IMAM NYA IDE MIDYAI 5:19 - ALLAH NIHYET MEM TUNGWATU NYA

¹⁹ Tug hon nisinati dima lene tungwagom mikum tuhan de ningwam leu no drek dip nide sisar di noni bon tut tuhan.

IMAM NYA IDE MIDYAI 5:19 ပူးပေါင်းရင်းမြစ်များ

MALEAKHI 3:8

Nogindini dihig ser je ‘Da di Allah disindui sut tungwatu nya biris Da e?’ Jo nibreisi bipia bit bon jiris Da bi sren. Noro jiris Da tu bijihig ser Da ‘Notou niris Na i?’ Dibuhup “Jiris Da tug hon munkwas di jiyai biDa bi. Gima ne mitiei gom leu ningot gom, gom leu ningot gom kin mun di jinyeng tut di jikwas mikuisi tut Da bi cem.

MAZMUR 51:4

Apiap da leu mun di kinei di rap da lene abindei ba, ditde sisar di noyam kin map cug leu da.

EZRA 10:2

Lene Sekhanya di Yehiel nipmot leu Elam ninsi de nya pai bak Ezra “Nibon sisar tut tuhan drek dip gi niwak sop ngkiai nya srig yamti. Mbro nok gima lo, no bon nituti mem Israel igyai nikos ser ide sisarti yo.

IMAM NYA IDE MIDYAI 5:7

Gino no di bon sisar dima ma domba e, he kambir e, mem gima biluei nide sisar hi bi lene ma noni krau ha tekukur can e, he hakimoi mbrei can e, kwei. Haba gom mem nibon midut nibiyai nikos ser nide sisarti lene haba gom bu mem nibon midut nindig mindhe titut kep hum.

IMAM NYA IDE MIDYAI 5:17

Tungwa tou rino pigau tuhan nicuk yokti nya lo, bon sisar kin gi bisinggre bi lene bit bon ningwes ngun kan bi.

IMAM NYA IDE MIDYAI 5:18

Suar noni jem domba e, he kambir nikre di bok-ba bi ningut gom e, di nibok bit leu nok nibok di ice tut mem tuhan De Prak Meng kwei. Lene ma imam bon midut nibiyai nikos ser sisarti apino tuhan mikos ser no dima nide sisar di bon kin gi bisinggre bi dima.

IMAM NYA IDE MIDYAI 6:1

Lene tuhan yai nidimig sutti dini bak Musa.

YOSUA 22:15

Tirigi yoni yuug krau keret Ruben kin Gad kin Manasye nite hi di ibong ei Gilead idim,

YEHEZKIEL 40:39

Meja bitai no jo ninsi ndig dima. Can jo nite hi lene can jo nite hi bu. Meja dima yok mem gima ibui mindhe-ndhe di indig kep hum ei nimbar hum dokti kin mindhe-ndhe di ibui mem midut nibiyai nikos ser sisarti kin mindhe-ndhe di ibui mem midut nibikum Allah de ningwam kin ide nitunggweisi cem.