem nibon midut nibiyai nikos ser sisarti. Lene ma mindhe dima nibok bit leu nok nibok di ice tut mem tuhan De Prak Meng.

NINGAT-HI-NGAT NYA 22:15

Noro yo di irom ndok kin yo di inda dut kin yo di icut tut yam kin yo di ihwen mun kin yo di ikuk yok bak kwar nya kin niris kep mun cig nya yahagom ingat rin ei minu ndig nisai.

EFESUS 4:25

Gima rino ma jibicum bu au! Noro ma yo di ingon jo kep nya yahagom iba ingon gom bimbrap bit yam. Lewo yahagom inggre kin Kristus ninguda.

YOHANES 8:44

Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri.

HABAKUK 1:13

Nggon rino aba ayai ngat tentara dima yok di ibon mun di mbuk bibor i? Bit bon aba ayai ngat mun di mbuk bibor drek dip Ade ningon kwes-kwausi kan bi e? Ayai ngkek ttin ser yo di bit bon hiter ba ningon com yok kan bi nya bi e? Gima rino nggon rino akimut ahui tirigi mben Babel di imbuk bibor dor njiriek nye ikwei bihwen nye i?

AMOS 8:5

Jikan “Bit bon sibet singon mem pesta di sibon kep njap ndig Bed Jep ningwigsi kan bi. Lewo singon pri tut nituti mem sitri side gandum ba, sibipek mitiei hanyen. Njap nigwam kep ninghuisi cem apig api tun i? Gino tun tu ne sikinyon ei gi sitri mun bisibipek mitiei hanyen. Mpe dima lene sibindei ba, ndigban nibok kak bibor ba, siba kilo nitrowai binai gandum nibuhunti leu binhyepo siris mun bak yo di ikwei pek ndiyok leu sa.

YEREMIA 9:5

Yahagom iris yam nyen ba, hi di pai mun di nijit-jau bi. Iris mun biyam kikep ba, insi yai ngan-ngan tu. Ikou sut gima ikes hon ba, ibon sisar bu bi kan bi.

YESAYA 33:1

Nyeni ide siceu nya mitimek bingwig! Mbro nok gino hi pos ide ndigban leu yok bi lo, ipos nyende ndigban tu. Mbro nok gino hi bakilak yo bi lo, ibakilak nye tu. Noro mpe dino nituti di ipos ndigban ba, ibakilak tungwatu nya ngwig hon nohonti tu lene hiter mipos ide ndigban ba, ibakilak yok.

YESAYA 24:16

Doia nibikon mben Israel di nok mben gom di ningon sren ninyeng no tibim kwei leu dihyeisi dini nohon keti ei tungwatu nya itingou nsi. Noro buhun bibor mem dani! Dicut ug ei nikineisi tu! Nikiek nimig jou tut cig nya no yaham imbuk kep da lene gima mijo kikau yo.

YESAYA 21:2

Dingat ningat-hi-ngat tut mun di cut igkep tungwatu nya di bibon ingon di ttin bibor kin naham nimbuk kep yamti kin nibindei sar yamti cem. Tentara Elam e, ma jikiju bijinjei siceu bijihwen! Tentara Madai e, ma jiyon ttai! Allah mibindei ba, ninghuisi wei hagom di minu Babel bindei mbut nya mikes hon.

MAZMUR 51:4

Apiap da leu mun di kinei di rap da lene abindei ba, ditde sisar di noyam kin map cug leu da.

IMAM NYA IDE MIDYAI 5:19

Tug hon nisinati dima lene tungwagom mikum tuhan de ningwam leu no drek dip nide sisar di noni bon tut tuhan.

NITRITI 26:7

Mpe di gom lene timiei minu Filistin nya ihig simber Ishak tut nitnem lene noni ris bipai bipia nikwohop ri. Leu gino noni pai sut Ribka bipia nitnem rin lene kan bigya timiei minu Filistin mitot noni leu nitnem lewo Ribka ne sop di ubbu bibor ri.

IMAM NYA IDE MIDYAI 6:1

Lene tuhan yai nidimig sutti dini bak Musa.

IMAM NYA IDE MIDYAI 1:3

Gino noni jem nide sapi ningut gom kwei lene ma noni dimig nikre di bok-ba bi. Suar noni jem sapi dima kwei ba, ya tut kui dimbou ei tuhan De Prak Meng nuhui leu binhyepo tuhan joi sut noni.

YEHEZKIEL 40:46

Ba, ig jibei di ikiek dimbou hui ndam bei mpia nijjai dima mem imam nya di igyai midyai kui nimbar hum dokti. Suar imam dima yok yahagom leu yo di intun Zadok him. Lewo Lewi ne pung di Zadok ntun him rin ba, yo dima he rima igya ei tuhan Noho bei mem gima ibiyai midyai nibikuk yok bak Noni.