IMAM NYA IDE MIDYAI 26:9 - ALLAH NIHYET MEM TUNGWATU NYA

⁹ Midinjei mun di kei bak jeni lene midibindei ba, jignyot bat kin jidrot bat nya imang bibor. Midibindei ba, gi preu po dipreu ei mem jeni pima mipek kep mem je.

IMAM NYA IDE MIDYAI 26:9 ပူးပေါင်းရင်းမြစ်များ

NITRITI 1:28

Lene Noni njei mun di kei bak yoni bipai “Ma jiyai jimunggwom bat nya imang bibor leu binhyepo jide nintun him yamti di bram yam nya midigek kep mpia bikieng kep dihyei nisurti-nipekti binyohou hagom. Dita jeni bijinyeng tak kep wau nya kin ha nya kin mindhe-ndhe di ibong bigbehei nya hagom.

NITRITI 17:20

Dimiap ahyet tirigi ahara Da tut Ismael tu. Mporo midinjei mun di kei bak noni leu api noni bon nimunggwom bat nya ba, nide nintun him yamti di bram yam nya idigek kep mpia. Noni minok pung di minir nya ibou simnaibrimigcan intun him. Midibindei ba, nide mben idigek kep mpia.

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

NITRITI 28:14

Yo di intun nani him midigek kep mpia ba, imangti ningot ndig noyam kin dihyei ndung nimangti. Lene mporo yoni mikieng kep mpia ug ei nite bei mpia nicutti kin nite bei mpia nipriti kin nite bei mpia nijjai kin nite bei mpia nibiho. Ba, mben dihyeisi dini hagom mporo mitug ndei mun di kei tug hon nani kin ade nintun him yamti di bram yam nya cem.

NITRITI 28:3

Nna ba Allah Di Sindem Bibor njei mun di kei bak nani tirigi awak atnem leu api bindei ba, amunggwom bat nya imang bibor intun nani him leu binhyepo anok pung di mben mang bibor intun him!

NITRITI 48:4

Lene Noni preu ei mem da bipia Noni mibindei ba, ditde nintun him yamti di bram yam nya idigek kep mpia apino inok pung di keret nya imang bibor intun him. Lene Noni mipek minu dima hagom bida kin ditde nintun him yamti di bram yam nya bijo ninno.

NITRITI 6:18

Noro midipreu nipreu eisi gom mem na. Ma abuwak atnem kin apmot bat nya bitut itnem bat nya cem ba, jahagom jicoi ug ei kibar nsi.

NIBOU NDIG NYA GI NIGOM 3:8

Disrig yo di adimig yok ei ba, inok Ade limwa nya. Lene bit bon tungwatu nya ikwop imangti kan bi.

NIBOU NDIG NYA GI NICAN 13:23

Noro tuhan ngondut Nide limwa nya ba, kos ser igyai munti nya cem. Noni mpu yok bisindui sut ba, isar bi drek dip gi preu di Noni bon bak Abraham kin Ishak kin Yakub. tuhan bbwe ser Nide limwa nya bi sren kikau kwei bipek ammani kep.

NEHEMIA 2:20

Dibuhup “Allah di ninyeng jei ei gwamti mibindei ba, nyende midyai dini mimbut sindem. Ninok Nide awak nya ba, mbigom nikinyon eisi ug ri. Noro jeni rino jiyai srat nisindem ba, jinyeng tut hanjop nsi hi ei minu dini bi. Ba, daptar di ipas kep timiei minu ndig Yerusalem nya inyeng eisi tibim tut jinyeng bi sren.”

NEHEMIA 9:23

Abindei bidigek kep mpia ba, igyai imunggwom bat nya imangti noyam kin ham mpia-bbed him nimangti. Apek dihyei hanjop nsi nok gi dem mem idis yam eisi bibong kei igwam kei eisi bit leu nok apreu ei mem idigup bat-idigai bat nyati nipou su.

MAZMUR 107:38

tuhan singat tut yok bibindei ba, idigek kep mpia ba, ide mindhe-ndhe di ighyen kep nya ibep hanyen nok gi dem cem.

MAZMUR 89:3

Dikan tut bipia angon ngakei nyeti jo gingga ba, angon gomti cem mijo ninghig-niker eisi rin dem kep nok mpia-bbed him.

NEHEI LEUSI 1:7

Noro yo di intun yoni him inyeng rino mben Israel ba, idigek kep mpia bibon imunggwom bat nya imang ndig ba, ide nintun him yamti di bram yam nya ikieng kep minu Mesir nisurti-nipekti hagom.

NEHEI LEUSI 2:25

Noni ngat bou niyai him bipia mben Mesir iba imbuk co kep mben Israel. Gima rino kos tut bipia mimpu yok.

NEHEI LEUSI 6:4

Dimiap kep mben Israel ighyet tirigi ilua biDa drek dip mben Mesir di iba isibut bico kep yok leu api diyok ngon kep mun di dipreu ei mem yok tu.

YESAYA 55:3

Ditde limwa jen, ma jintu kep dihyet bijikwei bit Da leu api midiyai niyaijo nijit bije. Midipreu ei mem je bidiyai ningon ngakeisi kin ningon gomti bijo ninno bijo kikau bije bit leu nok dipreu ei mem Daudti.

YEREMIA 23:3

Midinduk Ditde limwa nindigsi nya kwei leu ingkiaisi di dicom yok eisi leu api ibong ser itimieisi hanyen ba, idigek kep mpia.

YEREMIA 23:4

Midita nibou di inyeng tak kep yok binyohou yok. Mpe dima lene ittin ba, idigit cem bu bi. Hi di mipror leu yok cem bi. Da di tuhan disimbot dat tu.”

YEREMIA 33:3

“Ahara Da leu api midibuhup ahyet. Midimbot kep tut mun di kei-kau di biyai ningon nggap leusi di akan tut bi sren nya bina.

YEHEZKIEL 16:62

Midibon gi preu nijep bit na apino akan tut bipia Dani ne tuhan ri.

YEHEZKIEL 36:9

Ditti kin je tu. Dipreu ei mem je bipia mijikkin jide dihyei bijindim ningan eisi hanyen bu.

IMAM NYA IDE MIDYAI 26:15

jipigau gi preu po dipreu ei mem jeni pima ba, jibit dimbrap tutti kin didimig sutti nya bi,

LUKAS 1:72

ningon nggriu sut idigup bat-idigai bat nya lene biyok ngon kep Nide nipreu ei mem yokti di kwes-kwau.

NINDAT KEP TUHAN NICUKTI NYA 28:11

tuhan miyai munggwom mang-mang bijeni. Mindhe-ndhe nihyen kep jide nya mimang lene jide miai mingat ningat di mpung bipias hagau ei minu di tuhan preu ei mem jidigup bat-jidigai bat nya bipia miyai bijeni.

NINDAT KEP TUHAN NICUKTI NYA 28:4

tuhan miyai gi kei bije apino mijibon jimunggwom bat nya imang bibor ba, dihyei mingat ningat mpung bipias hagau mem jeni ba, sapi kin kambir kin domba jide nya nimangti mikum eisi bibor cem.

NINDAT KEP TUHAN NICUKTI NYA 7:13

Noni miningon ngakei je biyai gi kei bije leu binhyepo jibon jimunggwom bat nya imang bibor ba, jidigek kep mpia. Noni miyai gi kei bije bibindei ba, njita di nnum hei ei jide miaisi nya apino mijiyai gandum kin ba anggur ningei kin biei zaitun ningei nok gi dem. Noni miyai gi kei bije bibindei ba, jide sapi nya kin jide domba nya mikum eisi bu. Noni minjei mun di kei dini yok hagom bak jeni ei minu po Noni preu ei mem jidigup bat-jidigai bat nya bipia miyai bije pima ri.

IBRANI 8:9

Gi preu nijep dima noyam kin gi preu nitimiei di dibibon mem idigup-idigai bat nya tirigi dibrim yok kwei leu minu Mesir bi. Yoni ingon gom tut gi preu di dibibon mem yok dima bi. Gima rino dikes yok ei leu api dinyohou yok bu bi.