IMAM NYA IDE MIDYAI 5:18 - ALLAH NIHYET MEM TUNGWATU NYA

¹⁸ Suar noni jem domba e, he kambir nikre di bok-ba bi ningut gom e, di nibok bit leu nok nibok di ice tut mem tuhan De Prak Meng kwei. Lene ma imam bon midut nibiyai nikos ser sisarti apino tuhan mikos ser no dima nide sisar di bon kin gi bisinggre bi dima.

IMAM NYA IDE MIDYAI 5:18 ပူးပေါင်းရင်းမြစ်များ

IMAM NYA IDE MIDYAI 1:3

Gino noni jem nide sapi ningut gom kwei lene ma noni dimig nikre di bok-ba bi. Suar noni jem sapi dima kwei ba, ya tut kui dimbou ei tuhan De Prak Meng nuhui leu binhyepo tuhan joi sut noni.

IMAM NYA IDE MIDYAI 1:4

Lene ma noni kes ninda ei sapi nibou dip leu api tuhan ningon micut hon niyai munti dima bikos ser nide sisar.

IMAM NYA IDE MIDYAI 14:12

Lene ma imam dima yai domba pmot nikre ningut gom bitut mini zaitun niken ba, yok ei mem nibon midut nibikum Allah de ningwam. Lene ma noni pigig sut mun di bon ninyeng ei tuhan niyai him dini ei mem imam dima.

IMAM NYA IDE MIDYAI 4:20

Ma Imam Nibou Ndig yai gini hagom bit leu nok niyai kepti tirigi po ndig sapi kep hum mem nide sisar pima. Nok gima lene Imam Nibou Ndig mibon midut mem mben Israel yahagom ide sisar di ibon kin gi ibisinggre bi dima leu binhyepo tuhan mikos ser ide sisar.

IMAM NYA IDE MIDYAI 5:17

Tungwa tou rino pigau tuhan nicuk yokti nya lo, bon sisar kin gi bisinggre bi lene bit bon ningwes ngun kan bi.

IMAM NYA IDE MIDYAI 5:19

Tug hon nisinati dima lene tungwagom mikum tuhan de ningwam leu no drek dip nide sisar di noni bon tut tuhan.

MBEN ISRAEL IMBUT-MBUT NYEN 15:24

Gino limwa nya yahagom ibon sisar nibisinggre bi bigyai tunggwei nicukti drek dip gi ikan tut nicukti dima bi lene suar yahagom ijem sapi nikre ningut gom kwei mem nibon midut nindig mindhe titut kep hum leu api mikwau di indig dima ngge kei bipwoi tuhan ningona. Lene ittei gandum kwei mem nibon midut njita nibipai sigyo bak Allahti ba, ittei ba anggur ngei kwei mem nibon midut ba anggur ngei di isiberti cem. Bitut gima lene ijem kambir nikre ningut gom kwei mem nibon midut nibiyai nikos ser sisarti.