IMAM NYA IDE MIDYAI 4:26 - ALLAH NIHYET MEM TUNGWATU NYA

²⁶ Lene ma imam dima ndig nimmau hagom kep hum ei nimbar hum dokti bit leu nok niyai kepti tirigi po noni ndig sapi kep hum mem nibon midut nibiyai ningon kwes kin Allahti pima. Nok gima lene imam mibon midut mem nibou mben Israel nide sisar di noni bon bisinggre bi dima leu binhyepo tuhan mikos ser nide sisar.

IMAM NYA IDE MIDYAI 4:26 ပူးပေါင်းရင်းမြစ်များ

IMAM NYA IDE MIDYAI 4:20

Ma Imam Nibou Ndig yai gini hagom bit leu nok niyai kepti tirigi po ndig sapi kep hum mem nide sisar pima. Nok gima lene Imam Nibou Ndig mibon midut mem mben Israel yahagom ide sisar di ibon kin gi ibisinggre bi dima leu binhyepo tuhan mikos ser ide sisar.

MBEN ISRAEL IMBUT-MBUT NYEN 15:28

Lene suar imam bon midut nibiyai nikos ser sisarti mem no dima ei tuhan Noho bei leu binhyepo tuhan kos ser nide sisar.

IMAM NYA IDE MIDYAI 5:10

Lene ma imam ndig ha gi nican kep hum bit leu nok tuhan nicukti. Nok gima lene imam mibon midut mem no dima leu binhyepo tuhan mikos ser nide sisar.

IMAM NYA IDE MIDYAI 4:35

Lene ma imam dima digo nimmau hagom leu bit leu nok gi po noni digo nimmau leu mem nibon midut nibiyai ningon kwes kin Allahti pima leu api ndig hagom bitut njita di no dima yai bak tuhan kep hum. Nok gima lene imam mibon midut mem limwa gom dima nide sisar di noni bon kin gi bisinggre bi dima leu binhyepo tuhan mikos ser nide sisar.

IMAM NYA IDE MIDYAI 4:31

Lene ma imam dima digo nimmau hagom leu bit leu nok gi po noni digo nimmau mem nibon midut nibiyai ningon kwes kin Allahti pima leu api ndig hagom kep huma. Lene tuhan mijoi sut ninghap di ngge kei dima. Nok gima lene imam mibon midut mem limwa gom dima nide sisar di noni bon kin gi bisinggre bi dima leu binhyepo tuhan mikos ser nide sisar.

IMAM NYA IDE MIDYAI 3:5

Lene ma imam nya indig ninghui dini hagom kep hum bitut mun di nindigsi nya ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 6:7

Lene ma imam bon midut nibiyai nikos ser sisarti dima mem no dima leu binhyepo tuhan mikos ser no dima nide sisar.

IMAM NYA IDE MIDYAI 5:18

Suar noni jem domba e, he kambir nikre di bok-ba bi ningut gom e, di nibok bit leu nok nibok di ice tut mem tuhan De Prak Meng kwei. Lene ma imam bon midut nibiyai nikos ser sisarti apino tuhan mikos ser no dima nide sisar di bon kin gi bisinggre bi dima.

IMAM NYA IDE MIDYAI 5:16

Ma noni kum tuhan de ningwam dima bak imam nya bikum eisi bu ei ningat can leu ningot gom lene nok. Lene ma noni yai mindhe dima bak imam leu binhyepo imam dima mibon midut nibiyai nikos ser sisarti apino tuhan mikos ser nide sisar.

IMAM NYA IDE MIDYAI 5:13

Gima rino imam dima mibon midut leu binhyepo tuhan mikos ser no dima nide sisar. Lene ma tepun niken jo mem imam nya igyem kep bit leu nok gi po tuhan nicukti tut gandum ngat di indig kep hum pima.

IMAM NYA IDE MIDYAI 1:4

Lene ma noni kes ninda ei sapi nibou dip leu api tuhan ningon micut hon niyai munti dima bikos ser nide sisar.

IMAM NYA IDE MIDYAI 4:19

Lene ma noni kon sapi pima nimmau bindig hagom kep hum ei nimbar hum dokti.

IMAM NYA IDE MIDYAI 12:8

Lene gino sop dima nyeng tut domba pmot hi bi lene ma noni krau ha tekukur e, he hakimoi mbrei ningut can e, kwei. Bihi mem nibon midut nindig mindhe titut kep hum lene bihi mem nibon midut nibiyai nikos ser sisarti. Lene suar imam dima bon midut di bindei ciu ser map di kui sop dimati leu binhyepo noni kei hanyen.”

IMAM NYA IDE MIDYAI 14:18

Lene ma noni siber mini zaitun ei ninda bia bei niken ug ei no dima nibou nggram him. Tug hon nisinati dima lene imam mibon midut niyai ninghuisi kwes hanyen.

NIBOHON MBEN ISRAEL GI NICAN 29:24

Igyok inda ei dip bidem leu api imam nya ibui ba, iba ninggrom biprok nimbar hum dok. Iba midut dima biyai nikos ser sisarti gau limwa nya yahagom. Ibon midut nindig mindhe-ndhe titut kin midut nibiyai nikos ser sisarti ei nimbar hum dokti gau limwa nya yahagom nok gima lewo nibou ndig cuk yok tut.

IMAM NYA IDE MIDYAI 15:15

Suar imam dima bui ha dima ningut gom bindig kep hum nok mun di ibui bibam mem nibon midut nibiyai nikos ser sisarti. Lene noni bui gi hi dima bibam mem nibon midut nindig ha titut yam kep hum. Tug hon nisinati dima lene imam bon midut nipiap no dima bipwoi ei tuhan Noho bei.

IMAM NYA IDE MIDYAI 17:11

Bikwop mindhe di ninnei tau nuhwap nsi hagom ninnei no jo ei ninggromti. Gima rino tuhan cuk mben Israel leu binhyepo iba mindhe-ndhe ninggrom hagom biprok nimbar hum dok nidip leu binhyepo bidip tut Nide limwa nya ide sisar hagom. Ninggrom ne ninnei rin ba, ciu ser sisar.

IMAM NYA IDE MIDYAI 19:22

Lene ma imam gom kos mindhe dima bibon midut nibikos ser no dima nide sisar apino Da di tuhan midikos ser nide sisar hak ug.

MBEN ISRAEL IMBUT-MBUT NYEN 15:25

Leu api suar imam bon midut nibiyai nikos ser sisarti mem limwa nya. Apino tuhan mikos ser ide sisar di ibon kin gi ibisinggre bi dima lewo ijem mindhe kwei mem nibon midut nibiyai nikos ser sisarti kin nibon midut nindig mindhe titut kep humti cem bak tuhan.

YEHEZKIEL 43:22

Njapti kui bu lene suar abui kambir nikre di bok-ba bi ba, andig ei nimbar hum dokti mem midut nibiyai nikos ser sisarti. Ma aba ninggrom bindei pwoi nimbar hum dok noyam kin gi aba sapi nikre di nehen pap bindei pwoi pima.