IMAM NYA IDE MIDYAI 5:1 - ALLAH NIHYET MEM TUNGWATU NYA

¹ Ma tungwatu iba mindhe-ndhe nya bibikuk yok bak drek dip ide sisar di nok gini. Gino nibou nya ihig tungwagom kwei biya ei nikei noho bei lene no dima pai brei sut mun di noni ngat bou niyai him kin gi miap ei nitingou nsi cem bak nikei dima bi lene bit bon ningwes ngun kan bi.

IMAM NYA IDE MIDYAI 5:1 ပူးပေါင်းရင်းမြစ်များ

NIBOU NDIG NYA GI NIGOM 22:16

Noro Ahab buhup “Gino ambrap bit da tug hon Allah ninyeng lene suar apai sut mun di igbit. Suar dipingok angonti nok gima mbipig bu i?”

NIBOU NDIG NYA GI NIGOM 8:31

Gino tungwatu nya ipai kep hiter bibuwak noni kwei biya kui Ade nimbar ei Ade Ig leu binhyepo no dima pai tug hon neheng bipia ningon ngun,

NIBOHON MBEN ISRAEL GI NICAN 18:15

Lene Ahab buhup “Gino aba neheng bipai mun brei tug hon tuhan ninyeng lene ma apai mun di igbit. Midisok kep na mbipig sut gima i?”

MAZMUR 38:4

Dinggwen buhun drek dip Ade nigga biborti. Ditde sisar bindei ba, dinghuisi hi di kwes bi.

NEHEI LEUSI 22:11

ma no dima ug ei jide ig mbusyameisi lene ba tuhan ninyeng bipai jit tug hon neheng bipia noni mbrai nisut nide mindhe dima bi. Gino ningat ne noni mbrai mindhe dima bi lene nisut ningon jo nyahan drek dip mun di cut igkep nide mindhe dima. Lene no di nyohou mindhe dima migo nibuhup bi.

NIPINGOK NINGONTI 29:24

No di ya kui ninggimang kep mun cig ba nitok bak nonti. Gino noni pai jit munhyet ei nikei noho bei lene mitug ndei hukum. Gino bi ne Allah sigion noni drek dip.

NIPINGOK NINGONTI 30:9

Leu gino abikum eisi ba, dinyeng bibor lene midikan ei dingonti bipia disuar na di Allah bu bi. Ne gino duhui mbum bibor ne leu ma dinggimang ndiyok lene gima bindei ba, tungwatu nya ingwes pri gau Na.

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

YEREMIA 23:10

Minu dini mpung tut yo di ingon gom tut tuhan bi. Igyai munti nya kinei bibor ba, ibimangkrei ide nisindemti cem. tuhan sigion abris nghousi di mindhe-ndhe nya igyem apino minu dini noyam kin no di ningon ngguk tut nimai.

YEHEZKIEL 18:20

No di bon sisar nongkom he rino mitug ndei nimai drek dip. Nipmot mitug midut drek dip nicig de sisar bi ba, nicig cem mitug midut drek dip nipmot de sisar bi. No di ningon kwes mitug ndei mun di kei drek dip niyai munti di kei bibor nya. No di mbuk mitug midut drek dip niyai munti di kinei bibor nya.

YEHEZKIEL 18:4

Dinyeng tak kep bikwop tungwatu dihyeisi dini hagom igyaijoti bitut andigpoi nya kin imunggwom bat nya cem yahagom. No di bon sisar ne nongkom mitug ndei nimai drek dip.

IMAM NYA IDE MIDYAI 17:16

Gino noni bit nicukti dima bi lene suar biang niyai munti dima nibuhunti.

IMAM NYA IDE MIDYAI 19:8

Tungwa tou rino yem kep mikwau dima ningon mui su lewo noni bimangkrei mun di dipigig ser mem Danti leu api no dima minok Ditde limwa bu bi.

IMAM NYA IDE MIDYAI 20:17

Gino pinai gom yem njita tut nikwohop ningat cem nikwohop di icig ne icig gom rin lo, nipmem ter cem ipmem ne ipmem gom rin lo, icig ter cem lene ma jibibon yo dima tereu nok yo di inggre kin Ditde limwa nya bu bi. Yoni ibon mun di dem mem tungwatu ibonti bi. Ba, suar ibiang igyai munti dima nibuhunti.

IMAM NYA IDE MIDYAI 4:2

bak mben Israel bipia gino tungwagom bon sisar kin gi bisinggre bi biyai mun tunggwei tuhan nicuk yokti nya ninyeng gom lene ma no dima bon midut nok gini.

IMAM NYA IDE MIDYAI 5:15

Gino tungwagom ningon bbwe lene yai mun di bikos ser nide sisar bak tuhan bi kin gi bisinggre bi lene ma noni jem domba e, he kambir nikre ningut gom e, kwei nok mun di noni ngkwei hanyen bak tuhan mem nibon midut nibiyai nikos ser sisarti. Lene ma mindhe dima nibok bit leu nok nibok di ice tut mem tuhan De Prak Meng.

IMAM NYA IDE MIDYAI 5:17

Tungwa tou rino pigau tuhan nicuk yokti nya lo, bon sisar kin gi bisinggre bi lene bit bon ningwes ngun kan bi.

IMAM NYA IDE MIDYAI 7:18

Gino noni yem mikwau dima mem njap gi niningai lene tuhan mikou sut nide mindhe po noni bui dima lene nibon midut dima mibindei gi kei mem noni bi noro map kuisi. Leu api tungwa tou rino yem kep mikwau dima ningon mui.

MBEN ISRAEL IMBUT-MBUT NYEN 9:13

Noro tut no di map kui no bi kin no di ningat rin ei puig sinon cem bi lo, nghen bibon midut Njap Ndig Paskah dini bi lene dibibon no dima nok no di nggre kin Ditde limwa nya bu bi. Lewo noni kwas mun hi mem nibon midut Njap Ndig Paskah dima bikuk no bak Dani dem igbit tto bou pima bi. Suar no dima biang nide sisar nibuhunti.

MATIUS 26:63

Noro Yesus buhup bi. Lene imam nibou ndig pai binoni mbigom bu “Dipingok Na tug hon Allah Di Niyaijo ninyeng bipia gino anyeng rino Nibou Ndig di teu tungwatu nya biyai niyaijo nijep biyok di Allah Nipmot rin ne apai hak binye ug.”

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.

NIJAM NIKEI NYA 17:2

Mpe di gom ne pai bak nipmem “Amei e, tirigi po amei de mitiei perak nitig sribu gom ba, sratus gom pror pima lene dimiap ade nisigion no di nggimang mitiei dimati. Amei e, angat i! Ade mitiei pima rini. Dani rino dinggimang mitiei dima.” Lene nipmem buhup “Dipmot na e, nnaba, tuhan ma njei mun di kei bak nani!”