IMAM NYA IDE MIDYAI 6:11 - ALLAH NIHYET MEM TUNGWATU NYA

¹¹ Lene ma noni juk nide sinsun nibon midut pima leu no ba, juk nide sinsun nitu leu api kon atriem ndung dima ei mben Israel ide prak meng yati dima nisai bicom hagom ei mpia ttou nsi gom di ipigig ser mem tu.

IMAM NYA IDE MIDYAI 6:11 ပူးပေါင်းရင်းမြစ်များ

NEHEI LEUSI 29:37

Abon midut dima bikwop njap kikau mem mmun-njap muhwindacan leu binhyepo bindei ba, nimbar hum dok kwes-kwau kei. Mun mindei rino ngget nimbar hum dok dima rinok mun di ikwas tut Da di tuhan. Tungwa tou rino ngget nimbar hum dok dima mitug midut drek dip lewo nimbar hum dok nikwes-kwausi sindem bibor.”

YEHEZKIEL 44:19

Nipou tirigi yehei ug ei ig him gi nisai ma kwei di limwa nya idem yam eisi dima bigyo lene suar ijuk sinsun imam dima bikes hak ei ninsi di kwes nya ei Ditde Ig a. Leu api ijuk yonti ide sinsun ei yokti leu binhyepo sinsun imam dima bindei ba, mun di buhun cut igkep limwa nya bi.

IMAM NYA IDE MIDYAI 16:27

Lene ma imam nya ikon sapi nikre kin kambir po ibui mem nibon midut nibikos ser sisarti po Harun hek ninggrom bicoi ug ei Ninsi Di Kwes-Kwau mem gima piap sisar pima ingkek kin inghui kin inak hagom ug ei mben Israel ide prak meng yati nisai bindig hagom kep hum.

IMAM NYA IDE MIDYAI 24:9

Roti dima mem Harun kin nide nintun him yamti di bram yam nya. Suar yoni igyem roti dima ei mpia di kwes lewo roti dima ne roti poi di kwes-kwau leu nibon midut njita nibipai sigyo bak Allahti bou tuhan niyai him pima rin ba, imam nya yongkom he igyem kep roti dima.

IMAM NYA IDE MIDYAI 4:12

ug sut ei mben Israel ide prak meng yati dima nisai bikes ei mpia ttou nsi gom di ipigig sut ei mem gima icom atriem ndung eisi ba, ndig hagom kep hum ei sirima.

IMAM NYA IDE MIDYAI 4:21

Lene ma noni kon sapi dima ninghui hagom buug sut ug ei mben Israel ide prak meng yati dima nisai bindig hagom kep hum bit leu nok niyai kepti tirigi po noni bui sapi mem nide sisar pima. Gini ne nisinati mem imam gom bon midut nibiyai nikos ser sisarti di mben Israel yahagom ibon kin gi ibisinggre bi ri.

IMAM NYA IDE MIDYAI 6:10

Lene suar imam juk nide sinsun ndok di jei di iba minyahas linen binap kin nide sinsun bopen linen leu api ug ket atriem ndung di nimmau srigsi ei nimbar hum dokti bicom hagom ei dihyeisi ei nimbar hum dok nuhui.

IMAM NYA IDE MIDYAI 6:12

Suar imam nya indig kep hum ei nimbar hum dokti bijo ninno lene ma hum dima mu hanyen au. Suar imam gom kon biei hum eisi binyohou dimig mindhe mem nibon midut nindig mindhe titut kep humti leu api ndig mindhe nimmau mem nibon midut nibiyai ningon kwes kin Allahti bikwop njap bigyokti.

IMAM NYA IDE MIDYAI 6:20

tut gino ita no di ntun Harun him nok imam. Ma no dima yai tepun kilo gom bak tuhan mem njap dino ita noni nok imam. Suar noni ba tepun nite hi bibon midut mem njap bigyokti lene ba niken bibon midut mem mmunti.

IMAM NYA IDE MIDYAI 6:22

Tirigi ita no di ntun Harun him nok Imam Nibou Ndig ei nidipti bu lene suar imam nya igyai kep nibon midut dini bijo ninno bijo kikau. Lene suar indig roti dini hagom ei nimbar hum dokti nok mun di yoni ipigig sut ei mem tuhan.

IMAM NYA IDE MIDYAI 7:6

Dice tut gima imam nide bat di pinai nya yahagom igyem kep mikwau di kwes-kwau bibor dini.