IMAM NYA IDE MIDYAI 3:16 - ALLAH NIHYET MEM TUNGWATU NYA

¹⁶ Lene ma imam dima ndig ninghui dima hagom kep hum ei nimbar hum dokti nok nibon midut nibiyai ningon kwes kin Allahti di no dima bon mem tuhan. Lewo mindhe dima nimmau hagom rinok tuhan de.

IMAM NYA IDE MIDYAI 3:16 ပူးပေါင်းရင်းမြစ်များ

NITRITI 4:4

Lene Habel jem nide domba nipmot bou leu api bui bidigo bikwas nimmau ndok tut tuhan. Apino tuhan joi sut Habel tut nide munkwas.

NIBOHON MBEN ISRAEL GI NICAN 29:35

Ter leu nibon midut nindig mindhe-ndhe titut ei nimbar hum dokti dima ne imam nya indig nimmau ndok di ikus leu mindhe-ndhe di ibipai sigyo bak tuhan bibui nok mikwau di igyem dima ba, ikiber ba anggur ngei bit mindhe-ndhe di indig ei nimbar hum dokti pima cem. Yahagom ikinyon ei nibon midut nikuk no bak Allahti ei tuhan De Ig tug hon nisinati dima.

NIBOHON MBEN ISRAEL GI NICAN 7:7

Leu api Salomo piga mpia di jo bas hak di iba ngug tig bikrop ttai nite ninggimau ngat di jo ei tuhan De Ig dima nuhui him ei mem tuhan. Leu api bindei ba, ibon midut nibui mindhe-ndhe titut kin midut njita nibipai sigyo bak Allahti cem ba, indig mindhe-ndhe nimmau ndok ei gumihyep dima bak tuhan nok nibon midut nibiyai ningon kwes kin Allahti gau noni kin limwa nide nya cem. Ibon midut nindig gima yok hagom titut yam ei mpia dima lewo nimbar hum dok ngkimom-tembaga di ibon ei su pima dem mem mun di ikwas di ibikuk yok bak tuhan dima yok hagom bi.

NEHEI LEUSI 29:13

Lene akus nimmau hagom leu sapi ninghopti kin nisingau igdo hi di kei bibor kin nikimbu hacem bitut nimmau di joti nya leu api andig hagom kep hum ei nimbar hum dokti nok mun di abikwas tut Da.

NEHEI LEUSI 29:22

Lene akus domba nikre nimmau leu domba ningut bitut nimmau leu nipu kin ninghopti kin nisingau igdo hi di kei bibor kin nikimbu hacem bitut nimmau di joti nya kin nindimuhum di ndam ninda com hagom.

YESAYA 53:10

tuhan pai ditde awak yai ninghuisi wei bit leu dingon kanti leu binhyepo nimaisi midem kep nok midut nibikos ser sisarti. Gima rino noni mingat nide nintun him yamti di bram yam nya bou niyai him lewo nide njap jei bibor. tuhan ningon kanti mipek kep tug hon noni.

YEHEZKIEL 44:15

tuhan Di Ninyeng Jei Bibor pai “Mpe di mben Israel ikes Da ei lene imam di intun Zadok him iba ingon gom bita ibou ei niyai midyai mem Dani kikau ei Ditde Ig. Gima rino nogindini suar yoni rima ikwei ya ei Doho bei mem gima ittei mindhe di ibui nimmau di ndok bindig ei nimbar hum dokti lene iba ninggrom bigimahap nimbar hum dok ba, ibibon midut mem Da.

IMAM NYA IDE MIDYAI 17:6

Lene suar imam ba mindhe ninggrom biprok nimbar hum dok nitta ei bei dimbou tuhan De Prak Meng nuhui leu api ndig nimmau kep hum bibindei ba, tuhan mijoi sut ninghap di ngge kei dima.

IMAM NYA IDE MIDYAI 4:26

Lene ma imam dima ndig nimmau hagom kep hum ei nimbar hum dokti bit leu nok niyai kepti tirigi po noni ndig sapi kep hum mem nibon midut nibiyai ningon kwes kin Allahti pima. Nok gima lene imam mibon midut mem nibou mben Israel nide sisar di noni bon bisinggre bi dima leu binhyepo tuhan mikos ser nide sisar.

IMAM NYA IDE MIDYAI 4:31

Lene ma imam dima digo nimmau hagom leu bit leu nok gi po noni digo nimmau mem nibon midut nibiyai ningon kwes kin Allahti pima leu api ndig hagom kep huma. Lene tuhan mijoi sut ninghap di ngge kei dima. Nok gima lene imam mibon midut mem limwa gom dima nide sisar di noni bon kin gi bisinggre bi dima leu binhyepo tuhan mikos ser nide sisar.

IMAM NYA IDE MIDYAI 8:25

Lene Musa digo domba dima nimmau kin nipu di nimmau ndok kin ninggwo kin nisingau igdo hi di kei bibor kin nikimbu hacem bitut nimmau di joti nya kin nindimuhum bei nite ninda com hagom.

IMAM NYA IDE MIDYAI 9:24

Jei bi lene tuhan pinak nide hum kros kwei bibindei hum dima yem mindhe titut kin nimmau hagom ei nimbar hum dokti bingwig. Tirigi yo dima ingat mun di mindur dini lene yahagom ikon ighyet nok gom leu api yom yok biba ingwak bikik mpia.

MATIUS 22:37

Yesus buhup “Suar aba angonti titut yam kin anei titut yam kin angon kanti titut yam bingon ngakei ade Tuhan Allah.