IMAM NYA IDE MIDYAI 4:3 - ALLAH NIHYET MEM TUNGWATU NYA

³ Gino no di bon sisar kin gi bisinggre bi dima ne Imam Nibou Ndig rin apino niyai munti dima bindei dino mben Israel yahagom ingon mui lene ma noni ndig sapi nikre di nehen pap di bok-ba bi ningut gom kep hum bak tuhan leu binhyepo Noni mikos ser Imam dima nide sisar.

IMAM NYA IDE MIDYAI 4:3 ပူးပေါင်းရင်းမြစ်များ

NIBOHON MBEN ISRAEL GI NICAN 29:21

Ibijem sapi nikre ningut muhwindacan kin domba nikre ningut muhwindacan kin domba pmot ningut muhwindacan kin kambir nikre ningut muhwindacan kwei mem gima ibibon midut nibiyai nikos ser sisarti gau nibou ndig nide bat nya kin limwa nya ide sisar ba, ibindei pwoi tuhan De Ig hanyen cem. Nibou ndig cuk imam di intun Harun him nya ibon midut nindig mindhe-ndhe dima yok ei nimbar hum dokti bak tuhan.

EZRA 8:35

Yo di ingkwei hanyen leu ingkiasi dima yahagom ibon midut nindig mindhe-ndhe titut ei nimbar hum dokti bak mben Israel ide Allah ei njap dima cem. Ibui sapi nikre ningut simnaibrimigcan bindig ei nimbar hum dokti bak tuhan gau limwa mben Israel yahagom. Lene ibui domba nikre ningut ningot muhwindatai ba, muhwindagom kin domba pmot ningut ningot muhwindacan ba, muhwindacan bu. Ter leu gima bu lene iba kambir ningut simnaibrimigcan bibon midut nibiyai nikos ser sisarti gau yonti. Indig mindhe-ndhe dima yok hagom ei nimbar hum dokti nok mun di ibui di ibikuk yok bak tuhan.

NEHEI LEUSI 29:14

Noro andig ninghui kin ningkek kin ninak hagom kep hum ei ngug sai leu jide prak meng yati dima. Gini ne mun di jikwas tut Da leu binhyepo dibikos ser imam nya ide sisar ri.

NEHEI LEUSI 29:21

Lene ayai ninggrom di jo ei nimbar hum dokti poi mien kin mini nibon midut poi mien leu api abiprok Harun kin nipmot bat nya bitut ide sinsun cem. Ma adimig Harun kin nipmot bat nya bitut ide sinsun hagom ei mem Da tug hon nisinati dima.

NEHEI LEUSI 29:7

Lene ayai mini nibon midut ba, asiber ei Harun nibou nggram him.

NEHEI LEUSI 30:10

Ma Harun bon midut di bindei di nimbar hum dok dini kwes-kwau tug hon nisinati dini. Noni ba mindhe po indig kep hum mem nibon midut nibiyai nikos ser sisarti pima ninggrom biprok nimbar ninggai bitai mbigom mem ari bingwam gom mbigom mem ari bingwam gom lene nok bijo ninno bijo kikau. Apiga nimbar dini ba, kwes-kwau kei mem Da di Allah.”

YEHEZKIEL 40:39

Meja bitai no jo ninsi ndig dima. Can jo nite hi lene can jo nite hi bu. Meja dima yok mem gima ibui mindhe-ndhe di indig kep hum ei nimbar hum dokti kin mindhe-ndhe di ibui mem midut nibiyai nikos ser sisarti kin mindhe-ndhe di ibui mem midut nibikum Allah de ningwam kin ide nitunggweisi cem.

YEHEZKIEL 43:19

Imam po intun Lewi him di intun Zadok ninsi de nya him he rima ikwei ya ei Doho bei mem gima ibon midut. Da di tuhan Di Dinyeng Jei Bibor rino ditri tut nihyet dima. Ayai sapi nikre di nehen pap ningut gom bak yo dini mem midut nibiyai nikos ser sisarti.

YEHEZKIEL 44:27

Leu api ug ei mpia di jo bas hak gi ninsi ei Ditde Ig bibon midut nindig mindhe ei nimbar hum dokti biDa mem gima bindei pwoi nonti. Leu api disindui sut ba, noni miyai midyai nok imam hanyen ei Ditde Ig a. Da di tuhan Di Dinyeng Jei Bibor disimbot dat tu.

IMAM NYA IDE MIDYAI 1:10

Gino tungwagom ba nide domba ningut gom e, he kambir ningut gom e, bikuk no bak tuhan lene ma noni dimig nikre di bok-ba bi.

IMAM NYA IDE MIDYAI 1:3

Gino noni jem nide sapi ningut gom kwei lene ma noni dimig nikre di bok-ba bi. Suar noni jem sapi dima kwei ba, ya tut kui dimbou ei tuhan De Prak Meng nuhui leu binhyepo tuhan joi sut noni.

IMAM NYA IDE MIDYAI 16:11

Tirigi Harun bui sapi nikre pima mem nibon midut nibikos ser nide sisar kin nide bat nya ide sisar,

IMAM NYA IDE MIDYAI 16:3

Suar Harun jem sapi nikre di nehen pap ningut gom kwei mem nibon midut nibikos ser sisarti. Lene ma noni jem domba nikre ningut gom kwei mem nibon midut nindig mindhe titut kep humti. Gima hagom ngwig lene midice tut gima noni coi ug ei Ninsi Di Kwes-Kwau.”

IMAM NYA IDE MIDYAI 16:5

Lene ma mben Israel ijem mindhe kwei bikes ei Harun nindati nok gini. Ma ijem kambir nikre ningut can kwei mem nibon midut nibikos ser sisarti ba, ijem domba nikre ningut gom kwei mem nibon midut nindig mindhe titut kep hum.

IMAM NYA IDE MIDYAI 16:6

Lene ma Harun bui sapi nikre ningut gom mem nibon midut nibikos ser nide sisar kin nide bat nya ide sisar cem.

IMAM NYA IDE MIDYAI 4:14

tirigi ide sisar dima jo nibreisi tu lene ma ibipbur bijem sapi nikre di nehen pap ningut gom kwei bigya tut kui tuhan De Prak Meng nuhui. Lene ma iba sapi dima bikuk yok bak leu binhyepo imam nya ibon midut nibiyai nikos ser sisar.

IMAM NYA IDE MIDYAI 4:23

hammi tirigi nide sisar dima jo nibreisi mem noni tu rino ma noni jem nide kambir nikre di bok-ba bi ningut gom kwei mem nibon midut nibiyai nide nikos ser sisarti.

IMAM NYA IDE MIDYAI 4:28

tirigi nide sisar dima jo nibreisi mem no tu lene ma noni jem kambir niwek di bok-ba bi ningut gom kwei mem nibon midut nibiyai nide nikos ser sisarti dima.

IMAM NYA IDE MIDYAI 4:5

Lene ma noni hek ninggrom poi buug sut ug ei Prak Meng nsi.

IMAM NYA IDE MIDYAI 5:6

Lene ma noni jem domba e, he kambir niwek e, ningut gom kwei bak tuhan biluei sisar dima. Lene suar imam bon midut nibiyai nikos ser sisarti leu binhyepo tuhan mikos ser no dima nide sisar.

IMAM NYA IDE MIDYAI 6:18

Roti dini mem Harun kin pinai di intun noni him di bram yam nya yongkom he igyem kep lewo ima roti di tungwatu igyai bak tuhan dini bijo ninno bijo kikau. Tungwa tou rino ngget roti nibon midut nibiyai nikos ser sisarti dini mitug midut drek dip lewo roti dini nikwes-kwausi sindem bibor.

IMAM NYA IDE MIDYAI 8:12

Lene noni ug yai mini hi kin bu bikiber ei Harun nibouti leu binhyepo bita noni mem nide midyai.

IMAM NYA IDE MIDYAI 9:2

Lene noni cuk Harun “Ma ajem sapi nikre nehen pap ningut gom kin domba nikre ningut gom ba, hacem ibok-ba bi kwei leu api abui hacem nok mun di abikuk na bak tuhan. Sapi nikre dima mem nibon midut nibiyai nikos ser sisarti lene domba nikre mem nibon midut nindig mindhe titut kep hum.

IMAM NYA IDE MIDYAI 9:3

Lene ma acuk mben Israel bipia ijem ide kambir nikre ningut gom kwei mem nibon midut nibiyai nikos ser ide sisarti kin sapi nehen pap ningut gom kin domba mien ningut gom ba, hacem ide njap ug ei ari bingwam gom ba, ibok-ba bi kwei mem nibon midut nindig mindhe titut kep hum.

MBEN ISRAEL IMBUT-MBUT NYEN 16:22

Noro Musa kin Harun ikuk yok lene iba ingwak bikik dihyei leu api yahara “Allah e, Nani ne nibousi mem mun di yai niyaijoti nya hagom. Gino tungwagom ngat he bon sisar lene ma agga limwa nya yahagom e?”

MBEN ISRAEL IMBUT-MBUT NYEN 8:8

Leu api acuk yok ba, ijem sapi nikre di nipmot bo ningut gom kwei bigyai njita nibipai sigyoti di iba tepun kin mini bibon di ibikuk yok bak tuhan cem kwei. Leu api aug jem sapi nikre ningut gom kin bu kwei mem nibon midut nibiyai nikos ser sisarti.

ROMA 8:3

Ingut kanti di ntun dihyeisi dini him bindei ba, bit bon Puig Yahudi niggai serti kwek nye kan bi. Noro Allah nggek tut sisar nisindemti ei ingut kanti di ntun dihyeisi dini him tug hon Nipmot di Noni pinak kwei tereu nok tungwatu dihyeisi mem gima biciu ser sisar.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

IBRANI 5:3

Suar noni bon midut nibikos ser sisar mem tungwatu nya he bi noro mem nonti cem lewo noni cem tungwatu.

IBRANI 9:12

Kristus coi ug ei Ninsi Di Kwes di jo ei nisai buug kikau ug ei Ninsi Di Kwes-Kwau mbigom ngat he bijo kikau. Noni ttei kambir kin sapi nikre di nehen pap inggrom mem gima biya hacan mem tungwatu nya bi. Noro ttei Nonti ninggrom ba, bikwek nye leu sisar de nisindemti bijo kikau.