IMAM NYA IDE MIDYAI 27:28 - ALLAH NIHYET MEM TUNGWATU NYA

²⁸ Mun di jikwas pijum hak ei mem gima jibikuk je bak tuhan nok tungwatu kin mindhe kin dihyei hanjop nsi ne harin dima jitri ba, jipek hanyen cem a. Mun dima yok hagom tuhan de bijo ninno bijo kikau.

IMAM NYA IDE MIDYAI 27:28 ပူးပေါင်းရင်းမြစ်များ

NEHEI LEUSI 22:20

Suar jikes hukum nimai ei no di bui mindhe bindig kep hum ei nimbar hum dokti bak nung di ngkiai ikuk yok bak njiriek Dani dip lewo Dangkom ne tuhan ri.

IMAM NYA IDE MIDYAI 27:21

Ug ei Ari Bingwam Ningkwei Hanyenti gi nidipti bu lene hanjop nsi dima nok tuhan de bijo ninno bijo kikau. Ma jiyai dihyei dima bak imam nya.

NINDAT KEP TUHAN NICUKTI NYA 25:19

Gima rino tirigi jide tuhan Allah yai minu dima bije bijingwes ngun leu jide siceu di ibong ttai je yahagom inda nsi lene suar jibindei sar mben Amalek dima yahagom imai bingwig leu binhyepo tungwatu nya igyok ngon kep yoni bu bi sren. Ma jibbwe ser dicuk jeti dini au.”

SAMUEL GI NIGOM 15:18

Nok gima cem Noni pinak na di Andigpoi ba, cuk na leu binhyepo ahwen mben Amalek di isibut bibor dima. Allah cuk na di Andigpoi ba, ata abou ei gi akon pran bit yok kikau bibou yahagom imai bingwig ug e.

YOSUA 7:1

tuhan pai bak mben Israel tu bipia suar ibindei sar ndigban hagom ei minu ndig Yerikho bihigom lene ma igyai mun nyeng gom mem yonti au. Noro ibit nicukti dima bi. Apino tuhan gga limwa mben Israel bibor drek dip pinai gom di ninyeng Akhan bon mun tunggwei nicukti dima. (Akhan nicig ninyeng rino Karmi ba, nignyon ninyeng rino Zabdi leu Zerah ninsi de ei keret Yehuda.)

YOSUA 6:26

Mpe dima lene Yosua sok kep tungwatu nya yahagom bipai “Tungwa tou rino kinyon ei gima win minu ndig Yerikho hanyen mitug ndei tuhan de nisigion noti. Tungwa tou rino tig cou nipmem lene nipmot mighumbou mimai drek dip. Tungwa tou rino kinding dimbou di itu ei ngug tig lene nipmot nipumiap mimai drek dip.”

MBEN ISRAEL IMBUT-MBUT NYEN 18:14

Mun nyeng hagom di mben Israel ikwas pijum ei tut Dani pima ne ade ri.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

GALATIA 3:10

Allah sigion yo di iba ingon com bipia igyai ingon di kwes kin Noni tug hon gino ibit Puig Yahudi niggai serti nya yahagom. Bit leu nok gi ipas ei Allah nihyetti “Tungwa tou rino ba ningon di gom bibit Puig Yahudi niggai serti kikau bi ne Allah sigion no dima.”

KORINTUS GI NIGOM 16:22

Ma Allah sigion no di ningon ngakei Tuhan bi! Maranatha! Tuhan e, ma akwei hanyen!

ROMA 9:3

drek dip disut bat di ditig mbier tut yok nya. Lewo danti dijoi sut Allah sigion da bimbres da leu Kristus mem yoni.

MATIUS 25:41

Lene Noni pai bak yo di igya kui ninda prak ‘Juug bihigom leu Doho bei lewo Allah mbriom je tu! Juug dor kikau ug ei hum di bit bon hi mu kan bi di Allah tin ei mem Bilis kin nide malaikati nya!

SAMUEL GI NIGOM 15:3

Gima rino ma aug kon pran bit mben Amalek ba, abindei timek mun di inyeng tut nya hagom hak ug. Lene ma ayai nimai bak pinai nya kin sop nya kin munggwom nya kin ningwoi-ngwoi nya kin sapi nya kin domba nya kin unta nya kin keledai nya hagom hak ug.”

NIJAM NIKEI NYA 21:11

Ba, icuk yok leu binhyepo ikes hukum nimai ei pinai nya yahagom kin sop di igwam itta pilei bi nya yahagom dip.

NIJAM NIKEI NYA 21:5

Leu api igyok igyai kep yam bihig-hig nyen ser yam “Apo nimpung tou rino kwei dem yam ei tuhan Noho bei ei Mizpa nipou pima bit nye bi i?” (Mpe di pima yeheng tut bingkiem bipia mikes hukum nimai ei no di bit ighyet bikwei ya ei Mizpa bi dip.)

YOSUA 7:25

Leu api Yosua pai bak Akhan “Nggon rino abindei di mun di buhun cut igkep nye i? Nogindini tuhan mibindei ba, mun di buhun micut igkep nani!” Pai nok leu api mben Israel iba tig bibihwen Akhan kin nide ig bei nsi nya ba, imai bingwig. Lene indig ndigban di nyeng tut nya hagom kin ndigban di nggimang pima yok cem hagom kep hum ningwig a.

IMAM NYA IDE MIDYAI 27:27

Noro tut mindhe di map kuisi nipmot bou ne disindui sut ba, jiba nibok di jikrau kep ei tuhan De Prak Mengti bipek gima hanyen lene jibikum ei mitiei nitig canti bu leu ningot gom lene nokti. Gino jipek nipmot bou dima hanyen bi lene disindui sut ba, jiba nibok di jikrau kep ei tuhan De Prak Mengti bitri gima hanyen bak nindigsi nya.

IMAM NYA IDE MIDYAI 27:29

Nicukti dima mem tungwatu di ikos tut pijum hak ei bak tuhan mem gima bindei sar tu lene harin dima jipek noni hanyen a. Suar noni tug ndei nimai.

NINDAT KEP TUHAN NICUKTI NYA 7:26

Ma jipwoi kwar dima yok ba, juug sut ug ei jide ig bei au. Leu gi nok lene mijitug ndei nisigion jeti noyam kin kwar nya di tuhan sigion tu. Suar jingon mpo tut mun dima yok hagom bijimbres jenti leu. Lewo tuhan sigion mun di dima yok hagom tu.”

YEHEZKIEL 44:29

Suar itug ndei mun di bahati tut yok tug hon midut njita nibipai sigyo bak Allahti kin midut nibiyai nikos ser sisarti kin midut nibikum Allah de ningwamti di ibon mem mben Israel bitut mun nyeng hagom di ide limwa nya ikwas pijum tut Da. Ba, gima yok hagom ne ide mun di bahati tut yok ri.

YEHEZKIEL 48:14

Ma itri dihyei dima poi mien ba, iba dihyei hiter biluei dihyei dima cem au. Ma dihyei Israel nittou nsi di kei bibor kei dima pri bicut ei yo di hiter indati au. Lewo ipek dihyei hanjop nsi dima pijum ei mem tuhan binok Nide dihyei ninda rom tu.

IMAM NYA IDE MIDYAI 21:22

Noro disindui sut ba, noni yem kep njita di leu nibon midut njita nibipai sigyo bak Allahti di kwes kin njita gi nitin eisi di kwes-kwau cem.

NIBOHON MBEN ISRAEL GI NICAN 31:14

Ikon Kore di Yimna nipmot bindo midyai bak leu binhyepo su ninda mem munkwas di ibikuk yok bak tuhan biyok hagom keyam. Leu api mikwas tut tungwatu nya bu. Kore ntun keret Lewi him ba, noni rinok nibou mem yo di igya ser Dimbou Pmem Nite Bei Mpia Nipriti.