IMAM NYA IDE MIDYAI 4:21 - ALLAH NIHYET MEM TUNGWATU NYA

²¹ Lene ma noni kon sapi dima ninghui hagom buug sut ug ei mben Israel ide prak meng yati dima nisai bindig hagom kep hum bit leu nok niyai kepti tirigi po noni bui sapi mem nide sisar pima. Gini ne nisinati mem imam gom bon midut nibiyai nikos ser sisarti di mben Israel yahagom ibon kin gi ibisinggre bi ri.

IMAM NYA IDE MIDYAI 4:21 ပူးပေါင်းရင်းမြစ်များ

IMAM NYA IDE MIDYAI 16:15

Gima ngwig lene ma Harun bui kambir mem nibon midut nibikos ser mben Israel ide sisar leu api hek ninggrom poi kwei ei Ninsi Di Kwes-Kwau bigimahap Brua Gi Preu nibeng kin nuhui cem bit leu nok niyaisi tug hon sapi nikre ninggrom pima.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

EZRA 8:35

Yo di ingkwei hanyen leu ingkiasi dima yahagom ibon midut nindig mindhe-ndhe titut ei nimbar hum dokti bak mben Israel ide Allah ei njap dima cem. Ibui sapi nikre ningut simnaibrimigcan bindig ei nimbar hum dokti bak tuhan gau limwa mben Israel yahagom. Lene ibui domba nikre ningut ningot muhwindatai ba, muhwindagom kin domba pmot ningut ningot muhwindacan ba, muhwindacan bu. Ter leu gima bu lene iba kambir ningut simnaibrimigcan bibon midut nibiyai nikos ser sisarti gau yonti. Indig mindhe-ndhe dima yok hagom ei nimbar hum dokti nok mun di ibui di ibikuk yok bak tuhan.

IMAM NYA IDE MIDYAI 16:21

Lene ma noni yok ninda hacem ei kambir nibou nggram him bipai jit mben Israel ide mun di kinei kin ide sisar kin ide naham nimbuk kep Dati hagom leu binhyepo kes hagom bijo ei kambir dima nibou dip. Gima ngwig lene ma tungwagom di imam ndo nipou su jem kambir dima ug ei nisai bijji kikau ug ei iggum ndigsi.

IBRANI 13:11

Mben Yahudi ide Imam Nibou Ndig kon mindhe ninggrom ug ei Ninsi Di Kwes-Kwau mem midut nibikos ser sisarti. Noro indig mindhe dima ningut kep hum ei minu ndig nisai ma kwei.

IMAM NYA IDE MIDYAI 4:13

Lene gino bikwop mben Israel yahagom ibon sisar kin gi ibisinggre bi bigyai mun tunggwei tuhan nicuk yokti nya ninyeng gom lene,

IMAM NYA IDE MIDYAI 4:20

Ma Imam Nibou Ndig yai gini hagom bit leu nok niyai kepti tirigi po ndig sapi kep hum mem nide sisar pima. Nok gima lene Imam Nibou Ndig mibon midut mem mben Israel yahagom ide sisar di ibon kin gi ibisinggre bi dima leu binhyepo tuhan mikos ser ide sisar.

MBEN ISRAEL IMBUT-MBUT NYEN 15:24

Gino limwa nya yahagom ibon sisar nibisinggre bi bigyai tunggwei nicukti drek dip gi ikan tut nicukti dima bi lene suar yahagom ijem sapi nikre ningut gom kwei mem nibon midut nindig mindhe titut kep hum leu api mikwau di indig dima ngge kei bipwoi tuhan ningona. Lene ittei gandum kwei mem nibon midut njita nibipai sigyo bak Allahti ba, ittei ba anggur ngei kwei mem nibon midut ba anggur ngei di isiberti cem. Bitut gima lene ijem kambir nikre ningut gom kwei mem nibon midut nibiyai nikos ser sisarti.

NEHEI LEUSI 29:14

Noro andig ninghui kin ningkek kin ninak hagom kep hum ei ngug sai leu jide prak meng yati dima. Gini ne mun di jikwas tut Da leu binhyepo dibikos ser imam nya ide sisar ri.

IMAM NYA IDE MIDYAI 6:11

Lene ma noni juk nide sinsun nibon midut pima leu no ba, juk nide sinsun nitu leu api kon atriem ndung dima ei mben Israel ide prak meng yati dima nisai bicom hagom ei mpia ttou nsi gom di ipigig ser mem tu.

IMAM NYA IDE MIDYAI 6:23

Harin dima imam nya igyem kep roti di yoni igyai bak tuhan dini a. Noro ma indig hagom kep hum.

IMAM NYA IDE MIDYAI 8:17

Lene noni et ningkek ba, digo ninghui kin ninak hagom cem buug sut ug ei mben Israel ide prak meng yati dima nisai bindig hagom kep hum bit leu nok tuhan nicukti.

IMAM NYA IDE MIDYAI 16:27

Lene ma imam nya ikon sapi nikre kin kambir po ibui mem nibon midut nibikos ser sisarti po Harun hek ninggrom bicoi ug ei Ninsi Di Kwes-Kwau mem gima piap sisar pima ingkek kin inghui kin inak hagom ug ei mben Israel ide prak meng yati nisai bindig hagom kep hum.

YEHEZKIEL 45:22

Suar nibou ndig bui sapi nikre ningut gom mem midut nibiyai nikos ser sisarti mem nonti kin nide limwa nya cem ei njap gi nigom.