IMAM NYA IDE MIDYAI 6:13 - ALLAH NIHYET MEM TUNGWATU NYA

¹³ Suar hum dima njeng kikau lene ma isindui sut ba, mu hanyen au.

IMAM NYA IDE MIDYAI 6:13 ပူးပေါင်းရင်းမြစ်များ

NEHEI LEUSI 29:1

Lene Allah pai bak Musa “Gini ne nisinati mem gima ata Harun kin nipmot bat nya nok imam di igya hacan mem Da ri. Aug jem sapi nikre di nehen pap ningut gom kin domba nikre di bon bok-ba bi ningut can kwei.

NEHEI LEUSI 29:2

Ayai tepun di kei-kau di roti ninjep srigsi bi kin mini zaitun ba, abikang roti nindak poi. Lene abikang gi hi di mini zaitun joti bi nindak hi kin bu. Lene akang tepun niken nok roti di nyop leu api aba mini zaitun bidip.

NEHEI LEUSI 29:40

Tirigi indig domba ningut kep hum mem njap bigyokti lene ikwas ide tepun di kei-kau kilo gom kin mini zaitun di kei-kau cem liter gom srigsi. Lene ikwas ba anggur ngei liter gom tut Da.

YESAYA 31:9

Ide nibou ndig ningon ttin bibor ba, yo di igya kui noni mittin tut ide siceu nya leu api minang bingwig bikes ide kendera nya bijo ei.” tuhan simbot dat tu. Nide limwa nya iba midut nindig mindhe ei nimbar hum dokti bikuk yok biNoni ba, inggei sut Noni ei minu ndig Yerusalem.

YEHEZKIEL 40:46

Ba, ig jibei di ikiek dimbou hui ndam bei mpia nijjai dima mem imam nya di igyai midyai kui nimbar hum dokti. Suar imam dima yok yahagom leu yo di intun Zadok him. Lewo Lewi ne pung di Zadok ntun him rin ba, yo dima he rima igya ei tuhan Noho bei mem gima ibiyai midyai nibikuk yok bak Noni.

IMAM NYA IDE MIDYAI 6:12

Suar imam nya indig kep hum ei nimbar hum dokti bijo ninno lene ma hum dima mu hanyen au. Suar imam gom kon biei hum eisi binyohou dimig mindhe mem nibon midut nindig mindhe titut kep humti leu api ndig mindhe nimmau mem nibon midut nibiyai ningon kwes kin Allahti bikwop njap bigyokti.

IMAM NYA IDE MIDYAI 6:14

Gini ne nicukti tut nibon midut njita nibipai sigyo bak Allahti mem tuhan. Suar no di ntun Harun him kon njita dima kwei ei nimbar hum dok nuhui.

IMAM NYA IDE MIDYAI 6:9

leu binhyepo noni yai nicukti bak Harun kin nipmot bat nya tut gi indig mindhe titut kep hum. Suar ikon mindhe ei nimbar hum dokti ba, indig kep hum mem mmun kikau binjap kep.

IMAM NYA IDE MIDYAI 9:24

Jei bi lene tuhan pinak nide hum kros kwei bibindei hum dima yem mindhe titut kin nimmau hagom ei nimbar hum dokti bingwig. Tirigi yo dima ingat mun di mindur dini lene yahagom ikon ighyet nok gom leu api yom yok biba ingwak bikik mpia.